download HolidaySmart 假期日常 app
傳17歲炎明熹代言身價達120萬 入行1年人氣急升 有價有市連接4個廣告

傳17歲炎明熹代言身價達120萬 入行1年人氣急升 有價有市連接4個廣告

娛樂新聞
By jack on 29 Nov 2022
Digital Content Writer

17歲的炎明熹(Gigi)去年參加TVB歌唱比賽《聲夢傳奇》奪冠後入行,出道即獲TVB重點力捧,今年4月北上再參加歌唱節目《聲生不息》,成功在內地打開知名度,入行1年多,Gigi的人氣及身價飆升,近日有傳媒指她的代言價已高達120萬起跳,而且有價有市,單單今年她己接下4個廣告代言,吸金力驚人!

《聲夢傳奇》Photo from 《聲夢傳奇》

北上工作4個月勁賺200萬

Gigi今年初與一眾樂壇前輩參加TVB與內地芒果TV合力打造的歌唱節目《聲生不息》,她在節目中演唱多首經典廣東歌,如《蜚蜚》、《勇》及《心淡》等,成功俘獲不少內地網民芳心,微博粉絲人數急升,由最初的6萬,升至目前的96萬,相當誇張,其後Gigi又接拍內地廣告,據稱Gigi北上工作短短4個月,已賺取近200萬酬勞。

炎明熹 IGPhoto from 炎明熹 IG

傳Gigi代言價高達120萬

Gigi今年目前接拍了4個廣告,分別有快餐廳、腰包、手袋及茶飲等,近日有報道指Gigi代言廣告價高達120萬一年,更會視乎產品性質再作調整,更有廣告業界人士透露,Gigi出席活動酬勞也環12萬元起跳,若要求Gigi獻唱的話,更要另加酬勞。 由於GIgi是少數在內地有一定知名度的新生女歌手,所以深受廣告客戶歡迎。

炎明熹 IGPhoto from 炎明熹 IG

炎明熹 IGPhoto from 炎明熹 IG

炎明熹 IGPhoto from 炎明熹 IG

叱咤最喜愛女歌手7強止步

近日商台公開叱咤「我最喜愛的女歌手」最後5強名單,Gigi在7強止步,她坦言得到大家支持已開心滿足,未有感到失望,問到她可有期待今年在樂壇頒獎禮的成績?她表示:「最緊要做好自己先,如果未做得好而又得到好多獎,會對唔住大家。」不過上星期Gigi推出新歌《好想約你》,其MV目前已破百萬點擊,可見其人氣依然強勁。

炎明熹 IGPhoto from 炎明熹 IG

Gigi 炎明熹 - 好想約你 MVPhoto from Gigi 炎明熹 - 好想約你 MV

隊友Chantel成廣告商寵兒

與Gigi同為女子組合After Class成員的姚焯菲(Chantel)同樣是深得廣告商喜愛,過去一年Chantel接拍了約7個廣告,比Gigi還要多,當中有銀行、眼鏡、腰包、商場及樓盤等。有傳Chantel代言價僅次Gigi,出席活動酬勞約10萬,於社交平台拍產品照宣傳的話,則每單最少3萬,價格同樣會視乎產品性質再作調整。

Chantel FBPhoto from Chantel FB

Chantel FBPhoto from Chantel FB

Chantel FBPhoto from Chantel FB

更多相關文章

炎明熹盼望18歲首次置業做業主,傳北上4個月賺取$200萬?!被家人下令25歲才能談戀愛!

19 Aug , 2022

炎明熹(Gigi)早前北上拍攝節目《聲生不息》深得內地網民喜愛,人氣飆升;而佢返港後亦順勢推出新歌《焰》,同時兼顧演藝事業及學業,非常忙碌。最近佢上Do姐(鄭裕玲)嘅電台節目宣傳,揚言希望18歲就可以置業

炎明熹最近上Do姐嘅電台節目提及想18歲買樓嘅願望!Photo from 鄭裕玲IG

炎明熹於內地人氣急升!

17歲炎明熹(Gigi)喺上年參加《聲夢傳奇》比賽榮獲冠軍,其後就備受大台力捧。早前,佢就獲安排參加內地音樂真人騷《聲生不息》,唱歌實力獲內地網民大讚,仲於《新音樂榜2022原創嘉年華》獲得「年度榮譽新人獎」,人氣飆升!

上年,炎明熹榮獲《聲夢傳奇》嘅冠軍Photo from 《聲夢傳奇》

其後炎明熹獲邀到內地出演《聲生不息》!Photo from 炎明熹微博

返港後繼續學業+歌手工作

最近,Gigi已經返咗香港繼續完成學業,即將升讀中六嘅佢參加學校結業禮,仲獲頒發音樂課外活動優異獎。與此同時,佢仲推出咗新歌《焰》順勢推高人氣,不停參加宣傳活動,有傳佢4個月已經大賺$200萬,可以話係「事業學業兩得意」!

Gigi近日出席學校結業禮,獲頒發課外活動優異獎(音樂)Photo from 聖安當女書院官網

而Gigi返港後亦立刻推出新歌《焰》!Photo from 《焰》MV

希望未來能夠買10層樓

近日,Gigi獲邀上Do姐主持嘅電台節目《口水多過浪花》,而Gigi早前就曾經直言想喺18歲嘅時候置業,仲目標遠大咁話要買10層樓;佢喺節目承認的確有呢個諗法「屋企人覺得有層樓揸手好啲,呢個亦變成咗我嘅目標!」佢仲話希望18歲能夠達成喺紅館嘅演唱會嘅願望!

Gigi近日出演Do姐嘅電台節目提及置業一事。Photo from 商業電台 YouTube

而Do姐就好奇詢問「點解係10層樓?」,Gigi就話「佢哋(家人)覺得10呢個數字係齊頭數。」不過Do姐直言現時喺香港支付買樓首期都好難,而Gigi就話可能會喺唔同地方買樓投資!

Gigi表示希望未來可以喺唔同地區買樓,真係非常識投資~Photo from 炎明熹IG

Gigi坦承想買樓嘅願望係受家人所影響Photo from 《聲生不息》花絮

到內地工作後變得更成熟?!

Gigi透露早前因為參加《聲生不息》而離開香港長達4個月,佢就覺得自己變得成熟咗「以前可能會諗自己多啲,宜家會識得幫人諗。」今次佢返內地工作之餘,仲有得同事隔3年冇見嘅家人見面,坦承過往要同父母分隔兩地的確十分不捨,但現時嘅佢明白大家都有各自嘅生活,共同努力工作向目標進發!

Gigi覺得自己喺內地拍完節目後,性格變得成熟咗!Photo from 炎明熹IG

炎明熹今次返內地亦終於能夠同3年冇見嘅家人見面,當佢同媽媽一見面就忍唔住喊!Photo from 《聲生不息》花絮

現時只想專注工作

年紀輕輕嘅Gigi過往從未有戀愛經驗,而佢早前接受媒體訪問時話姑丈希望佢25歲先開始拍拖,仲話自己現時比較專注工作,認為感情事順其自然就好了,仲自爆「宜家冇男仔追我!」

Gigi表示家人的確有為佢訂下「禁愛令」,但就話現時自己都比較著重工作!Photo from 娛樂新聞台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【聲生不息】炎明熹首輪歌曲曝光!爆表演歌單,網民:啲歌好老土

28 Mar , 2022

聲夢傳奇》炎明熹(Gigi)近日獲安排北上參加TVB與內地芒果TV合辦嘅綜藝節目《聲生不息》,更有望成為「第二個G.E.M.」!有內地網民公開疑似第一集歌單,唔少前輩歌手獻唱,而炎明熹亦會唱香港已故女歌手嘅代表作。

《聲夢傳奇》炎明熹(Gigi)近日獲安排北上參加TVB與內地芒果TV合辦嘅綜藝節目《聲生不息》Photo from 炎明熹 IG

炎明熹秘密現身內地參加歌唱節目《聲生不息》

早前有消息指TVB首席創意官王祖藍力勸《聲夢傳奇》冠軍炎明熹休學北上參加歌唱節目,但遭炎明熹歌唱老師高晨維否認。不過近日有fans喺內地野生捕獲隔離期結束嘅Gigi,揭佢即將參與《聲生不息》錄影!

近日有fans喺內地野生捕獲隔離期結束嘅Gigi,揭佢即將參與《聲生不息》錄影!Photo from 炎明熹 IG

《聲生不息》係由TVB與內地芒果TV合辦,有指香港歌手林二汶、吳業坤、谷婭溦都會參加,而炎明熹之前一直未有參加消息,喺湖南長沙酒店隔離時亦做足保密工作。

《聲生不息》係由TVB與內地芒果TV合辦,有指香港歌手林二汶、吳業坤、谷婭溦都會參加Photo from TVB

跟隨G.E.M.鄧紫棋步伐一舉成名?

參加歌唱節目入行嘅炎明熹出道後再次出演類似嘅綜藝,今次佢要同出咗道幾年嘅歌手前輩比拼,有網民認為佢或者會好似G.E.M.鄧紫棋咁一舉成名,晉身成內地新秀歌手。

參加歌唱節目入行嘅炎明熹出道後再次出演類似嘅綜藝,今次佢要同出咗道幾年嘅歌手前輩比拼Photo from 炎明熹 IG

近日有內地網友晒出疑似《聲生不息》節目播出日期,指4月10號會播節目制作特輯,第一集將於4月24日正式播出。除咗一眾參賽歌手外,節目更邀請咗唔少重量級前輩歌手擔任嘉賓。

除咗一眾參賽歌手外,節目更邀請咗唔少重量級前輩歌手擔任嘉賓。Photo from 炎明熹 IG

林子祥夫婦、楊千嬅等擔任嘉賓

嘉賓歌手包括林子祥、葉蒨文、李克勤、楊千嬅、李玟、周筆暢等。佢哋亦會喺節目獻唱多首經典歌曲,但就被網友指「啲歌好老土」,又表示似睇緊內地版《流行經典五十年》。

嘉賓歌手包括林子祥、葉蒨文、李克勤、楊千嬅、李玟、周筆暢等Photo from 微博

根據網上曝光嘅歌單,林子祥將獻唱《男兒當自強》、葉蒨文就唱《祝福》Photo from 葉蒨文 Facebook

網友指「啲歌好老土」Photo from LIHKG

網民表示似睇緊內地版《流行經典五十年》。Photo from LIHKG

炎明熹將獻唱陳僖儀《蜚蜚》

根據網上曝光嘅歌單,林子祥將獻唱《男兒當自強》、葉蒨文就唱《祝福》,至於年紀最輕嘅炎明熹則會翻唱香港已故女歌手陳僖儀嘅《蜚蜚》。《蜚蜚》改編自韓國2012年電視劇《擁抱太陽的月亮》Lyn主唱嘅《시간을 거슬러(時光倒流)》,係陳僖儀嘅代表作之一。

年紀最輕嘅炎明熹則會翻唱香港已故女歌手陳僖儀嘅《蜚蜚》Photo from 炎明熹 IG

《蜚蜚》改編自韓國2012年電視劇《擁抱太陽的月亮》Lyn主唱嘅《시간을 거슬러(時光倒流)》,係陳僖儀嘅代表作之一。Photo from 蜚蜚

有網民就指估唔到炎明熹會揀呢首歌,亦有網民稱節目以「港樂季」為題,《蜚蜚》的確係一首經典廣東歌。

有網民就指估唔到炎明熹會揀呢首歌Photo from 炎明熹 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel