download HolidaySmart 假期日常 app
烏克蘭伴娘團8位美女包圍新郎,由新娘父母邀請!網友:新娘完敗

烏克蘭伴娘團8位美女包圍新郎,由新娘父母邀請!網友:新娘完敗

時事熱話
By Jennifer on 01 Dec 2022
Digital Editor

婚禮對好多女生嚟講都十分重要,近日內地河北就驚現8人烏克蘭美女伴娘團,掀起網上熱話。伴娘同新郎同場時新郎都顯得十分無措,據悉烏克蘭美女伴娘團係由女方父母安排,有網民直言:新娘完全被比下去!

近日內地河北就驚現8人烏克蘭美女伴娘團,掀起網上熱話Photo from 微博

唔少女生從小已夢想有一個盛大嘅婚禮,而婚禮作為「人生大日子」,好多人都會邀請好友出席婚禮,甚至擔任「姊妹」、「兄弟」、「伴娘」、「伴郎」,見證自己踏入人生新階段。

婚禮作為「人生大日子」,好多人都會邀請好友出席婚禮,甚至擔任「姊妹」Photo from 《新娘大作戰》劇照

內地驚現烏克蘭美女伴娘團,新郎超僵硬

近日內地一個婚禮就引起網民注意,原因係伴娘姊妹團全部都係外國美女,統一著上紅色長裙,加上毛毛披肩。伴娘們都擁有高䠷身型,裙擺開衩晒出長腿,幾位烏克蘭伴娘膚白鼻高大眼睛,美貌十分搶眼。

伴娘們都擁有高䠷身型,裙擺開衩晒出超長腿,幾位烏克蘭伴娘膚白鼻高大眼睛,美貌十分搶眼。Photo from 微博

係網上曝光嘅影片中,烏克蘭伴娘更同新郎同場,只見新郎「正襟危坐」雙手撐喺膝上,坐喺梳化中間,兩邊分別坐咗幾位烏克蘭伴娘,新郎目不斜視,未有多望伴娘。雖然坐姿略顯僵硬,但相信新娘亦十分滿意新郎嘅表現。

烏克蘭伴娘更同新郎同場,只見新郎「正襟危坐」雙手撐喺膝上Photo from 微博

新郎坐喺梳化中間,兩邊分別坐咗幾位烏克蘭伴娘,新郎目不斜視,未有多望伴娘。Photo from 微博

烏克蘭伴娘團由新娘父母安排

新娘朋友表示伴娘團其實係由女方父母安排,因為新娘屋企從事外貿生意,所以邀請咗一班烏克蘭美女擔任伴娘:「想有一個不一樣的儀式感」,舉辦一場與眾不同的婚禮。

新娘屋企從事外貿生意,所以邀請咗一班烏克蘭美女擔任伴娘Photo from 微博

新娘與烏克蘭伴娘團合照被指完敗

成個迎親儀式,伴娘團亦有伴隨新娘左右,十分「稱職」,喺內地村落中見到一群烏克蘭女生,可謂奇景。之後新娘亦有同一眾伴娘影大合照,引起網民熱議。

成個迎親儀式,伴娘團亦有伴隨新娘左右Photo from 微博

新娘亦有同一眾伴娘影大合照Photo from 微博

有網友認為新娘父母係「好心做壞事」,搵烏克蘭美女做伴娘完全搶晒個女風頭:「家人有考慮過新娘的感受嗎?結個婚還不如個伴娘」、「伴娘就不應該比新娘漂亮」,更有人直言新娘伴女大合照,新娘完全被比下去。

有網友認為新娘父母係「好心做壞事」,搵烏克蘭美女做伴娘完全搶晒個女風頭Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

51歲凍齡奶奶被誤會係新娘,分享保養秘訣卻被網民質疑?細數2大超童顏媽媽網紅!

24 Oct 2022

現時唔少女士都非常著重於外表上嘅保養,亦因此出現好多「童顏」美女~近日,內地一名女仔喺出席婚禮嘅時候,竟然錯將51歲嘅奶奶誤會成新娘!喺影片上載後成功引起網民熱議,大家都不禁感到驚嘆,而呢位奶奶事後仲受訪分享美容技巧。

近日,51歲嘅內地準奶奶被賓客誤會係新娘,凍齡樣貌備受網民關注!Photo from 《今生是第一次》劇照

婚禮焦點被準奶奶奪走?!

根據內媒報導,一對新人決定喺山東省煙台市舉辦婚禮,但焦點卻竟然落咗喺奶奶嘅樣貌上?!有指,一名內地女士喺出席婚禮時「擺烏龍」誤將奶奶認成新娘,而呢段影片亦喺網上備受關注,引起熱議。

近日,有內地女士喺出席婚禮時錯認奶奶做「新娘」,引起熱話!Photo from 微博

認錯新郎媽媽做新娘!

從影片中所見,呢名女仔喺走進婚禮大廳時見到一名身穿深紅色連身裙嘅女士,並主動向對方俾人情及送上祝福「新婚快樂」。不過該女士聽到之後似乎嚇咗一跳,隨即笑笑口咁話「你認錯了!新娘在後面呢!」事後女士先發現呢位女士嘅衣服上嘅襟花寫住「媽媽」2個字,原來對方係新郎嘅媽媽!

一名女士出席婚宴時,誤會準奶奶係新娘,而對方亦立刻解釋「新娘在後面喔!」Photo from 微博

後來女士先發現「新娘」心口嘅襟花寫住「媽媽」!Photo from 微博

51歲準奶奶外型年輕

據悉,新郎嘅媽媽現年51歲,喺兒子婚禮當日佢身穿紅色連衣裙,綁起公主頭仲留咗現時非常hit嘅「空氣瀏海」髮型;而佢本身皮膚白晢、身材苗條,加上化妝令佢睇落更加年輕,完全唔似準奶奶!

只見呢位奶奶髮型時尚,而且五官標緻!Photo from 微博

即睇更多人氣文章:

網民反應熱烈!

影片上載到網上後,隨即引發網民熱議。大部分網民都忍唔住驚嘆呢位奶奶嘅高顏值及保養技術「以為只是3、40歲」、「樣貌很凍齡,應該很早就結婚了」等;但都有部份網民覺得影片加咗美顏濾鏡,認為現實同照片好大機會並唔相符!

好多網民都覺得佢嘅樣貌睇落好年輕~Photo from 微博

不過亦有部份網民質疑影片開咗濾鏡!Photo from 微博

受訪時透露保養秘訣!

事後,呢位奶奶「楊女士」接受內媒訪問,指自己係農村人平常甚少保養「平時1、2個月才去一次美容院」,認為心態開朗係保持年輕嘅重要秘訣!

而呢位奶奶亦向媒體大晒美容心得!Photo from 微博

42歲單親媽媽與19歲囡似雙胞胎

其實過往網絡上都有出現過唔少「凍齡」美女,當中絕大部分都已經成為人母~一名42歲嘅單親日本媽媽川端歩喺2019年參加《日本國民美魔女大賽》亞軍而爆紅,而佢仲育有一名19歲嘅女兒,令網民感到震驚!而佢同女兒嘅合照仲好似雙胞胎一樣,完全唔似一對母女;佢表示保持心態年輕及增值自己係佢獨有嘅保養嘅方法!

41歲日本單親媽媽川端歩曾參加《美魔女大賽》獲得亞軍!Photo from ayumi_kawabata IG

而佢同囡囡一齊自拍嘅時候,二人更加似姐妹!Photo from ayumi_kawabata IG

55歲印尼嫲嫲超童顏!

除此之外,55歲嘅印尼網紅「Puspa Dewi」已經成為咗一名嫲嫲!然而佢嘅身形及外表睇落都非常「童顏」,同大兒子行街時經常都被誤會係佢女朋友,就算同新抱企埋一齊都好似係同齡朋友一樣,真係好厲害!

55歲嘅印尼嫲嫲「Puspa Dewi」無論係身型定外貌都非常年輕!Photo from puspadewihc IG

而佢同丈夫嘅感情都十分甜蜜,羨煞旁人Photo from puspadewihc IG

就算同新抱一齊影相都比較似係朋友~Photo from puspadewihc IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel