11月限定Aqua Fitness 「暖」住玩盡水上樂園只需HK$288

邊個話夏天先係玩水Season？就算踏入11月都一樣係玩水嘅Perfect Season！海洋公園嘅水上樂園講到明全天候俾你埋嚟睇埋嚟玩，當然會照顧埋任何季節都想玩水嘅你！今個11月，海洋公園嘅室內造浪池天海灣將會期間限定化身為勁舞池同健身熱點，俾你體驗另類Aqua Fitness*「水上鋼管舞」及「水上帶氧操」**，仲會好貼心咁為大家準備暖身3寶，包括暖笠笠嘅恆溫泳池、無間斷室內暖氣，仲有去到邊都有嘅室外暖燈，全程俾你「暖」住玩盡水上樂園！而家全天侯盡「㷫」玩都只係HK$288起，快啲買飛入場，暖住玩爆水上樂園‍。

「暖」玩Aqua Fitness 體驗水上鋼管舞及帶氧操

近年運動熱潮盛行，對於無得出外旅遊嘅香港人嚟講，做運動有益身心之餘亦都係消閒娛樂嘅好活動！今次海洋公園水上樂園就大玩創新同貼心，俾大家喺冬天暖笠笠咁玩盡另類水上活動，分別有水上鋼管舞體驗同水上帶氧操體驗，呢兩項水中運動都有助促進血液循環，幫助身體放鬆並減輕疼痛。

水上鋼管舞體驗

喺專業鋼管舞導師指導下，體驗水上鋼管舞嘅神奇感覺！喺水中借助浮力做出平時鋼管舞嘅高難度動作，同三五知己一齊擺出優美姿態，仲可以打卡紀念成就解鎖嘅一刻，真係唔係咁多人有機會做到！

Photo from Ocean Park

水上帶氧操體驗

由專業導師設計一連串帶氧伸展運動，男女老幼都同樣可以參加！喺水中做運動，除咗可以鍛煉肌肉、提高身體柔軟度之外，仲可以舒緩一般運動對關節嘅壓力，幫助改善身形，簡直係一舉兩得呀！

Photo from Ocean Park

冬天都暖住你玩足全場

Photo from Ocean Park

全天候開放嘅水上樂園除咗設有恆溫系統、暖風同溫水設備外，戶外排隊位置更有暖燈設施，去到邊都會暖住你，任何季節都可以盡情探索水上樂園，玩盡各種歡樂體驗同刺激設施，超級貼心！

「全天候盡㷫玩」優惠門票

水上樂園更推出「全天候盡㷫玩」門票優惠，即日起至2023年1月23日，成人優惠價HK$288（原價HK$360）、小童優惠價HK$202（原價HK$252），有效期為即日起至2023年1月31日止（不包括休園日、星期六、日及公眾假期）！買飛即到： https://bit.ly/3E27tZu 想知更多有關「暖」玩Aqua Fitness嘅資訊請即上 https://bit.ly/3gZoavF 了解更多啦！

想無限次入園暢玩？快啲入手「全年Go Splash會籍」365日無限次「沖」入水世界+，或「全年Go Splash Lite會籍」一年四季平日^隨時激玩，成為水上樂園會員即可歎盡一連串驚喜禮遇！ https://bit.ly/3Ei30lI

Photo from Ocean Park

「『暖』玩Aqua Fitness」於指定日子舉行，分別為11月12、13、19、20、26、27日。

#「水上鋼管舞體驗」及「水上帶氧操體驗」須於水上樂園天海灣即日報名，每班30分鐘，名額有限，先到先得。

「水上鋼管舞體驗」參加者必須年滿12歲或以上，身高必須要在140厘米或以上，體重限於180公斤以下。

「水上帶氧操體驗」參加者必須年滿5歲或以上，身高必須要在110厘米或以上。詳情請參閱「水上鋼管舞體驗」及「水上帶氧操體驗」活動參加細則。

+水上樂園會因維修、保養、惡劣天氣或其他理由，隨時更改開放日期或時間，以及暫停開放或關閉園內設施而不作事先通知。遊客根據前述情況所作出的退款或延期要求，不論全數或部份款項，將不作受理。

^一年四季平日為逢星期一至五（星期六、日、公眾假期及不適用日子除外）。

香港海洋公園水上樂園網站： http://waterworld.oceanpark.com.hk

香港海洋公園水上樂園 Instagram： http://instagram.com/waterworldoceanparkhk

香港海洋公園水上樂園 Facebook： http://facebook.com/waterworldoceanparkhk

Text: HolidaySmart

Photo from: Ocean Park

Featured for: Ocean Park