download HolidaySmart 假期日常 app
汪小菲怒斥大S具俊曄瞓其床墊!床墊為瑞典皇室御用品牌,售價超驚人!

汪小菲怒斥大S具俊曄瞓其床墊!床墊為瑞典皇室御用品牌,售價超驚人!

娛樂新聞
By Jennifer on 22 Nov 2022
Digital Editor

汪小菲喺微博連環出post鬧爆大S(徐熙媛),其中佢怒斥大S同現任老公具俊曄仲瞓緊佢買嘅床墊,令網民關注到底汪小菲點解咁在意張床墊。內地網上瘋傳床墊為瑞典皇室御用品牌,售價十分驚人,睇完價錢後,唔少網民表示:「難怪汪小菲對床墊念念不忘!」

汪小菲喺微博連環出post鬧爆大S(徐熙媛)Photo from 汪小菲微博

汪小菲連環追擊大S、具俊曄、小S

早前台灣傳媒報道汪小菲未履行離婚協議,汪小菲激動於微博公開花費,更連環出post追擊大S及其家人,其中汪小菲提到:「那個家四個億台幣,我買的,付了2.4億首付,每月100多萬房貸我付著,全是我設計的風格,裝修都是我盯著。別人住就算了,你個窩囊廢換個床墊行嗎?」似乎非常嫌棄大S同現任老公具俊曄住佢買嘅豪宅!

汪小菲激動於微博公開花費,更連環出post追擊大S及其家人Photo from 汪小菲微博

汪小菲:「你個窩囊廢換個床墊行嗎?」Photo from 汪小菲微博

汪小菲特別講要大S換個床墊,又話翌日即刻飛台灣見兩個仔女,有唔少網民關注汪小菲飛台灣係咪會搬走埋張床墊,亦有人好奇點解汪小菲咁在意床墊。

汪小菲特別講要大S換個床墊,又話翌日即刻飛台灣見兩個仔女

床墊品牌公開!瑞典皇家認可「Hästens(海絲騰)」售價可達300萬

「汪小菲床墊什麼牌子」、「床墊找到了」都成為微博熱搜,​有人爆料大S嘅床墊係嚟自瑞典品牌「Hästens(海絲騰)」。Hästens自1952年起就成為瑞典皇家認可嘅供應商,可謂皇室御用品牌!

​有人爆料大S嘅床墊係嚟自瑞典品牌「Hästens(海絲騰)」Photo from 微博

Hästens自1952年起就成為瑞典皇家認可嘅供應商,可謂皇室御用品牌!Photo from Hästens

Hästens係頂級床具品牌,要手工製作,有指一般床墊款式需時約3~4個月製作,而頂級嘅款式更要花上9個月先完成到。於淘寶搜尋Hästens都要12萬~16萬人民幣,據稱最貴一款要價更達300萬人民幣。

於淘寶搜尋Hästens都要12萬~16萬人民幣Photo from 淘寶

汪小菲媽媽張蘭斥前新抱大S曾承諾唔會再婚

而汪小菲媽媽張蘭都有開直播透露當初床墊係大S試咗勁多次,浪費咗10個床墊先換成依家呢個床墊:「這麼貴的床墊她捨得換嗎?!」唔少網友得知床墊售價後都表示理解汪小菲咁著緊嘅原因,又指支持佢飛台灣將床墊搬返北京。

汪小菲媽媽張蘭都有開直播透露當初床墊係大S試咗勁多次,浪費咗10個床墊先換成依家呢個床墊Photo from 微博

唔少網友得知床墊售價後都表示理解汪小菲咁著緊嘅原因Photo from 大S

而大S亦透過律師回應汪小菲,佢表示:「保證此生不出惡言,我也說到做到。」不過大S前奶奶張蘭亦發表聲明,指出10點反駁大S:「徐女士是怎麼樣的保證絕對不會再婚,小菲才要求律師刪去原有的再婚贍養費條件?」

大S亦透過律師回應汪小菲

大S表示:「保證此生不出惡言,我也說到做到。」

大S前奶奶張蘭亦發表聲明Photo from 微博

張蘭聲明全文:

大S前奶奶張蘭列出10點反駁大SPhoto from 張蘭微博

張蘭:「徐女士是怎麼樣的保證絕對不會再婚,小菲才要求律師刪去原有的再婚贍養費條件?」Photo from 張蘭微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

葛斯齊再爆證據,張穎穎正印上身食住汪小菲!汪小菲被狂鬧認低威

3 Jun 2022

台灣娛記葛斯齊再度爆料晒汪小菲婚內偷食張穎穎嘅證據,佢公開兩人於一個11人群組嘅對話截圖,張穎穎疑不滿汪小菲同其他女人來往狂鬧佢,汪小菲則立即認錯,指以後唔會再搵其他女士。

台灣娛記葛斯齊再度爆料晒汪小菲婚內偷食張穎穎嘅證據

葛斯齊爆汪小菲曾與張穎穎有BB

葛斯齊之前公開咗汪小菲同唔同女性嘅親密照,踢爆佢未同大S離婚親已經多次偷食。葛斯齊又指汪小菲曾推跌懷孕9個月嘅大S,令黑人都睇唔過眼出手。佢仲暗示汪小菲與新歡張穎穎曾經有BB。

葛斯齊之前公開咗汪小菲同唔同女性嘅親密照,踢爆佢未同大S離婚親已經多次偷食。

其後有內地傳媒公開疑似張穎穎同汪小菲嘅對話紀錄,張穎穎主動提出唔要BB,汪小菲極力挽留,承諾:「老公一定會好好疼愛你的,放心吧!孩子的事情我們好好商量。」而根據對話,截圖方明顯係張穎穎,有網民質疑張穎穎主動向傳媒爆料。

有內地傳媒公開疑似張穎穎同汪小菲嘅對話紀錄,張穎穎主動提出唔要BB,汪小菲極力挽留

汪小菲送張穎穎2層樓、豪車

葛斯齊爆料之路未見停止,佢再開直播但稱因「技術問題」,改為上傳影片。佢公開幾張對話cap圖,張穎穎向汪小菲表示想買樓同車畀媽媽,之後又表示「倆套打通」,汪小菲完全無托手踭,豪爽回應:「買,老公給買,孝順我丈母娘」,但當時佢仲未離婚,正牌丈母娘應該係大S媽媽先啱。

張穎穎向汪小菲表示想想樓同車畀媽媽,之後又表示「倆套打通」

汪小菲完全無托手踭,豪爽回應:「買,老公給買,孝順我丈母娘」

張穎穎更順便幫父母買兩個車位、又問汪小菲攞550萬人民幣:「沒問題的話,用你的卡順便把貸款還了」,汪小菲肉麻回覆:「寶寶想怎樣,就怎樣」,盡顯愛「第三者」之情。

張穎穎更順便幫父母買兩個車位、又問汪小菲攞550萬人民幣:「沒問題的話,用你的卡順便把貸款還了」,汪小菲肉麻回覆

張穎穎於好友群狂鬧汪小菲,汪小菲完全「被食住」

葛斯齊再公開張穎穎同汪小菲於一個11人群組內嗌交過程,原來張穎穎疑不滿汪小菲同其他女人來往,於是刪除汪小菲好友,汪小菲搵唔到張穎穎,唯有去好友群與張穎穎對話。

張穎穎疑不滿汪小菲同其他女人來往,於是刪除汪小菲好友,汪小菲搵唔到張穎穎,唯有去好友群與張穎穎對話。

張穎穎情緒十分激動,狂鬧汪小菲,當中更夾離粗言,直指同咗汪小菲一齊之後自己傷身體、傷心難過,而汪小菲就一直認錯,又解釋只係打高爾夫球時同兩個女生食飯。

張穎穎情緒十分激動,狂鬧汪小菲

汪小菲就一直認錯,又解釋只係打高爾夫球時同兩個女生食飯。

但張穎穎不依不饒,汪小菲終於喺好友面前向張穎穎認低威:「我當著所有我愛的、希望我好的朋友,我這輩子再也不和任何不認識嘅女人聯繫了」,務求氹返張穎穎。

張穎穎不依不饒,汪小菲終於喺好友面前向張穎穎認低威

汪小菲:「我當著所有我愛的、希望我好的朋友,我這輩子再也不和任何不認識嘅女人聯繫了」

再有新歡「小禹」出現?

葛斯齊指汪小菲曾經轉帳8萬人民幣畀一個叫「小禹」嘅女生,更公開小禹真容以及汪小菲嘅轉帳單,小禹更承認收過汪小菲錢,但就表示係「純友情來往」。

葛斯齊指汪小菲曾經轉帳8萬人民幣畀一個叫「小禹」嘅女生

小禹真容公開

汪小菲嘅轉帳單

小禹承認收過汪小菲錢,但就表示係「純友情來往」。

汪小菲之前曾稱會放棄追究葛斯齊,呢件事爆出後,外界基本認定汪小菲婚內偷食,密會對象雖然眾多,但張穎穎似乎係唯一「成功上位」嘅女性。有網友指張穎穎極有可能有爆料人,佢唔止從汪小菲到獲得北京兩層樓、價值200萬豪車、現金轉帳等,而且汪小菲每次都被佢鬧又唔敢駁嘴,做第三者做到好似正印咁!

有網友指張穎穎極有可能有爆料人,佢唔止從汪小菲到獲得北京兩層樓、價值200萬豪車、現金轉帳等,而且汪小菲每次都被佢鬧又唔敢駁嘴,做第三者做到好似正印咁!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel