天線得得B「太陽BB」近況曝光！唔加入娛樂圈，公開現時職業

娛樂新聞

By Jennifer on 30 Nov 2022

Digital Editor

幼兒節目《天線得得B》係好多人嘅童年回憶，4個天線得得B：丁丁、拉拉、迪西、小波深入民心，仲有笑得十分燦爛嘅太陽寶寶亦好受歡迎。20年過去，飾演太陽BB嘅Jess Smith已長大成人，佢近日接受外國傳媒訪問，分享自己嘅近況。

Photo from 《天線得得B》

《天線得得B》全球觀眾多

喺英國BBC播出嘅節目《天線得得B》，主要嘅觀眾群係1到5歲嘅兒童。節目翻譯成45種語言播出，又獲113個國家同地區引進，喺全球都有好多fans，所以《天線得得B》雖然係英國製作嘅節目，但亦係好多香港人嘅童年回憶。

Photo from 《天線得得B》

提起《天線得得B》，大家都會諗起紫色嘅丁丁（Tinky Winky）、黃色嘅拉拉（Laa-Laa）、綠色嘅迪西（Dipsy）同紅色嘅小波（Po），除咗4個天線得得B之外，仲有太陽寶寶都同樣受關注。

Photo from 《天線得得B》

太陽BB演員長大成人，獲選過程公開

太陽寶寶擁有人類BB嘅燦爛笑容，十分可愛，而《天線得得B》播出至今已超過25年，飾演太陽嘅BB亦都長大成人，近日英國《Mirror》就報道飾演太陽嘅演員Jess Smith嘅近況。

Photo from 《天線得得B》

Photo from Jess Smith IG

Jess Smith於1995年出生，佢喺1997年至2001年，出演咗4年嘅太陽BB。Jess Smith透露佢當時於醫院磅重時獲睇中，製片人安排佢坐喺鏡子同攝影機前望住爸爸玩玩具，Jess Smith露出超燦爛嘅笑容，就係咁佢獲選出演《天線得得B》嘅太陽BB。

Photo from 《天線得得B》

Photo from Jess Smith IG

Photo from 《天線得得B》

飾演太陽寶寶演員Jess Smith近況曝光，公開現時職業

不過Jess Smith坦言佢對年幼時拍攝《天線得得B》已無咩記憶。長大後嘅Jess Smith並無加入娛樂圈，而係回歸普通人嘅生活，佢表示自己依家於英國一間保安公司工作，主要做行政管理方面。

Photo from 《天線得得B》

Photo from Jess Smith IG

Jess Smith亦透露自己將來嘅計劃，佢指打算喺安定下嚟，組建家庭之前，去世界更多地方旅行。

Photo from Jess Smith IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

英國男收留烏克蘭美女後私奔，相處4個月提分手！最新近況公開大快人心

28 Sep 2022

英國男子Tony收留烏克蘭難民Sofiia後生出情愫，拋棄8年感情嘅妻女與第三者私奔，不過兩人相處未夠5個月就分手收場！Tony前女友Lorna得知消息後亦表示「完全唔意外」，唔少網友都表示「大快人心」～

Photo from 《The Sun》

英國男Tony收留烏克蘭難民Sofiia

俄羅斯烏克蘭衝突持續，好多烏克蘭民眾都離開生活多年嘅故土，前往歐洲其他國家定居。喺今年5月外媒報道有一名英國男子Tony於社交網站向難民提供幫助，認識咗來自烏克蘭基輔嘅女子Sofiia，並安排佢喺自己屋企住。

Photo from 《The Sun》

Tony本身有伴侶Lorna，佢哋更育有兩個女兒，一開始Lorna唔同意收留難民喺屋企住，但Tony堅持咁做，最終Sofiia獲得簽證，入住Tony同Lorna嘅家，估唔到呢個決定竟改變整個家庭。

Photo from 《The Sun》

Tony與Sofiia相識10日決定拋棄妻女私奔

喺10日之後Tony決定同Sofiia離開與女友Lorna、女兒同住嘅家，兩人搬到出去同居。為相識10日嘅女子拋棄相戀8年嘅女朋友同一對年幼女兒，事件引起全球網民關注，男主角Tony同「第三者」Sofiia坦承互相一見鍾情，佢哋私奔後Tony更打算幫Sofiia申請永久簽證。

Photo from Sofiia IG

Tony、Sofiia私奔4個月近況公開

唔少人都對呢一對戀人嘅行為感到不屑，認為佢哋十分自私。不過事隔幾個月Tony同Sofiia嘅近況又再次掀起網民熱議！根據英國《每日郵報（Daily Mail）》報道，Tony同Sofiia交往4個幾月後，近日兩人終於分手！

Photo from 《Daily Mail》

Tony接受《每日郵報》採訪，透露同Sofiia喺呢4個多月相處間發生嘅問題。Tony表示呢幾個月已經受夠Sofiia嘅不理性行為。Tony指佢曾經想拉近女兒同Sofiia嘅關係，並為呢段關係作出好多努力，但Sofiia經常情緒失控。

Photo from 《Daily Mail》

分手全因Sofiia情緒不穩？！

Tony表示日前佢哋喺屋企慶祝佢30歲生日，Sofiia竟然再次失控，用刀破壞牆壁，令Tony不得不報警求助，佢更直言擔心自己安全，並向Sofiia提出分手。對方事後不停聯絡佢想挽回呢段感情，不過Tony似乎十分決絕，並指佢哋已經「100%玩完」，有指Tony將Sofiia趕出家中，斥佢只顧飲酒。

Photo from 《Daily Mail》

Tony稱佢畀過好多次機會Sofiia，雖然兩人唔再係戀人嘅關係，但佢會聯繫當地議會同內政部，希望可以搵到一個地方畀Sofiia重新安置，又試過聯系Sofiia嘅媽媽，等佢情緒可以穩定落嚟。

Photo from 《The Sun》

Tony拋妻棄女後破產、打官司

兩人嘅愛情最終分手收場，不過喺當初亦曾經轟轟烈烈，唔止雙雙私奔，更暢談未來，打算生兒育女組織家庭。Tony當時指想向Sofiia求婚，而Sofiia就表示想做媽媽孕育Tony嘅孩子。兩人都曾經幸福過，但分手後就要面臨現實，Tony拋棄伴侶Lorna，兩人更因此鬧上法庭，離婚官司仍在審理中，加上因為「拋妻棄女與第三者私奔」，令Tony備受網民批評，現時更已破產。