download HolidaySmart 假期日常 app
麥明詩與盛勁為拍拖遊日本？！被網民笑坐經濟艙，麥明詩IG反擊

麥明詩與盛勁為拍拖遊日本？！被網民笑坐經濟艙，麥明詩IG反擊

娛樂新聞
By Jennifer on 05 Dec 2022
Digital Editor

麥明詩自從轉行後一舉一動都備受關注，佢近日被爆同緋聞男友盛勁為同遊日本，更被影到喺飛機上挨住男方膊頭瞓。事隔一日，麥明詩終於喺IG回應事件，佢未有否認戀情，更反擊笑佢哋坐經濟艙嘅網民！

麥明詩自從轉行後一舉一動都備受關注Photo from 麥明詩IG

麥明詩被拍與男友同遊日本

麥明詩雖然未有續約，更已轉行做OL，但曝光率依然高企，連私下出席活動嘅衣著打扮都受到矚目。單身多年嘅佢轉行後更變得桃花旺，之前就暗示已有男友。

單身多年嘅麥明詩轉行後更變得桃花旺，之前就暗示已有男友。Photo from 麥明詩IG

到10月時麥明詩更大方自爆有男友，又直言離開娛樂圈之後輕鬆好多，同男朋友一齊都唔驚會被人影到。估唔到2個月後佢真係被影到疑似同男友拍拖出埠！麥明詩更將男方膊頭當成頭枕，舉止親密。

麥明詩被影到疑似同男友拍拖出埠！麥明詩更將男方膊頭當成頭枕，舉止親密。Photo from 麥明詩IG

麥明詩現任男友係緋聞對象盛勁為？！

有網民爆料指麥明詩同男友同遊日本，而麥明詩男友真身竟然就係佢嘅緋聞對象—前機師盛勁為（Keith）！兩人於2020年已傳出緋聞，盛勁為上過《後生仔傾下偈》做嘉賓，透露佢同麥明詩係踩單車識，又坦言欣賞麥明詩「好聰明」，不過麥明詩之後喺IG story回應：「不用恭喜，只是朋友，謝謝關心」，否認戀情。

麥明詩男友真身竟然就係佢嘅緋聞對象—前機師盛勁為（Keith）Photo from TVB

盛勁為上過《後生仔傾下偈》做嘉賓，透露佢同麥明詩係踩單車識Photo from 麥明詩IG

麥明詩曾喺IG story回應：「不用恭喜，只是朋友，謝謝關心」，否認戀情。Photo from 麥明詩IG

盛勁為現為保險公司分區經理，疑同麥明詩一齊出海

後來盛勁為更參加TVB《衝上雲霄大選》，並奪得亞軍。盛勁為於2021年成為TVB旗下藝人，現時同麥明詩前男友林作一樣亦係做保險。喺麥明詩戀愛曝光後，林作亦向盛勁為下戰書。翻睇兩人IG，佢哋於11月尾似乎一齊出海玩帆船？！

盛勁為更參加TVB《衝上雲霄大選》，並奪得亞軍Photo from 盛勁為IG

翻睇兩人IG，麥明詩佢哋於11月尾似乎一齊出海玩帆船？！Photo from 麥明詩IG

盛勁為IG公開嘅相中，紅箭頭指住嘅疑係麥明詩Photo from 盛勁為IG

被網友笑坐經濟艙，麥明詩反擊

喺一片討論聲之中，兩位當事人都未有回應戀情。事隔一日麥明詩終於update IG Story，佢公開連登討論區嘅網友回覆截圖，圖中網友熱議麥明詩竟然都坐經濟艙，有人更指：「抵被人影咁都慳錢咁cheap」，麥明詩反擊：「係呀，我仲要用準備要過期嘅Asia miles嚟換添」

事隔一日麥明詩終於update IG Story，佢公開連登討論區嘅網友回覆截圖Photo from 麥明詩IG

網友熱議麥明詩竟然都坐經濟艙，有人更指：「抵被人影咁都慳錢咁cheap」，麥明詩反擊：「係呀，我仲要用準備要過期嘅Asia miles嚟換添」Photo from 麥明詩IG

從佢截圖嚟睇，麥明詩應該都十分關心網民嘅睇法，不過已經轉咗行，麥明詩亦大方稱唔驚會被人影到同男友拍拖，今次佢未有再否認拍拖傳聞，疑為默認戀情。

今次麥明詩未有再否認拍拖傳聞，疑為默認戀情。Photo from 麥明詩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

麥明詩轉行後被指fit爆身型不再，晒舊照大方回應獲網友力撐

15 Nov 2022

「十優港姐」麥明詩轉行後發展個人事業，仍不時更新IG，有時仲會大派福利。近日佢公開一張舊照，以及IG留言截圖，有網民直言佢身型「豐滿」咗好多，麥明詩亦喺新post對留言作出回應，獲眾多網友力撐！

「十優港姐」麥明詩轉行後發展個人事業，仍不時更新IG，有時仲會大派福利Photo from 麥明詩IG

麥明詩轉行後愛情、事業兩得意

麥明詩約滿後離巢，雖然已甚少喺幕前出現，但麥明詩曝光率一啲都唔低，更接到唔少廣告。近日麥明詩更聯同幾位合伙人一同創立「Project Melo」，為年輕人提供平台同唔同企業嘅CEO互動、合作。

麥明詩約滿後離巢，雖然已甚少喺幕前出現，但麥明詩曝光率一啲都唔低，更接到唔少廣告。Photo from 麥明詩IG

踏入30歲嘅麥明詩轉行後發展個人事業，又成為創辦人之一，佢又自爆已有男朋友，愛情、事業同樣得意。

踏入30歲嘅麥明詩轉行後發展個人事業，又成為創辦人之一Photo from 麥明詩IG

麥明詩近照被網友指身型走樣

不過麥明詩都無忘記網友對佢嘅支持，平時都經常喺社交網站分享佢嘅日常生活，有時仲會post下泳衣照「派福利」，最近麥明詩又喺IG公開著上運動裝嘅相片，大晒纖腰，pose亦十分自信。

麥明詩平時都經常喺社交網站分享佢嘅日常生活，有時仲會post下泳衣照「派福利」Photo from 麥明詩IG

，最近麥明詩又喺IG公開著上運動裝嘅相片，大晒纖腰Photo from 麥明詩IG

同fit爆照片一同公開嘅仲有網民留言嘅截圖，圖中唔少人指麥明詩身型比以前「豐滿」，直言佢有「拜拜肉」，更建議佢要減肥。翻睇麥明詩IG，相信留言係嚟自10月底佢以創辦人身份亮相嘅一個post。

同fit爆照片一同公開嘅仲有網民留言嘅截圖，圖中唔少人指麥明詩身型比以前「豐滿」Photo from 麥明詩IG

翻睇麥明詩IG，相信留言係嚟自10月底佢以創辦人身份亮相嘅一個post。Photo from 麥明詩IG

唔少留言都指麥明詩身型唔再fitPhoto from 麥明詩IG

晒舊照大方回應，網民力撐麥明詩

對於網民指佢身型走樣嘅言論，麥明詩表示：「一年前嘅我，的確好瘦。係，今日嘅我，多咗肥肉，有肚腩」，睇嚟佢公開嘅應該係一年前嘅舊照，麥明詩大方承認自己依家身型無以前咁fit，但佢坦言：「依家唔使上電視，咪降低咗身型目標囉！」但佢笑言如果有廣告需要，自己同樣都可以好快達到目標。

對於網民指佢身型走樣嘅言論，麥明詩表示：「一年前嘅我，的確好瘦。係，今日嘅我，多咗肥肉，有肚腩」Photo from 麥明詩IG

麥明詩大方承認自己依家身型無以前咁fit，但佢坦言：「依家唔使上電視，咪降低咗身型目標囉！」Photo from 麥明詩IG

ViuTV藝人Shirley（沈殷怡）就力撐：「我覺得點都好睇！」唔少網友都表示麥明詩依家嘅身型好健康，有人更認為依家有啲肉更好睇，亦唔認同咁嘅身型就係「脹」。

唔少網友都表示麥明詩依家嘅身型好健康Photo from 麥明詩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

日本經濟艙麥明詩娛樂新聞男友盛勁為