《我和殭屍有個約會》翻拍,吳千語黃宗澤做主角!盤點4部翻拍毁經典嘅作品

《我和殭屍有個約會》翻拍,吳千語黃宗澤做主角!盤點4部翻拍毁經典嘅作品

電視電影 娛樂新聞
By Jennifer on 16 Nov 2022
Digital Editor

我和殭屍有個約會》翻拍電影,並搵咗黃宗澤同吳千語出演男女主角,唔少網友都擔心會「毁童年」。其實多年嚟唔少翻拍劇都被指不及原版好,好似TVB《十月初五的月光》咁,回顧以往被指「毁經典」嘅作品。

《我和殭屍有個約會》翻拍電影Photo from 張文慈微博

《我和殭屍有個約會》翻拍電影《驅魔龍族馬小玲》,吳千語、黃宗澤主演

亞視1998年電視劇《我和殭屍有個約會》由尹天照、萬綺雯主演,劇集當年收視更勝過TVB,係唔少人嘅童年回憶,而萬綺雯飾演嘅「馬小玲」亦係佢影視生涯嘅代表角色。而《我和殭屍有個約會》亦將翻拍成電影版,並改名為《驅魔龍族馬小玲》,由萬綺雯嘅丈夫陳十三擔任監製、編劇以及導演。

亞視1998年電視劇《我和殭屍有個約會》由尹天照、萬綺雯主演Photo from 《我和殭屍有個約會》

萬綺雯飾演嘅「馬小玲」擁有一雙長腿,因此電影版嘅選角都參考咗呢個特點,搵咗吳千語出演,至於男主角「況天祐」則係由黃宗澤飾演。楊恭如飾演嘅「王珍珍」、陳啟泰飾演嘅「山本一夫」則改由蔡潔同呂良偉出演,張文慈出演嘅「山本一夫」女兒「山本未來」搵咗金像獎最佳女配角廖子妤飾演。

萬綺雯飾演嘅「馬小玲」搵咗吳千語出演Photo from 吳千語IG

男主角「況天祐」則係由黃宗澤飾演。Photo from 黃宗澤IG

選角公開後唔少網民都唔睇好電影版會拍得好睇,網友普遍認為幾個重要角色都同原版有差距。其實好多翻拍劇都好難超越原版,甚至喺網民心目中更成為「毁經典」嘅作品!

TVB翻拍《十月初五的月光》,胡鴻鈞飾演「初哥哥」、何依婷出演「祝君好」

2000年播出嘅劇集《十月初五的月光》當年最高收視達46點,張智霖飾演嘅「初哥哥」都令人十分心痛。呢套經典劇集於2021年翻拍,由胡鴻鈞飾演「初哥哥」、女主角「祝君好」則由港姐亞軍何依婷出演,而原本由馬浚偉飾演嘅「司徒禮信」就由羅天宇擔任此角。

2000年播出嘅劇集《十月初五的月光》由張智霖飾演「初哥哥」Photo from 《十月初五的月光》

《十月初五的月光》於2021年翻拍,由胡鴻鈞飾演「初哥哥」Photo from 《十月初五的月光》

女主角「祝君好」則由港姐亞軍何依婷出演Photo from 《十月初五的月光》

劇集播出後收視一直維持喺19點~20點,收視成績難以同原版比較,而男女主角胡鴻鈞、何依婷都無咩出演劇集經驗,佢哋嘅演出亦受到唔少批評。

男主角胡鴻鈞被指喊戲尷尬Photo from 《十月初五的月光》

《神雕俠侶》多次翻拍,陳妍希版小龍女版指係「小籠包」

金庸作品《神雕俠侶》多年嚟被多次翻拍,除咗1983年由劉德華、陳玉蓮主演嘅版本外,1995年古天樂、李若彤版本、2006年黃曉明、劉亦菲嘅版本都為人熟悉。

金庸作品《神雕俠侶》多年嚟被多次翻拍Photo from 《神雕俠侶》

2006年黃曉明、劉亦菲版本《神雕俠侶》都為人熟悉Photo from 《神雕俠侶》

其中2014年版由陳曉飾演楊過、陳妍希飾演小龍女,但由於陳妍希版小龍女造型與以往純白衣裳唔同,加上陳妍希被指同小龍女氣質相差太遠,一度被稱為「小籠包」。

其中2014年版《神雕俠侶》由陳曉飾演楊過、陳妍希飾演小龍女Photo from 《神雕俠侶》

陳妍希版小龍女造型與以往純白衣裳唔同Photo from 于正微博

《惡作劇之吻》王大陸出演「直樹」一角惹不滿

《惡作劇之吻》同樣係翻拍過超多次嘅經典,其中最為人熟悉嘅一定係2005、2007年播出嘅台版,由鄭元暢同林依晨飾演「直樹」、「湘琴」,到依家大家都仲會以角色名稱呼佢哋~

《惡作劇之吻》同樣係翻拍過超多次嘅經典,其中最為人熟悉嘅一定係2005、2007年播出嘅台版Photo from 《惡作劇之吻》

鄭元暢同林依晨飾演「直樹」、「湘琴」Photo from 《惡作劇之吻》

不過喺咁多個版本中,2019年嘅內地電影《一吻定情》由王大陸同林允分別飾演江直樹同原湘琴,王大陸同「直樹」嘅氣質似乎唔太相似,而林允嘅演出亦備受批評,被指係「毀經典」版本。

2019年嘅內地電影《一吻定情》由王大陸同林允分別飾演江直樹同原湘琴Photo from 《一吻定情》

王大陸同「直樹」嘅氣質似乎唔太相似Photo from 《一吻定情》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《惡作劇之吻》主演17年對比照!直樹湘琴外貌依舊 汪東城變僵臉熱衷cosplay

28 Sep 2022

台劇《惡作劇之吻》於2005年播出,至今已有17年。飾演江直樹袁湘琴嘅鄭元暢林依晨事隔多年更合體下廚。一眾主演各有發展,睇返對比照,汪東城樣子變化最大,更惹嚟整容質疑。

台劇《惡作劇之吻》於2005年播出,至今已有17年。

《惡作劇之吻》改編自日本漫畫家多田薰嘅日本漫畫,台劇版由鄭元暢、林依晨主演,當時非常受歡迎,更風靡中港台三地,連劇集插曲都成為經典!

《惡作劇之吻》改編自日本漫畫家多田薰嘅日本漫畫,台劇版由鄭元暢、林依晨主演,當時非常受歡迎,更風靡中港台三地

劇集於2005年播出,至今已有17年。一眾主演各有發展,睇下佢哋17年嘅對比照~

#鄭元暢

當年23歲飾演男主角江直樹,依家40歲,外貌變化不大,主要係江直樹時期留長曲髮,依家變短髮。近年有去過大陸發展,但影視生涯中「江直樹」仍然係佢嘅代表作。

廣告
廣告

17年前:

江直樹時期留長曲髮Photo from 《惡作劇之吻》

17年後:

#林依晨

同樣23歲出演袁湘琴一角,劇中係一個傻更更嘅女生,當年仲有baby fat。佢演繹過好多經典角色,包括《我可能不會愛你》 嘅「程又青」,更兩度獲得金鐘獎戲劇節目女主角獎。現年39歲嘅林依晨於2021年誕下女兒,已為人母嘅佢仲有滿滿嘅少女感!

17年前:

林依晨23歲出演袁湘琴一角,劇中係一個傻更更嘅女生,當年仲有baby fatPhoto from 《惡作劇之吻》

17年後:

#汪東城

當年24歲飾演「阿金」金元豐,係人氣組合飛輪海嘅成員,近年事業重心轉移至大陸,更迷戀cosplay,豪花幾十萬買裝備。五官變得立體,單眼皮變雙眼皮,不過被指面部變得僵硬,做唔到表情。最近佢出演內地綜藝節目《星星的約定》做飛行嘉賓,宣傳照五官十分突出。

17年前:

汪東城 當年24歲飾演「阿金」金元豐,係人氣組合飛輪海嘅成員Photo from 《惡作劇之吻》

汪東城近年事業重心轉移至大陸,更迷戀cosplay

17年後:

#許瑋甯

22歲出演富家千金「裴子瑜」一角,擁有四分之一意大利血統,混血兒外貌嘅佢當年非常青春,依家感覺成熟咗,更有女人味。

17年前

17年後:

#章柏翰

講名大家可能唔識,其實佢係直樹個細佬「江裕樹」!當年仲係肥嘟嘟嘅小朋友,依家已長大成人,眉眼間仍然睇得出當年嘅樣子,不過佢已唔再喺演藝圈發展。

17年前:

直樹個細佬「江裕樹」!當年仲係肥嘟嘟嘅小朋友

17年後:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel