超吸睛珍寶珠「FUNtastic World」登陸東薈城名店倉～FUN-cation必玩6大主題打卡區＋聖誕獎賞＋珍寶珠快閃店！

By Susan So on 30 Nov 2022

Project Assistant

即將迎來普天同慶嘅聖誕節，唔少商場都已經悉心佈置，當中嘅大型聖誕裝置又靚又震撼，最啱一家大細同遊，一齊影相打卡留念！要數到吸睛搶眼又啱大小朋友一齊玩，今個聖誕東薈城名店倉同世界知名糖果品牌Chupa Chups珍寶珠破天荒創意聯乘，由即日起至2023年1月2日期間攜手打造「FUNtastic World」主題活動，絕對係小編嘅心水推薦！場內化身成珍寶珠繽Fun世界，讓大小朋友親身體驗珍寶珠製作過程，打卡一流呀！

大家仲可以登入手機遊戲挑戰任務，成功後換領限量版珍寶珠香薰座。而CLUB CG會員於場內消費滿指定金額更可換領多款豐富禮品！另外，場內更設有全港首間集海外產品「珍寶珠無限FUN快閃店」，發售近60款主題精品，珍寶珠迷萬勿錯過！而家就即跟小編一齊暢遊「FUNtastic World」，歡度溫馨又好玩嘅歡樂聖誕啦！

#6大主題打卡區，齊齊「FUN」享暢遊珍寶珠世界！

Photo from HolidaySmart

大人小朋友都鍾意嘅珍寶珠，絕對能夠為今個聖誕添上一份不一樣嘅甜蜜色彩！商場特別化身成「滿FUN棒棒學堂」帶大家暢遊珍寶珠世界，當中6個色彩繽紛、打卡必去嘅珍寶珠互動裝置絕對唔可以錯過，包括：「珍寶繽FUN熱氣球」、「滿FUN棒棒禮堂」、「棒棒糖製造機」、「奪目滿FUN包裝站」、「超巨型珍寶珠」、「棒棒糖繽FUN牆」，俾大家拍下甜蜜又趣怪嘅打卡相，留下開心記憶，跟家人享受一個溫馨難忘嘅FUN-cation！

【第1站：「珍寶繽FUN熱氣球」】

Photo from HolidaySmart

第一站嚟到二樓天橋嘅「珍寶繽FUN熱氣球」，正式啟航展開糖果製作之旅！齊齊踏上5米高嘅珍寶珠主題熱氣球，準備進入珍寶珠繽Fun世界，夠哂震撼～抬頭更可以欣賞多個七彩迷你熱氣球懸掛空中，共度夢幻時光！

位置：二樓天橋

【第2站：「滿FUN棒棒禮堂」】

Photo from HolidaySmart

走到二樓中庭廣場「滿FUN棒棒學堂」內，呢座6米高沉浸式「滿FUN棒棒禮堂」認真巨型搶眼～大家可以360度體驗糖果帶來嘅香甜魔力，探索珍寶珠幻影世界。而且每30分鐘，大家仲可以欣賞聖誕光影音樂匯演。最後，當然要齊齊穿上Sharp醒長袍化身繽FUN糖果師，影返張精靈學員相留念啦！

位置：二樓中庭廣場

【第3站：「棒棒糖製造機」】

Photo from HolidaySmart

成為繽FUN糖果師之後，接著當然要投入糖果製作嘅世界啦！呢座「棒棒糖製造機」俾大家親身見站製作糖果嘅運輸過程，工場內更散發著糖果香甜幸福氣味，以及驚喜滿分嘅煙霧效果，夢幻十足嘅過程令大家都樂而忘返呢！

位置：二樓中庭廣場

【第4站：「奪目滿FUN包裝站」】

Photo from HolidaySmart

完成糖果製作過程之後，當然要好好包裝一番！喺呢個「奪目滿FUN包裝站」，大家可以透過手機參與電子課堂任務「滿FUN Lolly包裝班」，動動創意設計出個人化嘅珍寶珠經典包裝，再選取你喜歡嘅聖誕節祝福語，下載專屬珍寶珠包裝紙電子賀卡送俾家人朋友FUN享喜悅！之後再喺呢幅巨型聖誕糖紙打卡牆跟至親好友影畢業照，慶祝正式成為繽FUN糖果師！

位置：二樓中庭廣場

【第5站：「超巨型珍寶珠」】

Photo from HolidaySmart

最讓小編為之瘋狂就係呢個2米「超巨型珍寶珠」，作為珍寶珠迷見到點可以唔心動呢！呈現眼前唔止震撼度爆燈，更勢必成為今個聖誕必到打卡熱點！

位置：二樓中庭廣場

【第6站：「棒棒糖繽FUN牆」】

Photo from HolidaySmart

完成糖果製作不妨輕鬆遊玩一番，喺呢幅「棒棒糖繽FUN牆」同親朋好友齊齊擺出鬼馬甫士影相，大家可以盡情打卡分享喜悅，感受一下糖果散發著嘅甜蜜歡樂氣氛！

位置：二樓鄰近cdf Beauty

#「Lolly電子學生證」獎品換領萬勿錯過！

Photo from HolidaySmart

提提大家，喺暢遊6大主題打卡區期間，唔好忘記用手機掃描指定QR Code，啟動「Lolly電子學生證」，挑戰糖果製作任務，集齊4個珍寶珠蓋章並下載TAIKOO+手機應用程式及登記成為CLUB CG準會員或出示電子會員卡，即可換領限量版珍寶珠香薰座，將甜美嘅經典珍寶珠香味帶返屋企！

Photo from HolidaySmart

#FUNtastic聖誕獎賞，消費滿指定金額換領獨家精品！

玩完6大打卡區，當然唔可以錯過FUNtastic聖誕獎賞啦！由12月1日至27日，喺場內即日消費滿指定金額，即場登記成為CLUB CG會員或出示電子會員卡，即可換領多款「東薈城名店倉 x 珍寶珠」限量版聖誕禮品，包括：聖誕串串燈、軟綿綿地毯及閃炫唱K神器，以及高達HK$700指定商戶無消費門檻現金券；而CLUB CG會員憑1,000會員積分更可換領「東薈城名店倉 x 珍寶珠」限量版手機支架！

Photo from HolidaySmart

#Fans必去～全港首間集海外產品珍寶珠快閃店登場！

Photo from HolidaySmart

除咗影相打卡及享受購物獎賞外，場內仲設有全港首間集海外產品嘅珍寶珠快閃店，相信定必能滿足一眾珍寶珠迷！快閃店內有近60款主題精品，更有珍寶珠泰國版產品首度於香港發售，當中包括女生們喜愛嘅身體噴霧、潤膚乳及洗澡用品等，以及聖誕送禮必備的家品如香水香包及香薰蠟燭等，還有一系列商場獨家發售的珍寶珠主題文具精品，為摯愛送上甜蜜驚喜，珍寶珠迷萬勿錯過！

東薈城名店倉 x 珍寶珠「FUNtastic World」有咁多精彩活動及優惠，快啲相約親朋好友一齊嚟東薈城名店倉感受呢個FUN-cation，一齊FUN享聖誕啦！

即Click了解更多最新優惠及活動詳情：https://bit.ly/3EIxTii