download HolidaySmart 假期日常 app
TVB主持賴彥妤訪問郭富城，狂追問令城城唔耐煩！唔係第一次出事？！

TVB主持賴彥妤訪問郭富城，狂追問令城城唔耐煩！唔係第一次出事？！

娛樂新聞
By Jennifer on 18 Nov 2022
Digital Editor

近日盛傳郭富城將會出席TVB台慶做嘉賓，TVB《娛樂新聞台》亦採訪咗城城，主持人賴彥妤疑問問題「唔聽書」，搞到城城都唔耐煩回答：「頭先咪講咗！」而賴彥妤已唔係第一次採訪藝人出事！唔少網民直言佢採訪技巧不足。

近日盛傳郭富城將會出席TVB台慶做嘉賓，TVB《娛樂新聞台》亦採訪咗城城Photo from TVB

傳郭富城出席TVB台慶做嘉賓

TVB台慶向來都係電視台一年一度嘅大事，有傳四大天王之一嘅郭富城今年會「回歸娘家」出席55周年台慶擔任表演嘉賓。喺郭富城出席商場聖誕亮燈活動時，TVB娛樂新聞台亦派出記者賴彥妤同城城做訪問。

郭富城出席商場聖誕亮燈活動Photo from TVB

娛樂新聞台主持賴彥妤「唔聽書」追問，郭富城忍唔住回應：「頭先咪講咗囉！」

城城都表現興奮，佢表示自己今年應該會有一至兩日假期，佢大爆兩個女超中意獨角獸，商場今年嘅佈置主題亦有獨角獸，城城指聖誕節應該會帶屋企人同兩個女嚟打卡影相：「頭先講咗啦，到時呢度見！」

城城指聖誕節應該會帶屋企人同兩個女嚟打卡影相Photo from 方媛微博

但估唔到啱啱講完會帶女兒過嚟打卡，娛樂新聞台主持賴彥妤即問：「會唔會帶埋小朋友過嚟.....」未問完已被城城打斷，雖然答完又被人問同樣問題，但城城語氣仍然溫和：「頭先咪講咗囉！」然後再回應：「會呀！啱啱講咗啦！到時會帶我小朋友、我屋企人啦、我太太一齊嚟呢度。」

城城大爆兩個女超中意獨角獸Photo from TVB

娛樂新聞台主持賴彥妤即問：「會唔會帶埋小朋友過嚟.....」未問完已被城城打斷Photo from TVB

城城回應：「會呀！啱啱講咗啦！到時會帶我小朋友、我屋企人啦、我太太一齊嚟呢度。」Photo from TVB

賴彥妤再追問郭富城會否做TVB台慶表演嘉賓，城城賣關子，TVB公開綵排片段

之後賴彥妤就話聽講TVB今年55周年城城會返去做表演嘉賓：「係咪真㗎？」城城則表示自己都係TVB出身，TVB 55周年佢都十分感動，城城又指聽到消息台慶當日好多佢以前藝員訓練班退咗休嘅老師都會出現，佢亦希望可以再見返尊敬嘅老師。

城城表示自己都係TVB出身，TVB 55周年佢都十分感動Photo from TVB

不過城城大賣關子：「至於你話有咩活動呀，我諗尊重返TVB，留返畀TVB公佈喇！」賴彥妤再追問：「即係confirm會出席嘅當日？」城城表示：「到時你咪知！」而娛樂新聞台亦公開城城綵排片段，正式宣佈佢將會出演55周年台慶！

娛樂新聞台亦公開城城綵排片段Photo from TVB

正式宣佈郭富城將會出演55周年台慶Photo from TVB

賴彥妤並非首次採訪出事，母親節訪問姜麗文亦勁尷尬

但賴彥妤問問題被城城打斷話已經答過嗰part娛樂新聞台就並無播出，不過娛樂新聞台有直播郭富城現身尖沙嘴聖誕亮燈活動，所以採訪全程都可以喺YouTube睇到，有網民留意到今次唔係賴彥妤第一次「出事」。

娛樂新聞台有直播郭富城現身尖沙嘴聖誕亮燈活動，所以採訪全程都可以喺YouTube睇到Photo from TVB

有網民留意到今次唔係賴彥妤第一次「出事」。Photo from TVB

之前母親節賴彥妤就問姜麗文母親節會點同媽媽慶祝，但姜麗文與生母感情淡漠，1歲時已離開佢身邊，姜麗文由爸爸秦沛獨力撫養長大，而生母亦已於2016年離世。雖然姜麗文依舊大方回應，但之後賴彥妤卻面有難色望向鏡頭，事後亦被網友批評訪問前唔做功課！

雖然姜麗文依舊大方回應，但之後賴彥妤卻面有難色望向鏡頭Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

姜麗文生母早逝，主持問母親節點慶祝被斥無做功課！姜麗文大方回應

6 May 2022

姜麗文日前自荷李活拍攝後返港，獲娛樂新聞台採訪，其中主持賴彥妤問佢母親節會點同媽媽慶祝，似乎唔知道姜麗文由爸爸秦沛獨力撫養，而生母更已於2016年離世，被網友斥佢唔做功課！

姜麗文日前自荷李活拍攝後返港，獲娛樂新聞台採訪Photo from 姜麗文 IG

主持問姜麗文母親節回同媽媽慶祝出事

姜麗文近年出演電視劇表現大獲好評，演技備受認可，更成功喺頒獎禮攞獎證明自己。佢早前去荷李活拍攝電影，之後從泰國回港出席活動，並接受娛樂新聞台採訪。

姜麗文近年出演電視劇表現大獲好評，演技備受認可，更成功喺頒獎禮攞獎證明自己Photo from 《萬千星輝頒獎典禮2021》

由於臨近母親節，主持賴彥妤就問姜麗文會有無plan好點同媽咪慶祝母親節，雖然姜麗文毫不猶豫大方回應，但之後主持卻面有難色望向鏡頭外，似乎有人提醒佢問錯嘢！

臨近母親節，主持賴彥妤就問姜麗文會有無plan好點同媽咪慶祝母親節Photo from 娛樂新聞台

雖然姜麗文毫不猶豫大方回應，但之後主持卻面有難色望向鏡頭外，似乎有人提醒佢問錯嘢！Photo from 娛樂新聞台

生母1歲時已離開，早於2016年逝世

原來姜麗文自細父母離異，佢1歲嘅時候生母梁盛子就離開咗佢，兩兄妹由爸爸秦沛獨力撫養長大，感情要好，而且梁盛子已於2016年離開人世，所以主持人問呢個問題即被網民斥佢無做好功課就訪問人，又指呢條問題十分無禮。

姜麗文自細父母離異，佢1歲嘅時候生母梁盛子就離開咗佢，兩兄妹由爸爸秦沛獨力撫養長大Photo from 姜麗文 IG

梁盛子已於2016年離開人世，所以主持人問呢個問題即被網民斥佢無做好功課就訪問人，又指呢條問題十分無禮。Photo from 姜麗文 IG

姜麗文表現大方獲讚

不過姜麗文表現十分專業，並無任何不耐煩，如常回答：「母親節會同爸爸慶祝，因為有好幾年爸爸係做單親爸爸，佢今年喺香港，會喺哥哥屋企煮餐飯畀佢食，我都DIY咗小小禮物送畀佢（爸爸）。」網友大讚姜麗文回應大方得體！

姜麗文表現十分專業，並無任何不耐煩，如常回答：「母親節會同爸爸慶祝，因為有好幾年爸爸係做單親爸爸」Photo from 姜麗文 IG

對生母無感覺

姜麗文曾經喺電台節目中提及罕有生母，佢表示自己對媽媽：「真係無乜feeling，亦唔係嬲」，反而得知爸爸為咗爭取兩兄妹嘅撫養權傾家蕩產，心中充滿感恩，更覺得爸爸好偉大。

姜麗文曾經喺電台節目中提及罕有生母，佢表示自己對媽媽：「真係無乜feeling，亦唔係嬲」Photo from 《1圈圈 星光背後》

姜麗文得知爸爸為咗爭取兩兄妹嘅撫養權傾家蕩產，心中充滿感恩，更覺得爸爸好偉大。Photo from 姜麗文 IG

主持賴彥妤係高材生？！

主持賴彥妤曾多次參加選美比賽，佢本人係英國高雲地利大學法律系碩士，擁有兩個碩士同深造文憑學位，係一位高材生，兩度參選港姐雖然落選獎場但最終成功加入娛樂新聞台，成為其中一位主持。

賴彥妤曾多次參加選美比賽Photo from 賴彥妤 IG

賴彥妤係英國高雲地利大學法律系碩士，擁有兩個碩士同深造文憑學位，係一位高材生Photo from 賴彥妤 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

TVB郭富城娛樂新聞