吳亦凡被爆出事後半夜痛哭，唔習慣沖涼無熱水！「真實size」曝光？！
吳亦凡被內地網紅都美竹爆料「酒桌選妃」，一審吳亦凡被判13年、驅逐出境！雖然吳亦凡桃色風波暫告一段落，但近日YouTuber「老王」就爆料指吳亦凡被刑拘後嘅情況，網友指佢曾偷偷落淚，更曝光佢嘅「真實size」？！
Photo from 吳亦凡IG
吳亦凡被都美竹爆「酒桌選妃」
2021年網紅都美竹就喺網上爆料酒桌「選妃」潛規則，之後北京公安於官方微博發佈消息指吳亦凡已被「刑拘」。自從被「刑拘」後吳亦凡就喺網上全面「消失」，佢嘅社交帳號都一夜被封。
Photo from 吳亦凡IG
吳亦凡出事至今已逾一年，期間佢名下嘅公司有1500萬資產被凍結，就連佢嘅百萬股權都一同被凍結。而吳亦凡桃色事件一審終於開庭。
Photo from 《夏有喬木雅望天堂》劇照
被判13年，吳亦凡刑拘情況公開
2022年11月25日北京朝陽區人民法院一審宣判吳亦凡罪名成立，合共被判13年有期徒刑，附加驅逐出境，另外吳亦凡因逃稅被罰款6億。事件至今似乎已塵埃落定，不過近日有YouTuber就拍片爆吳亦凡被刑拘後嘅生活。
Photo from 吳亦凡IG
YouTuber「老王」指出吳亦凡服刑前係留喺看守所，而佢亦爆出有關內幕。佢指消息係由觀眾提供，與吳亦凡同房嘅人指一到看守所，叫吳亦凡去水龍頭度沖下，但對方竟然問：「怎麼沒有熱水？」令人忍俊不禁：「以為是自己家？！」
Photo from 《夏有喬木雅望天堂》劇照
出事後半夜痛哭，吳亦凡「真實size」疑曝光
被問到因咩事入嚟，吳亦凡表示「只是運氣不好」，指娛樂圈比佢誇張嘅大有人在。而到夜晚同房嘅人都會同吳亦凡傾下娛樂圈八卦，甚至會叫佢嚟個「freestyle」，雖然吳亦凡同大家相處得唔錯，但爆料指佢曾半夜偷偷地喊。
Photo from 吳亦凡IG
Photo from 《夏有喬木雅望天堂》劇照
當初都美竹爆料時指吳亦凡尺寸好細，更封為「牙籤size」，爆料者指吳亦凡入看守所檢查嗰陣有見到佢尺寸的確一般，但未去到「牙籤」咁誇張，但「比一般還要營養不良一些」。
Photo from 吳亦凡IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
都美竹被前閨蜜爆料稱受吳亦凡影響接受治療是謊言！實際入院整容
1 Apr 2022
網紅都美竹大爆前韓國男團成員吳亦凡私生活混亂，最終吳亦凡斷送演藝生涯。不過曾經幫都美竹指控吳亦凡嘅好閨蜜李恩、劉美麗卻突然反將一軍，直指都美竹大話連篇，之前哭訴因抑鬱症要接受入院心理治療都係假，其實係為咗整容？！
Photo from 都美竹 微博
Photo from 微博
吳亦凡被都美竹爆私生活混亂被封殺
吳亦凡曾經喺內地紅極一時，獲封一代「流量小生」，拍電視劇、電影都係第一男主角嘅待遇。但喺都美竹踢爆佢「酒桌選妃」後被內地全面封殺，名字變成神秘代號。
都美竹前閨蜜連環爆料
而首位爆料者都美竹就因此聲名大躁，微博粉絲已超過420萬，唔少網民力撐佢勇於揭露內地一線男星嘅真面目，但事隔幾個月，佢與曾經嘅好閨蜜反目，對方更連環爆料，直指都美竹講大話。
Photo from 都美竹 微博
Photo from 都美竹 微博
都美竹根本無證據，造假為200萬封口費？
喺都美竹指控吳亦凡私生活混亂時，曾獲「姐姐」「李恩LIEN_」支持，不過佢哋並非親姊妹，但兩人感情極佳，李恩更曾向外界透露都美竹深受吳亦凡事件影響，需要休息。不過情同姊妹嘅李恩近日就喺微博公開錄音，指都美竹並無任何證據證明吳亦凡真係私生活混亂。
Photo from 「李恩LIEN_」微博
Photo from 「李恩LIEN_」微博
都美竹斥被抹黑
都美竹另一位前閨蜜「劉美麗同學呀」亦指都美竹係雙面人，利用完好姐妹後就唔扮唔識，又講大話呃好姐妹、封鎖對方帳號。都美竹本人發文疑回應爆料：「我很清楚某些人搬弄是非的目的，但隱忍不代表我怯懦。」直指有好朋友收咗錢抹黑佢。
Photo from 「劉美麗同學呀」微博
Photo from 都美竹 微博
好姊妹疑爆都美竹整容照
好姊妹劉美麗忍唔住再度發文，怒斥都美竹喺2021年7月12日聲稱要入院治療抑鬱症，只係為「博同情」，實際上佢係去咗整容，仲公開疑似於2021年7月13日拍攝嘅相片，相中都美竹瞓喺病床上，似乎仍在恢復中。早前「都美竹素顏照」亦喺微博瘋傳。
Photo from 「劉美麗同學呀」微博
Photo from 「劉美麗同學呀」微博
Photo from 微博
網民：唔代表吳亦凡係清白
劉美麗又列出長達21項嘅「都美竹謊話合集」，指都美竹說謊成性，再次引起網民討論，有網友稱被都美竹呃咗，以為佢真係受害者。不過亦有網民表示不論都美竹為人如何，都唔代表吳亦凡係清白，畢竟佢已經被拘捕。
Photo from 「劉美麗同學呀」微博
Photo from 都美竹 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
