download HolidaySmart 假期日常 app
3名難民藏身油輪「船舵」!11日後奇蹟生還抵達西班牙旅遊勝地

3名難民藏身油輪「船舵」!11日後奇蹟生還抵達西班牙旅遊勝地

時事熱話
By Jennifer on 02 Dec 2022
Digital Editor

大難不死,必有後福?若果你對自己國家不滿而選擇逃亡偷渡,你會有死亡的覺悟嗎? 西班牙海岸警衛隊日前於Twitter上發布照片,指一艘由尼日利亞出發途經加那利群島的油輪,船舵上發現有3名非洲難民,而由出發至發現偷渡客足足有11日,但他們居然都奇蹟地生還。

一艘由尼日利亞出發途經加那利群島的油輪,船舵上發現有3名非洲難民Photo from 「SALVAMENTO MARÍTIMO」Twitter

根據美國有線新聞網絡(CNN)報導,這艘名為阿里西尼二世(Alithini II)油輪從尼日利亞首都阿布賈出發,在海上航行11日後終於在上月28日抵達西班牙拉斯帕爾馬斯(Las Palmas) 加那利群島 (Canary Islands),而當船隻進港時,有工作人員居然發現油輪的後方底部有三名男子坐在船舵上,大嚇一驚之餘以為自己眼花,但隨即都通知海岸警衛去救援,而各人上岸後被送到醫院,其後發現均有脫水及體溫過低的症狀,其中一人更加情況欠住需要留院觀察。

工作人員居然發現油輪的後方底部有三名男子坐在船舵上,大嚇一驚之餘以為自己眼花,但隨即都通知海岸警衛去救援Photo from 「SALVAMENTO MARÍTIMO」Twitter

徘徊於生死邊緣

而根據海上救援協調中心主任表示:「躲在船舵風險是最高的,偷渡過程中更加有可能因為脫水而身亡,若果遇上大風浪時該船舵更有可能會被海水淹沒」。據悉當時的船舵坐上偷渡客後男子的雙腳距離水面只有不及1米!可說是徘徊於生死邊緣,於極端的生存條件下,還要面對缺水缺糧與及被海浪拋打跌落船隻的風險下,用意志力度過整整11日。

據悉當時的船舵坐上偷渡客後男子的雙腳距離水面只有不及1米!Photo from 「SALVAMENTO MARÍTIMO」Twitter

圖片可見三名男子經過11日的漂流已經筋疲力盡,而且絲毫不敢亂動,各自彎曲身體緊靠船體,雙腳非常接近水面,異常驚險,若果稍有差池,早已命喪海上。

加那利群島為非洲人前往歐洲的熱門途徑Photo from 「SALVAMENTO MARÍTIMO」Twitter

加那利群島為偷渡天堂?

據了解,加那利群島為非洲人前往歐洲的熱門途徑,而當地紅十字會亦曾經表示,去年有超過20,000名新移民是經由西非海岸線偷渡到加那利群島,當中有一千多人死在海上。而加那利群島 (Canary Islands) 是由7個大島和幾個小島形成,靠近非洲的歐洲島嶼,氣候溫和而且四季如春,是歐洲人都趨之若鶩的旅遊勝地,365日都適合進行水上活動,加上歷史悠久,小鎮上充滿殖民地的風情,又難怪非洲人要用性命相搏都要偷渡到此度過餘生~

當地紅十字會亦曾經表示,去年有超過20,000名新移民是經由西非海岸線偷渡到加那利群島Photo from @hellocanaryislands IG

加那利群島 (Canary Islands) 是由7個大島和幾個小島形成Photo from @hellocanaryislands IG

氣候溫和而且四季如春,是歐洲人都趨之若鶩的旅遊勝地,365日都適合進行水上活動Photo from @hellocanaryislands IG

小鎮上充滿殖民地的風情Photo from @hellocanaryislands IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

52歲英國富翁收留39歲烏克蘭難民女子!幾週後即戀上對方並私奔,拋下妻子及3名孩子!

6 Sep 2022

「俄烏戰爭」爆發至今已經超過半年,唔少烏克蘭嘅居民嘅家園都遭受破壞,令佢哋迫不得已要搬遷,唔少國家都出手相助接收難民。其中一名英國富翁就慷慨收留一名年輕烏克蘭女子,俾佢搬入自己嘅莊園居住;然而對方搬入去幾個星期後,佢就選擇同對方私奔?!

52歲Haakon Overli 戀上39歲烏克蘭難民女子,決定與對方私奔!Photo from Haakon Overli Twitter

英國富翁3月時主動要求協助烏克蘭難民

根據外媒報導,52歲嘅英國千萬富翁奧佛利(Haakon Overli)今年3月嘅時候喺Twitter發文表示家人同佢都希望能夠協助一名烏克蘭難民,並寫信要求遊說首相、內政大臣巴特爾(Priti Patel)等英國官員幫手,希望儘快俾對方到英國安居。

52歲嘅英國富翁Haakon Overli 今年3月主動表示想幫助烏克蘭嘅市民。Photo from Bloomberg Technology

成功收留39歲女仔,獲官員侯俊偉讚揚!

其後,奧佛利喺今年5月成功收留來自烏克蘭嘅39歲難民女子 Mariia Polonchuk,並讓對方居住喺薩里郡嘅莊園裡面。同一個月,富翁一家人以及該女子仲一齊出席公開活動,當時佢哋全部人同前衛生大臣侯俊偉(Jeremy Hunt)合照,而侯俊偉亦大讚佢嘅大愛精神「 it was great to meet a Ukrainian family being hosted by a local family!」

今年5月,英國富翁一家及難民女仔(紫色衫)與英國官員Jeremy Hunt合照!Photo from Jeremy Hunt Twitter

如今卻決定拋棄妻兒,與難民女子私奔!

然而,溫馨嘅故事卻出現大反轉!近日,億萬富翁被爆與難民女子擦出愛火,二人相處咗短短幾個星期就發展成情侶;而最過分嘅係富翁現時已經與難民女子私奔,拋下妻子伊莫珍(Imogen Overli)及3名孩子。事件曝光後,奧佛利嘅Twitter帳號已經設定為私人帳號,未知係咪想避免網民嘅批評。

事件曝光後,Haakon Overli將Twitter帳號設定為私人帳號!Photo from Haakon Overli Twitter

即睇更多人氣文章:

現時為歐洲最大規模軟體公司創辦人之一

據悉,奧佛利目前身家達到500萬英鎊(約港幣4,500萬),喺2000年曾創立網上股票公司Self Trade,但同年就以9億英鎊出售公司。後來,佢亦曾於備受爭議嘅Wonga公司擔任董事,其後再次辭任;現時佢係Dawn Capital嘅其中一位創辦人,公司被譽為歐洲規模最大嘅B2B軟體專業投資商家,市值逾200萬英鎊(約港幣1,800萬)。

現時Haakon Overli 係Dawn Capital嘅其中一位創辦人!Photo from Linkedin

過往亦曾有類似事件出現!

其實過往都曾經有類似情況出現過!今年5月,外國媒體報導29歲嘅英國男子Tony與22歲嘅烏克蘭女仔Sofiia認識短短10日就決定私奔,拋低交往8年嘅女友及2名女兒(相識過程請參閱下面嘅相關文章~)不過喺二人私奔短短2個月就出現狀況!

Tony認識咗來自烏克蘭嘅Sofiia,只係認識10日就決定同對方一齊私奔!Photo from 《The Sun》

而Tony就拋下交往8年嘅Lorna及2名女兒,感情終究敵不過新鮮感!Photo from 《The Sun》

二人最終經濟出現問題!

當時Tony同Sofiia嘅愛情故事被廣傳,而唔少網民都狠批二人嘅行為,導致Tony被雇主解僱面臨失業「我由一星期賺到2,000英鎊(約港幣1.8萬)嘅有為青年,變成一無所有!」,但堅稱唔後悔同對方相戀!而女方喺今年7月時候因為眼睛受感染,導致部份視力受阻,所有起居生活都需要由Tony貼身照顧,令唔少網民都感嘆「皇天有眼!」

事件曝光後,男方立刻被解僱變成無業人士,靠家人嘅資金過生活Photo from GB news

而今年7月女方因為眼睛受感染,視力受阻,需要男方照顧起居飲食Photo from New York Daily

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel