四季酒店首度推出豪華遊艇「Four Seasons Yachts」預計2025年面世！內部設計奢華！擁有完善遊樂設施

旅遊攻略

By Stephanie on 10 Nov 2022

Digital Content Writer

國際知名酒店品牌Four Seasons 四季酒店集團一向都以奢華嘅設計而出名，近日集團正式宣佈推出首架遊艇「Four Seasons Yachts」，預計將於2025年面世！

Photo from Four Seasons Hotels and Resorts YouTube

四季酒店推出首架豪華遊艇

早前，四季酒店集團表示預備將其業務拓展到海上，推出首架豪華遊艇「Four Seasons Yachts」：暫定航線為地中海至加勒比海，會途經唔少知名嘅旅遊勝地；而集團亦期許未來可以帶大家遊覽全世界～

Photo from Four Seasons Hotels and Resorts YouTube

每個房間都能飽覽海景

全架遊艇大概係14層甲板咁高，一共有95間套房。每間套房都依然保持住四季酒店固有嘅豪華設計，建築成本非常高，絕對係落重本㗎！而且每間房間都設有超大嘅落地玻璃及小露台，等大家隨時隨地都可以望著一覽無遺嘅海景，超chill～

Photo from Four Seasons Hotels and Resorts YouTube

即睇更多人氣文章：

東京自由行2022｜羽田機場新商場2023年開幕！2間酒店、溫泉24小時開放

老父偷食外傭仲搞到對方大肚工人懷孕後地位變嬌貴反過來要媽媽服侍

最豪華的房型有4層高！

而客人們亦可以選擇唔同嘅房型，當中最寬敞嘅房間為「Funnel」，係一個4層套房，面積逾9,000幾呎，仲有埋私人泳池，可以稱得上係水上別墅！

Photo from Four Seasons Hotels and Resorts YouTube

娛樂設施齊全

船上設施方面，各式各樣嘅餐廳、酒吧都能夠令客人們盡情享用高水準嘅美食～而且裡面亦有完善嘅水療服務、泳池、美容院等，等大家可以完全放鬆身心！值得一提嘅係遊艇係使用綠色能源燃料，零排放能源（如太陽能等）都遠優於國際要求；而且遊艇喺建築嘅過程中都係用可持續材料。

Photo from Four Seasons Hotels and Resorts YouTube

暫定2023下半年可預約

四季酒店集團預計將於2025年正式啟航，若果有興趣嘅朋友可以留意住四季酒店官網，暫定2023後半年可以俾大家預約上船；而價錢則有待公佈！

Photo from Four Seasons Hotels and Resorts YouTube

四季酒店「Four Seasons Yachts」詳情

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

全球最大郵輪「海洋標誌號」2024年啟航！大型水上樂園6條滑梯+270度海景房

7 Nov , 2022

皇家加勒比全新郵輪「海洋標誌號」號稱係全世界最大郵輪，航線主要來往東、西加勒比地區，全程約7晚。郵輪上有超大型水上樂園，包括6條水上滑梯、7個泳池、9個按摩浴缸，更有多種套房，可以享受270度海景。

Photo from 皇家加勒比國際遊輪

「海洋標誌號」水上樂園有6條滑梯、刺激遊樂設施

郵輪「海洋標誌號」將於2024年初首航，郵輪上有「海上最大水上樂園」，內有6項破紀錄嘅刺激滑梯，包括：海上最高嘅落水滑梯「駭人螺栓」、海上首個開放式自由落體水滑道「Pressure Drop (降壓)」、兩條全新嘅木筏滑梯等。

Photo from 皇家加勒比國際遊輪

中意刺激嘅話，除咗水上滑梯之外，仲有「CROWN'S EDGE」，有空中漫步、空中繩索等超刺激嘅遊樂設施，面向大海嘅空中活動十分考驗膽量。

Photo from 皇家加勒比國際遊輪

7大特色游泳池、其他娛樂設施

郵輪上仲有7個游泳池，包括：最大的海上泳池「皇家灣」、望到海景嘅「Cove泳池」、樓高八層於半空漂浮，欣賞到迷人日落嘅「世外桃源泳池」、擁有按摩池同私人酒吧嘅「Cloud 17」、海上最大水上酒吧「Swim and Tonic」、適合小朋友嘅「WATER'S EDGE」、專為VIP客人而設嘅升級泳池「樹林套房陽光甲板」。