譚旻萱178cm打籃球掀熱議，2度出演Edan MV女主角獲封「港版朴敏英」

娛樂新聞

By Jennifer on 16 Nov 2022

Digital Editor

現年22歲嘅譚旻萱（Mandy）喺《903 AllStar籃球賽》上大展球技，掀起網民熱議。Mandy高挑身材從中學起就有打籃球，今次903籃球賽更獲網友封為「籃球女神」！即睇睇Mandy嘅背景～

Photo from 譚旻萱IG

Mandy身高為178cm，讀中學時已獲模特兒公司邀請入行，不過因為家人反對，最終Mandy都等到中學畢業之後先入行，佢現時係Cool Style Management旗下藝人，亦係熊黛林、Angelababy（楊穎）嘅師妹。

Photo from 譚旻萱IG

因為高挑身型同靚樣，Mandy受到唔少關注，更獲稱為「港版朴敏英」，Mandy IG部分相片同朴敏英有幾分相似。

Photo from 譚旻萱IG

出道以嚟Mandy做過好多廣告模特兒，佢曾自爆係隔代混血，隔咗好多代mix過加拿大、俄羅斯。

Photo from 譚旻萱IG

佢曾經出演MIRROR成員Edan（呂爵安）《E先生連環不幸事件》嘅MV，之後又參與Edan同邱鋒澤《一表人才》MV，可謂係「Edan御用MV女主角」，因為佢係Edan親自邀請，更被稱為「E女郎」~

Photo from 《E先生連環不幸事件》

Photo from 譚旻萱IG

近日播出嘅ViuTV新劇《季前賽》Mandy都有分參演，佢喺第四集飾演街場高手，之後又喺《903 AllStar籃球賽》出場，成為焦點。其實Mandy中學起就打籃球，更會喺放學後打足8個鐘頭籃球，可見佢係真心熱愛籃球。

Photo from 《季前賽》

Photo from 譚旻萱IG

Mandy IG都有佢以前嘅中學相，中學時期嘅Mandy已經好高，著上校服十分清純，同同學仔相擁應該十分好感情！

Photo from 譚旻萱IG

相關文章：內地女公開擇偶條件：貌似楊洋、身高1.8米、月薪5萬！網民：難怪單身

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王祖藍貼心為老婆李亞男提裙，慘被指似花童！夫婦真實身高差曝光

16 Aug 2022

王祖藍2015年與李亞男結婚，婚後育有兩女，夫妻一直恩愛。近日王祖藍夫婦盛裝打扮出席內地「北京國際電影節」，王祖藍更十分貼心為老婆李亞男提起禮服裙擺，但卻被內地網友笑言佢似新娘身邊嘅花童，成為熱話。

Photo from 李亞男微博

王祖藍、李亞男結婚7年育有2個女兒

2014年王祖藍公開向李亞男求婚成功，兩人於翌年成婚，婚後育有Gabby同Hayley兩位女兒。王祖藍亦不時喺社交網站分享一家四口嘅照片，家庭幸福美滿。而李亞男一直都做「跟得夫人」，先係跟隨王祖藍北上工作，到王祖藍回港擔任「首席創意官」，李亞男亦一直陪伴在側。

Photo from 李亞男微博

出席內地「北京國際電影節」行紅地氈，王祖藍為李亞男提裙

雖然喺香港有好多工作，但王祖藍於內地亦參加唔少節目。近日佢同太太李亞男獲邀出席內地「北京國際電影節」，兩人以一身正裝出席活動，李亞男久違著上露肩禮服裙，即使係兩孩之母仍然keep得好好。

Photo from 李亞男微博

李亞男同丈夫王祖藍一向恩愛，兩人不時會喺微博互動「耍花槍」。北京國際電影節行紅地氈時，王祖藍不忘為老婆提起拖地嘅裙擺，以免李亞男踩到，十分貼心。

Photo from 王祖藍微博

李亞男著高跟鞋，王祖藍被指似花童

不過由於身穿禮服裙，李亞男亦有著到高踭鞋，於是佢同王祖藍嘅身高差更加明顯，有網民笑言王祖藍望落似婚禮上新娘旁邊嘅花童。事件更登上微博熱搜榜，「王祖藍給李亞男提裙好像花童」話題有唔少網民討論。

Photo from 李亞男微博

Photo from 微博

大女身高遺傳李亞男？！

李亞男亦有喺微博post出兩人行紅地氈嘅相片：「你好，我的花童 @王祖藍」，王祖藍喺留言公開自己小時候嘅真實花童照回應：「當花童我可是專業的」有網友就指王祖藍可能將來係全家身高最矮嘅人，因為從李亞男公開嘅照片可見3歲嘅Gabby身高已經到媽媽嘅腰部位置，相信遺傳李亞男嘅身高基因，相信好快就會超越爸爸王祖藍。