鞏姿希背景強大備受力捧卻捧極唔紅？曾當眾向曾志偉比心心撒嬌
現年29歲嘅鞏姿希（Krystl）入行4年，喺TVB主力做主持人工作，佢近日參加《全能司儀選拔大賽2022》被幕後人員指佢係特色，其實鞏姿希入行短短幾年已參加好多唔同嘅工作，可謂備受力捧！但至今知名度仍然唔高。
Photo from 鞏姿希IG
鞏姿希參加《全能司儀選拔大賽2022》
鞏姿希2018年參選香港小姐，不過精通廣東話、英文、普通話、日文、韓文5種語言嘅佢好早就被淘汰，佢同年報讀短期藝員訓練班入行，擔任娛樂新聞台主播。
Photo from TVB
Photo from TVB
主力做主持工作嘅鞏姿希都有出演電視劇，除咗處境喜劇《愛回家之開心速遞》，近日熱播嘅《美麗戰場》同《下流上車族》佢都有份出演。近日鞏姿希仲參加咗《全能司儀選拔大賽2022》。
Photo from 鞏姿希IG
有幕後人員坦言對鞏姿希嘅形象就係無咩特色嘅娛樂記者，最終鞏姿希於第2集就被淘汰。雖然未有咩突出嘅表現，其實入行4年鞏姿希有好多唔同嘅工作機會。
Photo from 鞏姿希IG
當眾向曾志偉比心心撒嬌
2021年TVB為響應東京奧運舉辦咗《明星運動會》，其中鞏姿希出戰女子射箭，佢一射完箭之後就即刻向觀眾席比超大心心，而TVB高層曾志偉就正正企喺佢對面，見到鞏姿希比心心曾志偉難掩好心情，露出笑容。
Photo from TVB
Photo from TVB
壓軸出演肥媽節目
鞏姿希入行後陸續主持《出走地圖》、《Do姐有問題》、《陀地外國人》，而佢更壓軸出演肥媽、陸浩明（6號）主持嘅飲食節目《煮．野食》，一出場肥媽即指自己同鞏姿希媽咪好熟，由細睇到佢大。
Photo from TVB
Photo from 鞏姿希IG
Photo from TVB
「有靠山」嘅鞏姿希於節目中更宛如公主，不停咁窒6號，又點6號做嘢，當時被網民指「好寸、唔識尊重人」。雖然鞏姿希工作機會唔少，但知名度卻唔算高，更有網民指佢外表唔自然。
Photo from 鞏姿希IG
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【明星運動會】高層曾志偉現身女子射箭比賽打氣 網民笑言：即刻變拍《宮心計》！
5 Jul 2021
日本東京奧運開幕在即，TVB為咗響應呢個國際盛事，動員二百幾位藝人一齊參加《明星運動會》，其中節目中包含唔同嘅項目，等大家可以盡情展現佢哋嘅運動實力～日前，節目開播就率先播放咗籃球、射箭、拳擊等比賽。
Photo from TVB娛樂新聞台
為迎接東京奧運，TVB就舉辦咗《明星運動會》希望推動運動嘅氣氛，仲動員超過200位嘅藝人參加唔同運動項目嘅比賽！運動會嘅主持人就由鍾志光、崔建邦、朱凱婷、陳庭欣負責，而節目仲請咗專業嘅評述員同裁判，營造比賽嘅真實感。
Photo from 《明星運動會》
喺節目當中，藝人們主要被分為藍、綠、紅三隊，互相比拼，務求努力展現運動實力並且為隊伍取得分數。而日前所播放嘅第一集，播放咗射箭、羽毛球、籃球等賽事，戰況激烈，以下就喺部份播出嘅精彩畫面～
Photo from 《明星運動會》
Photo from 《明星運動會》
喺女子射箭環節，唔少女藝人都穿上運動裝束，好似信心十足咁，高層曾志偉仲專程到場為各位打氣～雖然部份女藝人最終成績並非理想，不過勝在有架勢！其中，2020港姐郭栢妍嘅表現就被網民大讚，成功吸引粉絲～
Photo from 《明星運動會》
而娛樂新聞主持人鞏姿希就俾網民話「佢好識做」，事關佢射完箭之後就立刻向觀眾席比咗個超大嘅心心手勢，而當時曾志偉就正正企咗喺後面，令網民不禁懷疑佢嘅心心手勢係俾現身支持佢哋嘅曾志偉！
Photo from 《明星運動會》
Photo from 《明星運動會》
喺男子籃球比賽嘅項目入面，就出咗個小意外！「後生仔」主持人之一嘅徐文浩喺打波期間，唔小心用手肘打到鄥嘉駿嘅面。雖然徐文浩已經立刻同對方道歉，不過睇嚟呢一下打得好應，鄥嘉駿隨即黑面離場休息。
Photo from 《明星運動會》
Photo from 《明星運動會》
不過有網民就認為節目嘅剪輯十分混亂，片段零零碎碎，十分唔完整；再加上節目得大約一個小時，要一下子播放咁多個項目，令節目毫無重點！其中拳擊比賽因為根據藝人們嘅體重而分組，每組都只係得2位參賽者，令網民忍唔住笑「得兩個 分冠亞軍？！」
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
