Sue同Ding Ding反面真相曝光?!KOL Sean再爆料,閨蜜反目有原因

Sue同Ding Ding反面真相曝光?!KOL Sean再爆料,閨蜜反目有原因

時事熱話
By Jennifer on 21 Nov 2022
Digital Editor

KOL連日嚟爆料,除咗Coffee、張欣欣姊妹,最近喺IG「你問我答」中Sean又再度爆料,佢指出曾經情同姊妹嘅Sue同Ding Ding(丁丁)依家形同陌路人係有原因!疑暗指有人「蝦人」搞到姊妹情不再。

最近喺IG「你問我答」中Sean又再度爆料,佢指出曾經情同姊妹嘅Sue同Ding Ding(丁丁)依家形同陌路人係有原因Photo from Sean IG

繼Coffee、張欣欣,Sean再爆Sue同Ding Ding反面真相

近日一位KOL Sean喺IG玩「你問我答」連環爆料唔同KOL嘅事,其中包括疑暗指Coffee林芊妤婚後仲有去飯局,直言「無從良」,雖然Coffee堅決否認爆料係事實,但Sean仲有一直「追擊」。

近日一位KOL Sean喺IG玩「你問我答」連環爆料唔同KOL嘅事,其中包括疑暗指Coffee林芊妤婚後仲有去飯局Photo from Coffee IG

最近Sean再開「你問我答」,有網友就問YouTuber Sue同Ding Ding嘅事。Sue Chang(張厚耀)係韓國混血兒,佢除咗經營YouTube Channel之外,仲有出書,依家係兩女之母,IG擁有逾33萬followers。

Sue Chang(張厚耀)係韓國混血兒Photo from Sue IG

Sue除咗經營YouTube Channel之外,仲有出書Photo from Sue IG

KOL Sue同Ding Ding曾情同姊妹,後來閨蜜情不再!

Sue幾年前同YouTuber Ding Ding(丁丁)感情要好,經常合體拍片,兩人更有《Sue Ding TV》呢個固定節目,但係《SueDing TV》到2019年播出最終回後就無再更新,曾經情同姊妹嘅Sue同Ding Ding亦無再合體出現。

Sue幾年前同YouTuber Ding Ding(丁丁)感情要好Photo from Ding Ding YouTube

兩人更有《Sue Ding TV》呢個固定節目Photo from Ding Ding YouTube

Sue疑指3人行中自己被疏遠

一對好閨蜜就此疏遠,Ding Ding於2016年愚人節發文稱佢同Sue反咗面,話明係愚人節,當然係講笑,Ding Ding同Sue嗰陣仲係好friend,但估唔到幾年後佢哋真係分道揚鑣,唔少人都好好奇佢哋姊妹情不再嘅原因。Sue喺個人YouTube Channel嘅影片中稱佢2018年時曾有一段3人行友誼,當時大家friend過打band,但後來2位朋友越嚟越親密,佢感覺自己係多餘嘅人,見到另外兩位朋友嘅合照佢亦覺得好心酸,Sue又話佢想攤開嚟講但對方只係冷處理,令呢段友情成為佢心中嘅遺憾。

Ding Ding於2016年愚人節發文稱佢同Sue反咗面Photo from Ding Ding Facebook

唔少人都好好奇佢哋姊妹情不再嘅原因Photo from Ding Ding Facebook

後來2位朋友越嚟越親密,Sue感覺自己係多餘嘅人Photo from Sue YouTube

Ding Ding、Pamela認為3人友誼好麻煩?!

雖然Sue無開名,但從佢所講嘅時間推斷佢極有可能係講緊Ding Ding同Pamela。而Ding Ding同Cynthia、Pamela一齊拍片時就有提到三人行係最麻煩,總有一個人會被忽略,例如搭飛機、book酒店房都會有麻煩,Ding Ding又提到搭車都會有人要自己坐:「通常被孤立嘅人坐前面會好啲。」被指係講緊Sue!

雖然Sue無開名,但從佢所講嘅時間推斷佢極有可能係講緊Ding Ding同PamelaPhoto from Ding Ding YouTube

Ding Ding同Cynthia、Pamela一齊拍片時就有提到三人行係最麻煩Photo from Ding Ding YouTube

Ding Ding又提到搭車都會有人要自己坐:「通常被孤立嘅人坐前面會好啲。」Photo from Ding Ding YouTube

Sean疑暗示Sue Ding反目因為Sue?!

其實喺2019年Ding Ding同Sue漸漸疏遠後佢仲有update《SueDing TV》最後一集,不過當時佢話係一年前影嘅,令網民對佢同Sue嘅關係非常好奇,而爆料KOL Sean於IG亦有唔少人問佢呢個問題!

Ding Ding同Sue姊妹情不再!Photo from Ding Ding YouTube

Sean似乎暗示Sue、Ding Ding友誼不再係因為Sue?!佢以「誰惡誰大誰正確」回應,有人問「Sue/Ding/Pam邊個蝦邊個」,Sean就表示:「緊係大蝦細」。不過佢哋兩個人嘅關係只有當事人最清楚,邊個啱邊個錯其實外人都好難斷定!

Sean似乎暗示Sue、Ding Ding友誼破裂係因為Sue?!Photo from Sean IG

有人問「Sue/Ding/Pam邊個蝦邊個」,Sean就表示:「緊係大蝦細」。Photo from Sean IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張欣欣被爆與妹妹同神秘男歐遊?!曾發聲明:無貪過男人一分一毫

18 Nov 2022

近日有KOL喺IG Story玩「你問我答」大爆料,繼暗指Coffee出席飯局後,網紅張欣欣亦被爆同妹妹張芊芊喺歐洲同一名神秘男子同行,網民更直言:「原來yanyanc飯局價只係一個手袋」

網紅張欣欣亦被爆同妹妹張芊芊喺歐洲同一名神秘男子同行

KOL張欣欣除咗做foodie之外,仲有經營YouTube,平時會拍化妝片等,佢IG followers超過12萬,佢同妹妹仲有搞網店添。

KOL張欣欣除咗做foodie之外,仲有經營YouTube,平時會拍化妝片等

近日有KOL喺IG Story玩「你問我答」,仲輪流爆料,牽涉嘅人物包括陳詩欣、蔡嘉欣、吳若希等,KOL方面有Coffee林芊妤、雪姨、Sue,張欣欣亦係佢嘅爆料對象之一。

近日有KOL喺IG Story玩「你問我答」,仲輪流爆料

張欣欣亦係佢嘅爆料對象之一。

有網民問:「yanyan_c(張欣欣IG)究竟係咪畀人包?成日唔洗做有大把名牌」,該爆料KOL回答:「Yes」,亦有人問「Yanyan係咪勁痴有錢人」,該爆料KOL再回:「Yes」。

有網民問:「yanyan_c(張欣欣IG)究竟係咪畀人包?成日唔洗做有大把名牌」,該爆料KOL回答:「Yes」

廣告
廣告

但其實張欣欣有男朋友,但爆料KOL就指佢男友Alex同前妻嘅婚姻係被張欣欣介入?有網民問:「有人話Alex未離婚就同佢一齊?」爆料KOL稱:「前妻叫菜菜子,yyc走去人屋企,逼走人」

張欣欣同男朋友Alex

爆料KOL稱:「前妻叫菜菜子,yyc走去人屋企,逼走人」

爆料仲未完,有網民稱張欣欣同妹妹張芊芊一齊去歐洲時被人撞見,同行嘅仲有一位「叔叔」!翻睇張欣欣IG,佢8月同妹妹一齊去歐洲旅遊,仲影咗好多靚相,唔知嗰位「叔叔」係咪攝影師呢?

爆料仲未完,有網民稱張欣欣同妹妹張芊芊一齊去歐洲時被人撞見

網民稱張欣欣姊妹歐遊同行嘅仲有一位「叔叔」

翻睇張欣欣IG,佢8月同妹妹一齊去歐洲旅遊,仲影咗好多靚相

張欣欣同妹妹去咗英國、法國、希臘多國,更帶咗超多套衫,張張相都著唔同嘅靚衫影,當時網民亦感歎點解佢可以帶到咁多衫去。其實張欣欣IG平時都晒唔少旅行照,又有名牌手袋,十分富貴!其實之前張欣欣就曾經發聲明稱自己努力工作,一蚊都無拎過人哋!

張欣欣同妹妹去咗英國、法國、希臘多國,更帶咗超多套衫

打卡照

其實張欣欣IG平時都晒唔少旅行照,又有名牌手袋,十分富貴!

其實之前張欣欣就曾經發聲明稱自己努力工作,一蚊都無拎過人哋!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Coffee林芊妤不忿被指出席富豪飯局!連發2篇長文大反擊鬧爆KOL

17 Nov 2022

Coffee(林芊妤)離巢教瑜伽,事業發展越嚟越好,不過日前有KOL喺IG玩「你問我答」時就大爆料,其中更以咖啡emoji暗指Coffee婚後仍有去飯局,令Coffee大為不忿,去緊旅行都嬲爆喺Story大反擊!

Coffee(林芊妤)離巢教瑜伽,事業發展越嚟越好

Coffee雖然甚少喺幕前出現,但早已轉型做KOL、YouTuber嘅佢曝光率一啲都唔低,平日亦keep住update IG,分享佢同老公、仔仔一家三口嘅日常生活~

Coffee平日亦keep住update IG,分享佢同老公、仔仔一家三口嘅日常生活~

Coffee被KOL爆婚後仍有去飯局

近日Coffee一家就一齊去旅行,但途中Coffee竟然嬲爆發Story指有KOL亂講嘢!Coffee公開一張Telegram Group截圖,圖中有人分享咗某位KOL嘅IG Story,相信係佢同fans玩緊「你問我答」,有人問:「coffee從良之後係咪無嘢聽喇?」該KOL回應:「咩叫從良後,有嘢聽啦緊係。」另一個問題:「最紅去飯局嘅係邊個」KOL則以一個咖啡emoji回答。

近日Coffee一家就一齊去旅行,但途中Coffee竟然嬲爆發Story指有KOL亂講嘢

另一個問題:「最紅去飯局嘅係邊個」KOL則以一個咖啡emoji回答。

Coffee反駁指根本唔識對方

Coffee喺Group入面回應指自己根本唔識對方:「佢真係亂up當秘笈」,又保證自己從來無去過飯局。Coffee表示以前一個朋友幫過嗰位KOL老婆免費宣傳過佢哋間花店,同對方毫無交情,不忿稱:「無啦啦咁樣屈人都得嘅?」仲話唔會有飯局想同做咗人呀媽嘅佢食飯。

Coffee喺Group入面回應指自己根本唔識對方:「佢真係亂up當秘笈」

Coffee表示以前一個朋友幫過嗰位KOL老婆免費宣傳過佢哋間花店,同對方毫無交情

Coffee嬲爆連發2篇長文反擊,直言想出信

之後Coffee似乎越諗越嬲,連續發咗2篇長文:「原來人有把口就講乜都得,咁樣一句說話,就抹煞咗我咁多年嘅努力。」Coffee又稱原來網上講嘢無責任,想寄律師畀嗰位KOL。另一個Story中Coffee稱呢件事令佢好莫名其妙同不忿,為咗唔想畀對方得逞獲得更多關注,Coffee指自己澄清完之後就唔會再理人哋講咩:「我阻止唔到人哋把口,不過我可以無視呢種無謂人。」

之後Coffee似乎越諗越嬲,連續發咗2篇長文

Coffee指自己澄清完之後就唔會再理人哋講咩

Coffee又稱原來網上講嘢無責任,想寄律師畀嗰位KOL。

KOL寸爆回應

「爆料」嘅KOL仲有話雪姨「一定唔係叫有錢」,亦有人問佢陳詩欣、蔡嘉欣。有網友指Coffee話想出信畀佢,該KOL似乎完全唔care仲回應:「對號入座嘅人心慌慌」

「爆料」嘅KOL仲有話雪姨「一定唔係叫有錢」

有網友指Coffee話想出信畀佢,該KOL似乎完全唔care仲回應:「對號入座嘅人心慌慌」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel