download HolidaySmart 假期日常 app
大灣仔的夜2|陳小春、張智霖等街頭唱歌!引群眾圍觀後跑走但無人理?!

大灣仔的夜2|陳小春、張智霖等街頭唱歌!引群眾圍觀後跑走但無人理?!

娛樂新聞
By Jennifer on 10 Nov 2022
Digital Editor

由陳小春、張智霖、謝天華、林曉峰、吳卓羲周柏豪主持嘅《大灣仔的夜2》即將播出,日前網上瘋傳一班大灣區哥哥喺街頭唱歌嘅影片,成功吸引大批群眾拍片,不過當佢哋轉身逃走時卻無人追住佢哋,唔通大家都驚會影響到拍攝工作?!

由陳小春、張智霖、謝天華、林曉峰、吳卓羲、周柏豪主持嘅《大灣仔的夜2》即將播出Photo from 《大灣仔的夜2》

吳卓羲同周柏豪加入《大灣仔的夜2》固定班底

《披荊斬棘的哥哥》令一眾香港男藝人喺內地人氣急升,更獲安排開新節目《大灣仔的夜》,風頭一時無兩!《披荊斬棘》第二季完結後,節目組乘勝追擊再推出《大灣仔的夜2》。今次第一季嘅陳小春、張智霖、謝天華、林曉峰繼續留底,而梁漢文則未有出演,改為吳卓羲、周柏豪加入做大灣區新成員!

《披荊斬棘》第二季完結後,節目組乘勝追擊再推出《大灣仔的夜2》!Photo from 《大灣仔的夜2》

第一季嘅陳小春、張智霖、謝天華、林曉峰繼續留底,而梁漢文則未有出演,改為吳卓羲、周柏豪加入做大灣區新成員!Photo from 《大灣仔的夜2》

同樣作為香港男星嘅吳卓羲同周柏豪喺《披荊斬棘》第二季有唔錯嘅表現,因此有份出演《大灣仔的夜2》一啲都唔意外,節目即將首播,連日嚟幾位大灣區哥哥都喺微博為節目宣傳。

吳卓羲喺《披荊斬棘》第二季有唔錯嘅表現Photo from 吳卓羲微博

節目即將首播,連日嚟幾位大灣區哥哥都喺微博為節目宣傳。Photo from 周柏豪微博

一眾大灣仔街頭快閃唱歌,逃跑卻無人理?

幾位主持更幫節目獻聲唱主題曲,唔少網友都表現十分期待節目播出。日前網上瘋傳幾位大灣仔喺內地街頭快閃唱歌嘅片段,相信係節目拍攝嘅一部分,見幾位大灣區哥哥滿面笑容揸咪合唱,又揮手招呼周圍嘅人過去,睇嚟佢哋心情唔錯。

幾位主持更幫節目獻聲唱主題曲,唔少網友都表現十分期待節目播出。Photo from 《大灣仔的夜2》

日前網上瘋傳幾位大灣仔喺內地街頭快閃唱歌嘅片段Photo from 小紅書

幾位大灣區哥哥滿面笑容揸咪合唱Photo from 小紅書

謝天華揮手招呼周圍嘅人過去Photo from 小紅書

佢哋嘅出現亦吸引咗一班民眾圍觀,並拎出手機拍片,大灣區男團唱完歌之後拔腿就跑,轉身狂奔,不過圍觀嘅群眾卻無人跟住追上去,似乎大家都未反應到過嚟,場面頗為尷尬。

大灣仔出現亦吸引咗一班民眾圍觀,並拎出手機拍片Photo from 小紅書

大灣區男團唱完歌之後拔腿就跑,轉身狂奔,不過圍觀嘅群眾卻無人跟住追上去Photo from 小紅書

《大灣仔的夜2》人氣最低哥哥曝光?!

根據過往第一季《大灣仔的夜》,除咗幾位主持人之外,每集仲會邀請其他嘉賓,第一季有任達華、惠英紅、黎耀祥、鄧萃雯、譚詠麟,以及「家屬」袁詠儀、應采兒等,唔少網民期待第二季會邀請更多香港藝人出演。

根據過往第一季《大灣仔的夜》,除咗幾位主持人之外,每集仲會邀請其他嘉賓Photo from 《大灣仔的夜2》

第二季新加入嘅吳卓羲同周柏豪作為新成員,佢哋因為參加《披荊斬棘》第二季人氣急升,其中吳卓羲雖然微博粉絲數只得360萬人左右,比逾489萬粉絲嘅周柏豪少,但吳卓羲微博嘅帖文每次都獲過萬讚好。同吳卓羲相比,周柏豪嘅post平均只有2、3千讚好。兩人share同一個微博post,吳卓羲獲3,000多讚好,而周柏豪僅1,200個讚好,吳卓羲人氣略勝一籌。

吳卓羲微博粉絲數只得360萬人左右Photo from 吳卓羲微博

周柏豪微博逾489萬粉絲,比吳卓羲多約100萬!Photo from 周柏豪微博

兩人share同一個微博post,吳卓羲獲3,000多讚好Photo from 吳卓羲微博

周柏豪約有1,200個讚好Photo from 周柏豪微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

披荊斬棘2|吳卓羲學唱歌激到瘋狂爆粗!放鬆心情講廣東話大晒真性情

29 Aug 2022

披荊斬棘》第二季有唔少參加者受到關注,其中吳卓羲同好友林峯一直糖黐豆,新一輪兩人卻分開組隊,吳卓羲同佢好欣賞嘅歌手仁科一隊,吳卓羲興奮之時忍唔住講廣東話,更直接爆粗,展現「真性情」。

《披荊斬棘》第二季有唔少參加者受到關注Photo from 《披荊斬棘》

《披荊斬棘》林峯同吳卓羲正式「拆伙」

新一季《披荊斬棘》吸引咗好多港台男星參加,而林峯同吳卓羲同場出現更令網友大嗌好懷念!兩人主演嘅《大唐雙龍傳》現已成為唔少80、90後心目中嘅經典電視劇。

林峯同吳卓羲同場出現更令網友大嗌好懷念Photo from 《披荊斬棘》

喺第二集,32位哥哥將重新組合,分成8組「部落」,準備第二次演唱會。吳卓羲同林峯呢對好兄弟討論分組時候,吳卓羲極力推薦樂隊主唱仁科,大讚佢嘅歌好正,而林峯則想同吳建豪一組,於是兩人決定分開。

吳卓羲同林峯呢對好兄弟討論分組時候,吳卓羲極力推薦樂隊主唱仁科,大讚佢嘅歌好正,而林峯則想同吳建豪一組,於是兩人決定分開。Photo from 《披荊斬棘》

與偶像同組,吳卓羲爆粗大讚仁科

吳卓羲喺向劉愷威介紹仁科嘅時候忍唔住爆粗:「佢哋(仁科所屬樂隊)啲歌好得意,佢哋係好L型㗎!上台演唱著拖鞋㗎!」吳卓羲不時喺節目中唱仁科嘅歌,睇嚟真係好欣賞對方~

吳卓羲喺向劉愷威介紹仁科嘅時候忍唔住爆粗Photo from 《披荊斬棘》

吳卓羲不時喺節目中唱仁科嘅歌,睇嚟真係好欣賞對方~Photo from 《披荊斬棘》

最終佢亦如願同仁科、任賢齊、張峻寧成為組員,佢哋更第二次演唱會選擇劉德華原唱嘅閩南語歌曲《世界第一等》為表演曲目,仁科、任賢齊都識講閩南話,難唔到佢哋,而吳卓羲同張峻寧就要由頭學起。

吳卓羲如願同仁科、任賢齊、張峻寧成為組員Photo from 《披荊斬棘》

仁科、任賢齊都識講閩南話,難唔到佢哋,而吳卓羲同張峻寧就要由頭學起。Photo from 《披荊斬棘》

吳卓羲學閩南話燥到爆粗

於是佢哋決定分成兩組,由任賢齊教張峻寧、仁科則教吳卓羲學講閩南話,不過張峻寧學得好好,但吳卓羲進度就無咁快,講到自己都一頭霧水,仲要講極都講唔啱音,雖然佢係仁科fans,但仁科教完佢講「猛」字嘅閩南語讀音,卻被任賢齊糾正,吳卓羲即忍唔住指住仁科「妖」咗出聲。

張峻寧學得好好,但吳卓羲進度就無咁快,講到自己都一頭霧水Photo from 《披荊斬棘》

吳卓羲學閩南話表情迷惘Photo from 《披荊斬棘》

仁科教完佢講「猛」字嘅閩南語讀音,卻被任賢齊糾正,吳卓羲即忍唔住指住仁科「妖」咗出聲。Photo from 《披荊斬棘》

之後仁科再教佢「是緣分是注定」,但「定」字讀法同任賢齊讀嘅又有出入,令吳卓羲一臉無奈,合埋眼講咗句:「X!跟唔跟你學好呀大佬?!」幕後工作人員問佢會唔會繼續跟仁科學唔太標準嘅閩南話,吳卓羲仍難掩fans心情表示:「我覺得他標準就可以啦!」

仁科再教佢「是緣分是注定」,但「定」字讀法同任賢齊讀嘅又有出入,令吳卓羲一臉無奈,合埋眼講咗句:「X!跟唔跟你學好呀大佬?!」Photo from 《披荊斬棘》

幕後工作人員問佢會唔會繼續跟仁科學唔太標準嘅閩南話,吳卓羲表示:「我覺得他標準就可以啦!」Photo from 《披荊斬棘》

吳卓羲晒廚藝獲任賢齊、王大陸力讚

喺宿舍內吳卓羲仲大晒廚藝,為哥哥們煮蛋炒飯,王大陸大讚佢係做家務嘅男人,任賢齊亦感歎:「(卓羲)結婚一定要告訴我,我要看看那個幸福的女人是誰!」王大陸又問佢點解到依家都仲未結婚,吳卓羲表示:「沒人要。」

喺宿舍內吳卓羲仲大晒廚藝,為哥哥們煮蛋炒飯,王大陸大讚佢係做家務嘅男人Photo from 《披荊斬棘》

任賢齊亦感歎:「(卓羲)結婚一定要告訴我,我要看看那個幸福的女人是誰!」Photo from 《披荊斬棘》

王大陸問佢點解到依家都仲未結婚,吳卓羲表示:「沒人要。」Photo from 《披荊斬棘》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel