丁真「藏族男神」最新近照離奇變白皙?!被批生活奢侈不再純真

丁真「藏族男神」最新近照離奇變白皙?!被批生活奢侈不再純真

娛樂新聞
By Jennifer on 02 Dec 2022
Digital Editor

丁真(丁真珍珠)爆紅兩年,由藏族少年搖身一變成旅遊形象大使,以「甜野男孩」形象收到各種節目邀約。不過近年佢因為使用外國產品、吸煙等被指同最初純真人設不符,引起爭議。最近丁真公開自拍,變得白皙不少,同以往藏族少年嘅樣子有好大不同。

丁真(丁真珍珠)爆紅兩年,由藏族少年搖身一變成旅遊形象大使Photo from 丁真微博

2020年藏族少年丁真抖音一夜爆紅

2020年憑抖音片段一夜爆紅嘅丁真獲極速安排簽約國企,並成為理塘縣旅遊形象大使。代表家鄉形象嘅丁真陸續開設微博帳號等,成為獲官方認可嘅網絡紅人,地位非一般。

丁真成為獲官方認可嘅網絡紅人,地位非一般。Photo from 丁真微博

之後丁真獲邀出演多個電視台嘅綜藝節目、登上春晚,又接咗唔少廣告代言,因為純真嘅氣質獲封「甜野男孩」。丁真人氣高企,連佢隻馬都受到關注。韓國《中央日報》、日本朝日電視都有報道丁真走紅嘅事件。

丁真獲邀出演多個電視台嘅綜藝節目、登上春晚,又接咗唔少廣告代言Photo from 丁真微博

被揭用iPhone,丁真被指唔再純樸

但2021年丁真抽煙嘅片段喺網上流傳,惹起爭議,事後丁真官方工作室於微博發文道歉,指會注意公共影響力,又呼籲大眾關愛身體健康。之後丁真被揭用iPhone、飲Starbucks,更因喺內地節目曾騎上電單車,唔少網友表示十分失望,指丁真已經唔再純樸。

丁真被揭用iPhonePhoto from 微博

丁真喺內地節目曾騎上電單車,唔少網友表示十分失望,指丁真已經唔再純樸。Photo from 丁真微博

爆紅後丁真生活變化超大

丁真從一個小學三年級輟學嘅藏族少年變成旅遊形象大使。理塘縣文旅體投資發展有限公司安排咗丁真上唔同嘅學習課程,包括漢語、漢字、文化課等,另外公司更聘請一個團隊專門拍攝丁真,十分忙碌。

理塘縣文旅體投資發展有限公司安排咗丁真上唔同嘅學習課程,包括漢語、漢字、文化課等,另外公司更聘請一個團隊專門拍攝丁真,十分忙碌。Photo from 丁真微博

另外公司更聘請一個團隊專門拍攝丁真Photo from 丁真微博

事實上丁真嘅生活同兩年前有好大嘅變化,以往丁真嘅日常就係放牛、騎馬、瞓草地,爆紅後嘅丁真要錄節目、出席活動、拍攝等,日程大為不同。近日丁真就更新咗微博:「大家注意保暖!」其中一張喺車內嘅自拍掀起討論。

事實上丁真嘅生活同兩年前有好大嘅變化Photo from 微博

以往丁真嘅日常就係放牛、騎馬、瞓草地Photo from 丁真微博

丁真最新自拍離奇變白?!

相片丁真膚色白皙,與之前嘅藏族男孩形象頗為不同,有網民表示:「以前的清澈眼神全沒了」,直言丁真不論野性定係純真嘅特質都無晒,亦睇唔出係一位藏族少年:「少年感沒了,失去藏族濾鏡真的很路人」

相片丁真膚色白皙,與之前嘅藏族男孩形象頗為不同Photo from 丁真微博

不過亦有網民認為只係光線問題,指丁真其他相都好正常,亦有認為就算丁真變白都唔出奇,因為佢依家多咗時間喺室內,唔同以前咁成日曬太陽。雖然丁真風波不斷,但無阻佢人氣,佢微博粉絲已突破300萬,每個post都有過萬留言、幾萬個讚好。

丁真微博粉絲已突破300萬,每個post都有過萬留言、幾萬個讚好。Photo from 丁真微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

丁真舅舅被爆瞞婚追女粉絲 女方係丁真私生粉 為見偶像住偏遠地一年

15 Mar 2022

有「藏族男神」之稱嘅丁真(丁真珍珠)因一段抖音片爆紅,仲連帶其弟弟及舅舅人氣急升。舅舅「四郎羅布」留有一頭飄逸長髮,更被內地網民話佢同鄭伊健似樣。不過,四郎羅布近日被傳私生活不檢點,有疑似係丁真狂熱粉絲嘅女生指控佢謊稱自己已離婚和騙色。

丁真不只本人紅透網絡,連起家鄉及親人都人氣大增。Photo from 丁真 微博

丁真舅舅被指似鄭伊健?!

來自中國四川理塘嘅藏族少年「丁真」被封為藏族第一美男,紅透網絡後加入內地演藝圈,就連佢嘅家族成員都收穫不少人氣,丁真弟弟尼瑪跟哥哥一起拍攝綜藝節目《中餐廳》,而舅舅四郎羅布亦因一頭長髮和獨特外貌,被一些內地網民話佢似鄭伊健,但似唔似樣真係見仁見智~

丁真弟弟尼瑪(左)、丁真(中)、丁真舅舅(四郎羅布)Photo from 微博

丁真舅舅被指似鄭伊健。Photo from 格聂王子 微博

丁真舅舅被爆私生活不檢點

日前,有網民發帖稱,四郎羅布疑隱瞞已婚身份與一名女生發生關係,該女生事後亦在網上斥責佢欺騙自己,令自己不知情下成為了第三者,帖文引嚟熱議。該女生又指,四郎羅布嘅外遇消息曝光後依然狡辯,聲稱自己同該名女生交往期間係單身狀態,只係最近又跟老婆和好了。

有女生在網上爆料,指丁真舅舅欺騙女生,並發生婚外情。Photo from 微博

四郎羅布與丁真合照Photo from 格聂王子 微博

女生並不滿意四郎羅布嘅講法,亦指男方沒有承擔責任嘅勇氣。之後,女生更貼出男方私照,從佢發佈嘅相片可見,四郎羅布坐在事主對面,二人正在餐廳用膳。照片中嘅男子留長髮,加上臉部皮膚帶紅,所以不少網民都相信男子就係丁真舅舅四郎羅布。

女生曬出早前與四郎羅布出外用膳照以證實自己言論。Photo from 微博

爆料女生被指係丁真私生粉

但事情發展並未告一段落,有指爆料女生其實係一名丁真私生粉(極端狂熱粉絲),有指呢名女生一年前就住在理塘,希望可以接近丁真,但佢未能遇見偶像,反而就同丁真舅舅發生了關係。另外,據聞與四郎羅布發生過關係嘅粉絲不只一位,那些女生都曾住在男方民宿數個月。有網民指,不少前往理塘嘅女粉絲本來來自城市,大老遠走到理塘,卻就為了一個鄉下男人爭風吃醋,行為很不理智。

網絡流傳該爆料女生其實係一名丁真私生粉,更在一年前到其家鄉理塘居住。Photo from 格聂王子 微博

自從丁真爆紅後,其家鄉和家族都熱度大增,作為佢舅舅嘅四郎羅布都好受丁真粉絲歡迎,佢曾在訪問中透露手機內有不少丁真粉絲嘅聯絡電話,當中不少人都想透過佢來接觸丁真。

丁真舅舅曾在訪問透露手機內有丁真粉絲嘅聯絡方式。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel