download HolidaySmart 假期日常 app
人夫分享《整蠱專家》劇照賀壽引罵戰 照片被老婆直接刪除 一怒之下退出群組

人夫分享《整蠱專家》劇照賀壽引罵戰 照片被老婆直接刪除 一怒之下退出群組

生活熱話
By jack on 30 Nov 2022
Digital Content Writer

過時過節有很多傳統禁忌不可觸犯,但原來過生日都有?早前一名男網民有親人生日,他在家庭群組分享《整蠱專家》劇照賀壽,竟惹起妻子不滿,更把照片刪除,事主感覺不被尊重,怒退群組,貼文一出引起網民熱議。

《夫妻的世界》Photo from 《夫妻的世界》

傳《整蠱專家》劇照賀壽被老婆指責

事源近日一位男網民在香港討論區發文,表示自己在家庭群組傳了一張《整蠱專家》劇照來祝賀老婆親人生日快樂,相中有劉德華與吳孟達拿著蛋糕慶生,老婆看到照片後,很快致電責罵他,指事主用離世人的相來賀壽是不當的行為,事主則指出相中有1人仍然在世,認為老婆太過敏感,照片只是表達祝福,沒有其他意思。

《鬼怪》Photo from 《鬼怪》

《整蠱專家》Photo from 《整蠱專家》

事主感不忿怒退群組

事主妻子是家庭群組的管理員,她沒有過問事主,直接把劇照刪除,並要求事主重發另一張照片賀壽,事主感覺不被尊重,批老婆「玻璃心」,一怒之下退出群組。事主直言:「佢連最基本既尊重都冇以為自己大晒咁,的的確確錯不在我,唔係下下用自己把尺黎度人。」其後事主表示最後與老婆和好了,又透露當事人(即壽星仔)亦有跟事主說多謝,更表示沒有介意過,認同事主老婆是太過敏感,直言「依家咩年代呀,諗野咁負冇朋友」

《大叔的愛》Photo from 《大叔的愛》

網民認為老婆太敏感

貼文引起熱烈討論,有網民覺得事主老婆太過敏感,認為連當事人也不介意:「當事人都唔介意, 你隻老虎做咩咁多事」、「我又覺得張相無問題喎,你老婆敏感咗少少囉」、「我唔覺得張相有咩問題喎,每個人都會仙遊架啦,每個人感覺唔一樣,好聲好氣講嘅我接受,鬧嘅話我唔會道歉!」、「根本就係你老婆問題!攞野嚟講」,亦有網民提出搞笑建議「key佢個樣上達哥嗰度」、

《愛回家開心速遞》Photo from 《愛回家開心速遞》

《完美伴侶》Photo from 《完美伴侶》

香港討論區Photo from 香港討論區

香港討論區Photo from 香港討論區

網民認為事主不應斤斤計較

雖然不少網民認為事主老婆的反應確實過大,但又指出事主應該大事化小,不應斤斤計較「由呢件事睇得出妳個人都好偏執,做妳老婆都幾慘,凡事都求對錯,自己冇錯就小事化大。」、「你老婆係敏感咗啲,不過,你換過張相就得啦,大事化小」亦有人認為講者無心,聽者有意,事主應考慮老婆感受「你把尺覺得無問題,但老婆嗰邊覺得唔妥叫你send 過,我唔明點解你咁堅持?」、「group入面有其他人,長者可能睇到有少少介意唔岀奇,老婆可能concern係呢」

《當男人戀愛時》Photo from 《當男人戀愛時》

《比悲傷更悲傷的故事》Photo from 《比悲傷更悲傷的故事》

香港討論區Photo from 香港討論區

香港討論區Photo from 香港討論區

香港討論區Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

26歲女追求71歲老伯,婚後為對方誕下一子!忘年戀夫妻近況公開

2 Oct , 2022

內地一對「忘年戀」戀人備受關注,年僅26歲嘅女子張鳳嫁畀71歲嘅老翁文長林,但文長林並非有咩背景,或者係富豪,因為佢對張鳳有恩情,於是只有20幾歲嘅張鳳毅然決定要同佢結婚。

內地一對「忘年戀」戀人備受關注,年僅26歲嘅女子張鳳嫁畀71歲嘅老翁文長林Photo from 張鳳抖音

生於清貧家庭,張鳳與父母兄姐感情淡漠

為咗「報恩」張鳳堅決要同恩人文長林結婚,照顧對方嘅下半生。到底係咩恩情,值得張鳳付出一生嘅幸福到報答對方呢?其實張鳳本身出生於一個唔算太幸福嘅家庭,佢有2個哥哥、2個姐姐,由於超生,張鳳嘅出生令父母需要罰逾4,000元人民幣,所以張父張母都唔係好中意張鳳。

張鳳本身出生於一個唔算太幸福嘅家庭,佢有2個哥哥、2個姐姐Photo from 《幸福來敲門》

不得父母愛錫嘅張鳳同哥哥姐姐嘅關係都好疏遠,因為年齡差距太大,哥哥姐姐同呢個妹妹無咩感情,而且因為家境清貧張鳳早就輟學喺家中幫手做家務、下農田幹活。

因為家境清貧張鳳早就輟學喺家中幫手做家務、下農田幹活。Photo from 張鳳抖音

張鳳父親生病,大夫文長林入住張家

年紀少少嘅張鳳早就無童年,家庭亦畀唔到安全感佢。張鳳13歲時父親突然中風,家中嘅「頂樑柱」倒下令張家陷入危機,哥哥姐姐早已各自成家,家庭嘅重擔突然就落喺張鳳身上,為醫好父親,家中請咗隔離村的嘅「赤腳醫生」文長林幫張父醫治。

為醫好父親,家中請咗隔離村的嘅「赤腳醫生」文長林幫張父醫治。Photo from 《幸福來敲門》

當時嘅文長林已經59歲,為咗治療張父佢索性住喺張家,一住就係8年。張鳳同文長林平時會傾偈,文長林亦對呢個小女孩十分照顧,張鳳則相當依賴文長林。張鳳16歲嗰年,文長林更特意買咗生日蛋糕為佢慶祝生日,張鳳非常感動。

張鳳同文長林平時會傾偈,文長林亦對呢個小女孩十分照顧,張鳳則相當依賴文長林Photo from 張鳳抖音

朝夕相處下張鳳暗中戀上年長45歲文長林

2009年張父逝世,張鳳失去父親十分徬徨,呢個時候文長林大方拎出自己嘅積蓄為張父處理後事。文長林可謂係張家嘅大恩人,而張鳳亦喺青春期與文長林嘅朝夕相處之中,對佢暗生情愫。

張鳳亦喺青春期與文長林嘅朝夕相處之中,對佢暗生情愫。Photo from 微博

為咗文長林,張鳳拒絕屋企人介紹嘅相親對象,直接向文長林表白:「讓我照顧你吧!我們一起生活。」文長林嘅老伴早已去世,佢獨力照顧4個子女長大,依家佢哋都長大成人,文長林多年未娶一直單身。

張鳳拒絕屋企人介紹嘅相親對象,直接向文長林表白:「讓我照顧你吧!我們一起生活。」Photo from 《幸福來敲門》

主動出擊打動對方,張鳳懷孕嫁給文長林

面對張鳳嘅表白,文長林毫不猶豫就拒絕咗,畢竟兩人相差45歲,而且自己家境亦唔富裕,自覺畀唔到幸福對方,但張鳳並未放棄,喺女方嘅主動出擊之下,文長林漸漸被打動,接受對方,當年張鳳僅23歲,文長林已經係68歲。

女方嘅主動出擊之下,文長林漸漸被打動,接受對方Photo from 張鳳抖音

同文長林生活3年後,26歲嘅張鳳發現自己懷孕,為咗畀孩子一個名份,於是2013年張鳳同文長林終於領證結婚。一年後佢哋嘅兒子出生,文長林為兒子改名做「文璟天」,事件震驚全村,唔少鄉親父老都特地上門拜訪佢哋一家三口。

26歲嘅張鳳發現自己懷孕,為咗畀孩子一個名份,於是2013年張鳳同文長林終於領證結婚Photo from 《幸福來敲門》

一年後佢哋嘅兒子出生,文長林為兒子改名做「文璟天」Photo from 微博

文長林近日逝世,張鳳:我們是有感情在的

生下兒子後張鳳同文長林感情越嚟越穩定,之後佢哋更出演多個電視節目分享兩夫妻嘅愛情故事,結婚至今近10年,兩人恩愛依舊,喺2022年9月28日文长林離世,張鳳傷心欲絕,「26歲女子嫁給71歲老人」亦登上熱搜。

生下兒子後張鳳同文長林感情越嚟越穩定Photo from 微博

結婚至今近10年,兩人恩愛依舊,喺2022年9月28日文长林離世,張鳳傷心欲絕Photo from 張鳳抖音

事後張鳳於抖音拍片回應稱:「我很感謝他,我也愛他,我們是有感情在的。」片中張鳳稱呼文長林為「文爹爹」,佢表示丈夫文長林已經安葬,佢會帶住兒子好好咁活下去。張鳳近年喺抖音分享一家嘅生活短片,佢要照顧戴呼吸機嘅丈夫,平日要抹身、喂飯等。

事後張鳳拍片回應稱:「我很感謝他,我也愛他,我們是有感情在的。」Photo from 張鳳抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel