download HolidaySmart 假期日常 app
吳京代言國產手機被揭真人用iPhone!內地網民狠批:真的很失望

吳京代言國產手機被揭真人用iPhone!內地網民狠批:真的很失望

娛樂新聞
By Jennifer on 15 Nov 2022
Digital Editor

內地演員吳京因為拍攝自導自演電影《戰狼》成為公認嘅「愛國藝人」,不過近日佢因為被發現用iPhone而登上微博熱搜,原來佢係一個國產手機品牌嘅代言人,唔少網友直斥佢完全唔敬業,表示對佢十分失望。

內地演員吳京因為拍攝自導自演電影《戰狼》成為公認嘅「愛國藝人」Photo from 吳京微博

吳京自導自演電影《戰狼》成影帝

現年48歲嘅吳京係內地武打演員,佢自導自演嘅動作片《戰狼》以及續集《戰狼2》喺內地都有唔錯嘅票房成績,其中《戰狼2》更係首部打入全球TOP 100票房嘅國產電影,吳京亦憑電影奪得百花獎「最佳男主角」獎,成為影帝。

現年48歲嘅吳京係內地武打演員,佢自導自演嘅動作片《戰狼》以及續集《戰狼2》喺內地都有唔錯嘅票房成績Photo from 《戰狼》微博

《戰狼》令佢名成利就,之後拍攝內地電影《流浪地球》同樣有好成績,吳京成為一線男星,廣告代言亦越接越多。因為喺《戰狼》拯救同胞嘅角色深入民心,吳京變成「愛國」嘅代名詞,有唔少國產品牌都搵佢擔任代言人。

《戰狼》令佢名成利就,之後拍攝內地電影《流浪地球》同樣有好成績Photo from 吳京微博

吳京成為「愛國」嘅代名詞,有唔少國產品牌都搵佢擔任代言人。Photo from 吳京微博

吳京拎手機影劉德華掀熱議,被揭用iPhone

其中國手機牌子「ZTE中興」就喺1月嘅時侯宣佈2022年吳京會成為手機代言人,不過近日吳京卻因為手機而登上微博熱搜。內地金雞獎頒獎典禮上劉德華擔任頒獎嘉賓,吳京即時化身影迷拎出手機影劉德華,場面引起熱議。

中國手機牌子「ZTE中興」就喺1月嘅時侯宣佈2022年吳京會成為手機代言人Photo from 中興手機微博

內地金雞獎頒獎典禮上劉德華擔任頒獎嘉賓,吳京即時化身影迷拎出手機影劉德華Photo from 微博

有網友發現吳京拎住嘅手機有3個鏡頭,同佢代言嘅中興手機嘅鏡頭唔同,應該係iPhone,直斥佢身為代言人卻用其他品牌嘅手機,十分唔敬業,又指吳京一直都有「愛國人設」,並借呢個人設賺咗唔少錢,今次被揭用iPhone令佢「人設崩塌」!

有網友發現吳京拎住嘅手機有3個鏡頭,同佢代言嘅中興手機嘅鏡頭唔同Photo from 中興手機微博

內地網民直斥佢身為代言人卻用其他品牌嘅手機,十分唔敬業Photo from 微博

微博發文用國產手機,網友指吳京用美國品牌手機殼

但亦有網民認為接咗代言都唔一定要用品牌嘅產品,而且明星擁有幾部手機一啲都唔出奇,加上其實好多中國人都用iPhone,用咗都唔代表唔愛國。網民稱吳京唔止用iPhone,連手機殼都係美國牌子「UAG」。

亦有網民認為接咗代言都唔一定要用品牌嘅產品Photo from 中興手機微博

網民稱吳京唔止用iPhone,連手機殼都係美國牌子「UAG」。Photo from UAG

吳京向來都好「謹慎」,佢發微博時都顯示「來自 中興Axon 40 Ultra」,表明佢代言人嘅身份的確係用中興手機,但今次竟被網民踢爆,唔少內地網友大表失望。

吳京向來都好「謹慎」,佢發微博時都顯示「來自 中興Axon 40 Ultra」Photo from 吳京微博

作為代言人,吳京發微博都用返廣告商手機Photo from 吳京微博

中興手機Photo from 中興手機微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地瘋傳「廣電最嚴厲禁令」!不准過度化妝、整容演員不能用!

8 Sep 2022

近年內地廣電連續發佈新嘅禁令,據內地導演李想喺微博爆料廣電總局副局長透露嘅各種限制,包括不准過度化妝、不用整容演員、唱跳偶像不能做主角等。更點名批評楊洋、李易峰、張藝興等人。

近年內地廣電連續發佈新嘅禁令,據內地導演李想喺微博爆料廣電總局副局長透露嘅各種限制

繼限薪令、限籍令、限娘令,內地瘋傳廣電再推一連串「最嚴禁令」

限薪令、限籍令、限韓令、限娘令等禁令喺近呢幾年越嚟越多,內地廣電總局對娛樂圈嘅限制亦越嚟越嚴格,唔少題材、類型嘅劇集都被監管,不過廣電似乎繼續推出各種禁令,早前就有內地編劇曝光廣電總局要求藝人唔可以改外國藝名,有指Angelababy要盡快改名。

早前就有內地編劇曝光廣電總局要求藝人唔可以改外國藝名,有指Angelababy要盡快改名。

最近有內地導演李想又喺微博爆料「廣電總局朱副局長內部講話」,提出明年對電視劇嘅限制會再度收緊,並列6點:

有內地導演李想又喺微博爆料「廣電總局朱副局長內部講話」,提出明年對電視劇嘅限制會再度收緊

1. 軍旅題材演員偶像化

廣電指軍旅題材作品與現實不符,將明令禁止以軍旅為題材、實則係愛情劇嘅作品,而且唔可以用小鮮肉演員,演員拍攝呢類型題材嘅作品需要至少軍訓15日。廣電總局更點名批評肖戰、李易峰、張藝興、楊洋、白敬亭等人之前主演嘅軍旅劇。

廣電總局更點名批評楊洋之前主演嘅軍旅劇

2. 古裝劇要還原古代原貌

廣電稱古裝劇拍攝要嚴肅,並且喺服裝、化妝、道具方面盡量還原古代面貌,更要搵歷史上嘅其中一個朝代作對應。

廣電稱古裝劇拍攝要嚴肅,並且喺服裝、化妝、道具方面盡量還原古代面貌

3. 對演員嘅要求更嚴格

「整容臉」嘅演員唔可以用、男演員太過女性化亦不可接受、反對過度化妝,更提出有演員外型似「假人」、「塑料人」,絕對唔過審。

男演員太過女性化亦不可接受

即睇更多人氣文章:

4. 未來嘅劇集要做現實主義

廣電提出將來60%嘅劇集要做現實主義,革命歷史題材不能低於20%,而且唔可以用太勁嘅filter拍攝。

內地劇唔可以用太勁嘅filter拍攝。

5. 偶像演電視劇唔能做主角

近年內地流行選秀節目,所以亦出現唔少唱跳偶像,不過廣電早就叫停,所以選秀節目已不獲審批拍攝,但之前已經選咗出嚟嘅人氣偶像,有好多都出演電視劇、綜藝節目等。廣電指出凡係唱跳綜藝偶像都唔可以做男主角或女主角。另外「流量明星」不能出演重大題材,重要角色都唔可以搵佢哋出演。

廣電指出凡係唱跳綜藝偶像都唔可以做男主角或女主角。

6. 大力鼓勵現實主義題材的作品

廣電提出劇中出現嘅民眾唔可以特別差,或塑造得太不堪,同時唔可以將「人民群眾變成精英階層的陪襯」。

廣電提出劇中出現嘅民眾唔可以特別差,或塑造得太不堪

內地網路劇唔再有古裝、仙俠題材?!

除咗上述嘅6點外,更有「網絡司—馮司長」提嘅8點:甜寵、講妖魔鬼怪嘅劇數量要減少;現實主義題材劇集不得低過60%;審核只有3次機會;審核要為片名把關;微短劇製作質素太低,耽美、百合題材都唔可以出現;片名要有思想性同觀賞性;唔可以引導CP營銷;未來網路劇數量要減少,特別係古裝劇、仙俠劇將好難過審。

甜寵、講妖魔鬼怪嘅劇數量要減少

網民反應兩極

有關微博一發佈即時引起內地網民熱議,有人認為限制太多,令創作環境越來越惡劣,將來都唔會有咩好嘅作品可以推出,而發文嘅導演李想好快就刪除呢篇微博,後續亦未有人對呢啲消息作出回應,有網友就指所謂嘅「內部講話」應該係不實消息,只係圈中一啲導演自己虛構出嚟。

有網友就指所謂嘅「內部講話」應該係不實消息,只係圈中一啲導演自己虛構出嚟。

導演李想微博全文:

導演李想微博全文

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel