【文青不可不知！香港創意力量展館2022，集結港產獨特文化工藝作品～3大主題超吸睛！】

By Twinky Chan on 08 Dec 2022

Project Editor

潮流興本地情懷，因此大家多咗留意本地年青設計師！而一向致力推廣本地創意藝術嘅DesignInspire，你又睇過未呢？佢哋每年都會舉行互動工作坊、展覽等唔同活動，提供平台俾設計師推廣自家好設計。今年嘅「香港創意力量展館」就繼續從本地年青設計師同小眾群體嘅視角出發，帶大家以不一樣嘅美學角度去細味社區文化特色，以及探討設計喺文化同工藝傳承中嘅角色。

網上展覽更分為「藝」想天開、數碼藝術以及香港故事等多個主題，設計師以相片、插畫同互動裝置創作作品，令小編大開眼界！快啲睇以下嘅詳細介紹，一齊沉醉喺藝術世界啦～

#插畫家眼中五彩斑斕的香港風貌～

講到插畫，真係唔可以睇小本地藝術家嘅想像力同畫功！喺重點主題之一－「藝」想天開中，作品中簡潔明快嘅線條到五彩斑斕嘅色版都展現出藝術家嘅多變風格。就例如熱愛將文字轉化成圖案嘅設計師麥芷筠（Cynthia），佢嘅《Geometric Characters》幾何文字系列，以鮮亮活潑嘅色彩將漢字轉化成幾何形狀，充滿歡樂感，真係破格又新穎！你又認唔認得出佢地係咩字呢?

Photo from DesignInspire

更多作品：https://bit.ly/3FnkJZI

另外展覽仲展出7位曾參與香港插畫及文創展 (HKICS) 嘅本地年輕插畫師嘅作品，不論係明快活潑嘅構圖抑或溫柔「療癒系」畫作，都完美展示出香港插畫嘅多元風格。以土生土長嘅90後女生Venus為例，佢以三原色創作出描繪社會及生活景象嘅作品，例如旺角西洋菜南街的唐樓街景、紅Van等，向大家展現香港獨有溫暖且有個性嘅一面！下次香港插畫及文創展（HKICS），大家唔好錯過欣賞唔同插畫師獨特畫作嘅機會啦！

Photo from DesignInspire

更多作品：https://bit.ly/3VPjqIl

#當AR科技遇上藝術，「動起來」數碼藝術體驗新奇又有趣～

隨住多媒體藝術發展，會「郁」嘅Artwork已經唔係新鮮事～小編一於推薦另一個非一般創意主題－「數碼藝術」畀大家！

更多作品：https://bit.ly/3um20Ya

相信大家都聽過彩虹邨，有冇諗過呢個地方可以變成《俄羅斯方塊》遊戲場景呢？喺特效影片創作人Ben Mok手中就可以啦～佢近年仲製作出唔少特效創作，包括將香港變成Cyber Punk嘅NFT世界、SuperMario喺香港街道風馳電掣等作品～真係新奇有趣呀！

另外，小編亦想推介版畫藝術家倫裕智（Eugene Lun）嘅創作，佢最擅長以日常生活中嘅無聊瑣事為創作題材，再將AR技術結合版畫，令定格嘅平面故事「動起來」～佢嘅不幸小劇場系列《今天的倒楣鬼是你？》正正係佢其中一個得意之作，加上作品以糖果色系為主，能夠調和故事中沮喪嘅情緒，係相當有深度嘅作品。

更多作品：https://bit.ly/3XOIFwa

#以文字、影像重新認識香港昔日色彩～

除咗現代藝術，主打舊香港情懷、帶大家回憶我城昔日風光嘅「香港故事」主題亦不能錯過！當中由一班熱愛香港嘅研究人員創立嘅「Old HK in Colour」，將舊文獻、報章，以至博物館所見嘅老香港黑白照片，透過人工智能（AI）同後製技術上色，令大家可以懷緬舊香港嘅風土人情同生活時光，如同置身老城巷弄中～

Photo from DesignInspire