內地女嫁百億富二代4年難忍老公老爺終離婚!爆嫁入豪門勁辛酸

內地女嫁百億富二代4年難忍老公老爺終離婚!爆嫁入豪門勁辛酸

時事熱話
By Jennifer on 09 Feb 2024
Digital Editor

「嫁入豪門」係令唔少人羨慕嘅際遇,但內地一位女網民近日發文詳述嫁畀百億富二代嘅生活,揭佢結婚4年並唔係做少奶奶,直斥丈夫同老爺苛待佢,當佢係傭人,老公更多次偷食,終於忍無可忍決定離婚!

內地一位女網民近日發文詳述嫁畀百億富二代嘅生活Photo from 王登登微博

內地女生王登登嫁富二代,豪門生活並非想像中美好?!

微博帳號「王登登」發佈長文,分享佢「嫁入豪門」4年嚟嘅生活。王登登指佢同老公係初中同學,兩人於大學二年級相戀,王登登稱老公係佢初戀情人,對方爸爸係全國政協、身家百億嘅上市公司董事長。

王登登稱老公係佢初戀情人,對方爸爸係全國政協、身家百億嘅上市公司董事長。Photo from 王登登微博

大學畢業一年,王登登就辭職、離開生活24年嘅家鄉,跟老公去外地結婚生活。王登登表示同外界想像嘅豪門婚姻唔同,佢與富二代老公結婚未收過一分錢彩禮,亦從未要求過婚車婚房。王登登夫妻婚後同老爺同住,但王登登被當成傭人,負責家中所有家務。

王登登夫妻同老爺同住,但王登登被當成傭人,負責家中所有家務。Photo from 王登登微博

於老爺名下公司工作,但人工低又唔准請假

雖然佢獲安排喺老爺公司工作,王登登卻表示工資只有6,500:「我一直覺得是為『自己家裡』上班,從未計較過薪資。」王登登指佢同老公領證後無幾耐就懷孕,但見紅被醫生建議請假留家安胎,老爺得知後大發雷霆,更要批准假期嘅上司同HR罰錢。

王登登請假留家安胎,老爺得知後大發雷霆Photo from 王登登微博

富二代老公花錢如流水,常流連酒吧夜不歸宿

王登登表示嫁入豪門無改善到生活條件,反而開銷更大。佢指結婚4年老公無畀過生活費:「我不僅要養活自己,還要補貼家用。」王登登直斥老公使費好大:遊戲裡的衣服價值上萬、玩遊戲花過百萬過千萬、每年生日連續慶祝兩星期。

王登登直斥老公使費好大:遊戲裡的衣服價值上萬、玩遊戲花過百萬過千萬、每年生日連續慶祝兩星期。Photo from 王登登微博

另一方面王登登指老公偷食次數超多,更毫不介意被佢知道,除咗經常以「XX集團公子」名號去酒吧,每晚都飲到兩、三點先返,更會半夜三更叫醒懷孕嘅妻子煮麵畀佢食。王登登稱佢返家鄉嘅話,老公甚至會夜不歸宿,或將偷食對象帶返屋企。

王登登指老公以「XX集團公子」名號去酒吧,每晚都飲到兩、三點先返Photo from 王登登微博

王登登老公同第三者Photo from 王登登微博

王登登有老公偷食證據Photo from 王登登微博

妻子懷孕老公0關心,多次偷食逼離婚

王登登又表示2019年佢去美國生BB,老公唔關心妻兒情況,反而叫佢喺美國幫手搶購限量版波鞋。生完BB回國後王登登老公就好少返屋企,仲話後悔結婚。到2021年王登登丈夫提出離婚,表示想另娶有錢女生:「找一個符合你要求的白富美」

王登登又表示2019年佢去美國生BB,老公唔關心妻兒情況,反而叫佢喺美國幫手搶購限量版波鞋Photo from 王登登微博

不過王登登於2021年再次懷孕,但決心要離婚嘅老公要求佢唔要BB並淨身出戶,後來竟然多次「郁手郁腳」,又指個BB出世都唔會幸福,逼王登登去醫院「處理」個BB,最終王登登小產,忍無可忍下王登登帶BB返家鄉,並向法院申請離婚,目前離婚案已正式開庭。

王登登於2021年再次懷孕,但決心要離婚嘅老公要求佢唔要BB並淨身出戶Photo from 王登登微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地女著自行設計婚紗出嫁被笑老土!自信回應獲網民力撐

14 Sep 2022

婚禮係唔少女生最重視嘅事,好多細節都會一一確認。日前內地有一位女士就親自設計婚紗、安排婚禮現場,點知卻被笑套婚紗太「復古」、又指「二婚先會著」,不過新娘屢被取笑都不作理會,更自信回應,有唔少人支持!

婚禮係唔少女生最重視嘅事,好多細節都會一一確認。Photo from 《你的婚禮》劇照

內地越嚟越流行著婚紗出嫁

婚禮對於唔少人嚟講都係一生只有一次,好多女生都對自己嘅婚禮有所憧憬。現今社會女性結婚都會選擇著婚紗出嫁,喺內地雖然都會著裙掛等傳統中國婚服,但著婚紗出嫁已經越嚟越普遍。

現今社會女性結婚都會選擇著婚紗出嫁Photo from 《認識的妻子》劇照

多數婚紗都係白色,白色婚紗代表內心嘅純潔同埋好似孩童咁天真無邪,雖然都有其他顏色,但白色婚紗仍然係主流。日前內地山東一個婚禮,新娘著住粉紅色婚紗出嫁,引起熱議。

白色婚紗代表內心嘅純潔同埋好似孩童咁天真無邪Photo from 《今生是第一次》劇照

內地山東一個婚禮,新娘著住粉紅色婚紗出嫁,引起熱議。Photo from 微博

內地新娘著粉紅色婚紗被笑似再婚

有部分人認為新娘應該係被婚紗店呃咗,攞埋啲滯銷款式畀佢,但原來婚禮上新娘著嘅婚紗係由佢親自設計!新娘姓伊,呢套粉紅色婚紗係佢畫圖畀婚紗店製作,婚紗店整呢套婚紗用咗足足半個月時間。

有部分人認為新娘應該係被婚紗店呃咗,攞埋啲滯銷款式畀佢Photo from 抖音

新娘姓伊,呢套粉紅色婚紗係佢畫圖畀婚紗店製作Photo from 微博

不過網民就唔係好識欣賞,唔少人表示粉紅色婚紗好有70年代感覺:「是走復古風嗎?」更有網友直言粉紅色婚紗只有再婚嘅女生先會著:「我們這粉色代表二婚。」

網民就唔係好識欣賞,唔少人表示粉紅色婚紗好有70年代感覺Photo from 抖音

有網友直言粉紅色婚紗只有再婚嘅女生先會著Photo from 抖音

新娘自信回應獲網民力撐

不過新娘對於外界嘅評價毫不在乎,佢表示自己係動漫迷,亦都好中意粉紅色,除咗婚紗之外,婚禮現場背景亦係宮崎駿漫畫,可以親自設計婚禮場地佈景同埋婚紗佢感覺非常好。

新娘對於外界嘅評價毫不在乎,佢表示自己係動漫迷,亦都好中意粉紅色Photo from 微博

婚禮現場背景亦係宮崎駿漫畫Photo from 微博

可以親自設計婚禮場地佈景同埋婚紗新娘感覺非常好Photo from 微博

其他人嘅睇法新娘表示一笑置之:「我不在乎別人怎麼看,我自己開心就行。」新娘呢一句引起大批網民共鳴,紛紛力撐佢自己嘅婚禮想著咩就著咩:「網友沒必要多管閒事」、「有些網友就愛管天管地管空氣」

其他人嘅睇法新娘表示一笑置之:「我不在乎別人怎麼看,我自己開心就行。」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel