download HolidaySmart 假期日常 app
蔡天鳳案|高登神探破過的3大奇案盤點!憑新聞報道即看穿端倪?!

蔡天鳳案|高登神探破過的3大奇案盤點!憑新聞報道即看穿端倪?!

時事熱話 電視電影
By Jennifer on 27 Feb 2023
Digital Editor

蔡天鳳案轟動全港,前夫鄺港智一家之後被捕,連「高登神探」都相當關注事件。講到「高登神探」就不得不提上年上映嘅《正義迴廊》,電影十分成功,票房同口碑都好好,電影內容亦好受關注。《正義迴廊》改編自2013年香港大角咀嘅一宗案件,兩兄弟尋找失蹤雙親,卻被揭次子係幕後黑手!更離奇嘅係喺警方拉人之前高登討論區已有網民指出可能係兒子「自導自演」。

蔡天鳳案轟動全港,前夫鄺港智一家之後被捕。Photo from 蔡天鳳IG

警方拉人後,「高登神探」嘅美名傳出,唔少人認為網民討論得十分認真同專業,當中仲有唔少人才,唔單止定咗破案嘅方向,甚至連幕後黑手都搵到出嚟,而「高登神探」破過嘅案件更唔止大角咀雙親案,即睇高登神探破過嘅3大奇案!

「高登神探」破過嘅案件更唔止大角咀雙親案,即睇高登神探破過嘅3大奇案Photo from 香港高登

2013年大角咀雙親失蹤案

《正義迴廊》上映後,呢宗案件受到關注,其實喺2013發生當時亦係轟動全港。2013年3月,一對周姓兄弟於Facebook開設「失蹤的爸爸媽媽」專頁,指父母稱北上返內地玩兩日後失蹤,希望透過網民力量搵返雙親。

《正義迴廊》上映後,呢宗案件受到關注Photo from 《正義迴廊》

有關專頁公佈咗父母失蹤當時嘅穿著,兩兄弟亦前往警署報案,得知父母並無離港紀錄。事件獲傳媒報道後掀起網民熱議,其中兩兄弟中嘅細佬周凱亮更親身接受傳媒訪問,表達對父母失蹤嘅擔憂,又呼籲:「希望大家有消息嘅話,同我哋聯絡。」

兩兄弟中嘅細佬周凱亮更親身接受傳媒訪問,表達對父母失蹤嘅擔憂Photo from 《正義迴廊》

高登討論區亦有網友開post討論,有人指:「幼子好有可疑」,更建議可以check下記錄,幼子周凱亮同父母係唔係真係有去過旺角。亦有網民表示周凱亮聲稱佢哋一家相處融洽,但父母失蹤5日先報警,直言:「d警察有無查清楚佢個仔?」

高登討論區亦有網友開post討論,有人指:「幼子好有可疑」Photo from 高登討論區

亦有網民表示周凱亮聲稱佢哋一家相處融洽,但父母失蹤5日先報警,直言:「d警察有無查清楚佢個仔?」Photo from 高登討論區

網民認為幼子嫌疑最大Photo from 高登討論區

《正義迴廊》劇照Photo from 《正義迴廊》

相關帖文有唔少人都覺得細仔周凱亮嫌疑好大:「似係佢個仔自編先導先演」。2013年3月15日警方於大角咀發現失蹤嘅周家父母,並拘捕失蹤夫婦嘅細仔周凱亮同佢嘅朋友謝臻麒。事件令「高登神探」聲名大噪,網友紛紛感歎:「高登神探又破案」

2013年3月15日警方於大角咀發現失蹤嘅周家父母,並拘捕失蹤夫婦嘅細仔周凱亮同佢嘅朋友謝臻麒。Photo from 《正義迴廊》

麥沛東飾演謝臻麒Photo from 《正義迴廊》

16歲少女失蹤案

2013年9月一名16歲少女失蹤,失蹤前佢WhatsApp send咗一張山頂公園附近嘅相片畀哥哥。少女更喺WhatsApp同同學傾偈,期間提及要輕生。

少女更喺WhatsApp同同學傾偈,期間提及要輕生。Photo from 《解決師》劇照

佢失蹤後高登討論區有網民就此事開post,雖然少女失蹤後不久家人就報警求助,但都未搵到佢嘅去向,有熱心網友更根據少女喺WhatsApp send嘅相自發上山頂尋人,有人提及同樂徑對上嘅位置有可疑,更直指聞到奇怪味道。

有熱心網友更根據少女喺WhatsApp send嘅相自發上山頂尋人Photo from HolidaySmart

有人提及同樂徑對上嘅位置有可疑,更直指聞到奇怪味道。Photo from 高登討論區

少女失蹤一星期後,警方於同樂徑附近嘅叢林發現少女,並已去世多日,有網民指之前有人喺同樂徑聞到嘅味道可能與失蹤少女有關!

少女失蹤一星期後,警方於同樂徑附近嘅叢林發現少女,並已去世多日Photo from 高登討論區

九龍城女嬰失蹤案

2013年11月,一位母親報案指喺九龍城被操內地口音嘅途人問路,僅6個月大嘅女兒更被對方抱走後不知去向!事件傳出後隨即掀起網民關注,對於香港出現疑似拐子事件相當震驚。

2013年11月,一位母親報案指喺九龍城被操內地口音嘅途人問路,僅6個月大嘅女兒更被對方抱走後不知去向!Photo from TVB

好多網友喺網上轉載女嬰相片,呼籲全港市民一齊關注事件,希望可以得知女嬰去向,唔少藝人亦喺網上轉發新聞。不過喺嬰兒車離開大廈影片曝光後,高登討論區好多網民都認為事件相當有可疑,更將矛頭直指B女媽媽!

好多網友喺網上轉載女嬰相片,呼籲全港市民一齊關注事件,希望可以得知女嬰去向Photo from TVB

嬰兒車離開大廈影片曝光Photo from Now TV

高登討論區好多網民都認為事件相當有可疑,更將矛頭直指B女媽媽!Photo from 高登討論區

網民提出媽媽推嬰兒車出入,看更都無聽到有BB聲、BB車又包到實,B女媽媽連續幾日同時段推車出街,懷疑B女已於幾日前出事,媽媽只為製造不在現場證據。另外有網友認為B女失蹤後媽媽嘅表現唔尋常,太冷靜,質疑事件係佢「自編自導自演呢場大龍鳳」

事件傳出後隨即掀起網民關注,對於香港出現疑似拐子事件相當震驚。Photo from 《BB來了》劇照

B女媽媽連續幾日同時段推車出街,網民懷疑B女已於幾日前出事,媽媽只為製造不在現場證據。Photo from 高登討論區

另外有網友認為B女失蹤後媽媽嘅表現唔尋常,太冷靜,質疑事件係佢「自編自導自演呢場大龍鳳」Photo from 高登討論區

2013年12月2日警方拘捕B女媽媽,有消息稱B女早於11月17日已離世,媽媽下狠手後將B女放入小提琴盒內,當垃圾咁扔咗。事件峰迴路轉,令相關嘅Facebook群組大感被騙,宣佈關閉。

2013年12月2日警方拘捕B女媽媽Photo from 《BB來了》劇照

事件峰迴路轉,令相關嘅Facebook群組大感被騙,宣佈關閉。Photo from Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel