星街小區「塑」造夢幻雪亮聖誕！必影4大超靚打卡位！

就嚟聖誕節，相信好多人都想過一個溫馨浪漫嘅白色聖誕～等小編推薦大家去灣仔星街小區啦！即日起至2023年1月2日，太古廣場三座外（包括永豐街及星街）有【Enchanting Snowflakes星幻．雪花】聖誕節藝術裝置，雪光閃閃好迷人！呢個小區到處都係白色同金色嘅閃鑽掛飾，就好似置身醉人嘅夢境咁！而家就等小編同大家逐一介紹啦！
 

#星街小區 × AaaM建築設計工作室嘅環保傑作！

Photo from 星街小區

星街小區嘅聖誕節可以話裡裡外外都咁靚～呢啲特別嘅聖誕掛飾同雪花原來好有意義㗎！星街小區早喺今年6月推出「Recycle Your Bottles」回收活動，喺金鐘及灣仔一帶設置16個PET膠樽限時收集點；所得膠樽經清理後，會被切碎再製作成環保原材料：塑膠線材，最後以3D打印技術打印，閃爍亮眼嘅環保裝飾就誕生啦！快啲一齊踏入童話一樣嘅冬雪仙境啦！
 

#【打卡位1】水晶吊燈設計螺旋聖誕樹

Photo from 星街小區

Photo from HolidaySmart

星街小區呢棵聖誕樹有別於傳統，仿照舞會上嘅水晶吊燈設計，加上如冰柱般嘅掛飾，散發出皎白嘅光芒，喺呢度影相打卡，立即變身冰雪童話世界中嘅主角！

小編影相小貼士：著到靚靚嚟打卡梗係要影全身啦～記得叫另一半低抄，手機仲要微微傾斜向佢，就會影得更修長啦！
 

#【打卡位2】長廊掛滿香檳金 × 珍珠白雪鑽

Photo from HolidaySmart

Photo from 星街小區

聖誕樹旁嘅休息區掛滿一串串香檳金色同珍珠白交織嘅雪鑽，加埋璀璨小燈，任何角度睇都超Bling Bling呀！有啲掛飾仲好似巨型鑽石吊墜咁，令人如癡如醉！

小編影相小貼士：呢個Area最啱有景深嘅隨心拍，就算不經意嘅回眸都變得好有聖誕氣氛！
 

#【打卡位3】璀璨星閃閃斜路

Photo from HolidaySmart

Photo from HolidaySmart

影完聖誕樹同雪鑽，再沿住永豐街上斜路去就到星街啦～沿路抬頭就會見到連綿不斷嘅金鑽掛飾，就好似望住漫天繁星咁！咁浪漫嘅情景，又點少得你嘅另一半呢？

小編影相小貼士：嫌棟篤企甫士好悶？只要就一就位，就可以有手托巨鑽嘅效果！
 

#【打卡位4】360°絕美巨型雪球

Photo from HolidaySmart

Photo from HolidaySmart

Photo from HolidaySmart

Photo from 星街小區

最令人驚歎嘅一定係喺太古廣場三期外嘅巨型雪球呀！外圍由多個平面雪球組合而成，裡面仲佈滿大大小小嘅雪花?！無論喺雪球入面影出去，定喺出面影入去，張張相都好驚艷㗎！不一樣嘅雪景，令今年嘅聖誕更有意義！

小編影相小貼士：咁熠熠耀眼嘅雪景，一定要同另一半走入雪球Selfie，Post IG放閃呀！

星街小區雲集特色餐廳、酒吧同時尚精品店舖，即日起至12月31日仲推出「星雪消費賞」：

- 消費滿港幣300元至999元，就可以換領港幣50元星街小區購物禮券及港幣50元星街小區餐飲禮券

- 消費滿港幣1,000元或以上，就可以換領港幣300元星街小區購物禮券及港幣50元星街小區餐飲禮券

星街小區集齊食、買、玩，睇完小編【Enchanting Snowflakes星幻．雪花】嘅介紹，係咪想立即出發去灣仔呢？即刻Mark低以上嘅打卡位，帶埋另一半嚟星街小區，過一個超窩心嘅白色聖誕啦！

Text: HolidaySmart editorial
Photo source: HolidaySmart, 星街小區
Featured for: 星街小區