期間限定打卡位!滙豐特設戶外廣告,裸眼3D技術展現草間彌生招牌「波點南瓜」

期間限定打卡位!滙豐特設戶外廣告,裸眼3D技術展現草間彌生招牌「波點南瓜」

美食推介
By nicole lam on 22 Nov 2022
Deputy Managing Editor

M+博物館特別展覽「草間彌生:一九四五年至今」終於開幕!滙豐作為首席贊助,更加喺尖沙咀設立大型戶外廣告,等大家可以用最新嘅裸眼3D技術欣賞草間彌生嘅招牌「波點南瓜」!

滙豐仲另外同數碼媒體創作者Henry Chu合作,令大家可以即場同呢個廣告牌喺另一環節互動,變成投射喺屏幕嘅花花圖案,體驗同藝術融合嘅感覺,絕對唔可以錯過依個至潮嘅期間限定打卡位!

必影巨型3D「波點南瓜」

相信各位對著名藝術家草間彌生嘅南瓜大型雕塑、圓點藝術品都絕唔陌生。今次「草間彌生:一九四五年至今」就係佢喺日本以外嘅亞洲地區舉行嘅最大回顧展,共展出逾200件嚟自亞洲、歐洲及美國嘅博物館主要藏品及私人藏品、M+藏品及草間彌生嘅個人收藏,展示佢超過七十年嘅藝術生涯!

今次「草間彌生:一九四五年至今」係佢喺日本以外嘅亞洲地區舉行嘅最大回顧展。Photo from HolidaySmart

滙豐一直致力推動各種文化及藝術活動,今次作為展覽嘅首席贊助,為咗令更多人感受到草間彌生作品嘅魅力,特意喺尖沙咀海港城門口設立大型戶外廣告。採用嶄新裸眼3D 技術呈現草間彌生嘅經典作品,破格地將戶外廣告變成藝術品,將大師級作品帶到公眾面前,等大家都可以欣賞兼同招牌「波點南瓜」瘋狂打卡。

為咗令更多人感受到草間彌生作品嘅魅力,特意喺尖沙咀海港城門口設立大型戶外廣告。Photo from HolidaySmart

望住一個個3D「波點南瓜」喺面前飄浮同放大真係得意又治癒!仲要係期間限定展出,大家一定要嚟朝聖,影多幾張靚相開心Share。

3D「波點南瓜」真係得意又治癒。Photo from HolidaySmart

 

玩味互動廣告,將行人變成花卉!

藝術應該融入生活,為咗令大眾都可以 #OpenToArt 參與其中,一齊令香港成為全球注目嘅藝術城市,滙豐亦另外同數碼媒體創作者朱力行(Henry Chu)合作,將戶外廣告變成一個夢幻又好玩嘅花花互動藝術品。

滙豐同數碼媒體創作者朱力行(Henry Chu)合作,將戶外廣告變成夢幻又好玩嘅花花互動藝術品。Photo from HolidaySmart

依個戶外廣告可以捕捉前面行人嘅動作,並實時投射做一個個花卉圖案,將行人變成藝術嘅一部分。大家唔係齋睇,而係可以置身其中,讓藝術品跟隨你嘅動作幻變,好玩又IGable!

藝術品跟隨你嘅動作幻變,好玩又IGable!Photo from HolidaySmart

 

咁特別嘅體驗,你又點可以錯過,展出期係即日起至12月8日,快拉埋朋友嚟同依個花花戶外廣告互動同打卡啦!小編仲留意到滙豐嚟緊會將Metaverse同藝術Crossover,大家記得密切留意!

 

Text: HolidaySmart editorial

Photo source: HolidaySmart

Featured for: HSBC

*本文章的圖片均經其本人或其公司授權,其他媒體不得轉載

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

美食推介