【百老滙 x Miffy推出多款夢幻聖誕禮品！必搶巨型Miffy公仔＋幻彩浴室擺設/餐具＋吸睛Fashion Walk聖誕裝飾！】

By Twinky Chan on 08 Dec 2022

Project Editor

召集所有Miffy粉絲！今個聖誕，百老滙聯乘人見人愛嘅Miffy推出「Make A Wish With Miffy」推廣活動～除咗喺Fashion Walk設置為期一個月嘅大型Miffy聖誕裝置俾大家打卡之外，最驚喜係即日至2023年3月21日於百老滙購買指定產品，即可換領夢幻光影風格嘅「Miffy Make A Wish光影探險系列」禮品！系列包括家品、浴室用品、餐具，全部都令人少女心爆發～各位粉絲想知係咩就睇埋內文！

#巨型Miffy抱枕＋毛毯＋地毯，冬天宅在家都咁溫暖～

屋企向來都係最溫馨、最舒服嘅地方～想舒適感Level Up，點少得加埋佢哋呢！必換領近1米長嘅Miffy巨型抱抱公仔同Miffy抱枕，冬天攬住佢哋喺沙發、睡床都幸福感爆登～仲要一邊披住柔軟輕巧嘅Miffy毛毯，就算天氣凍凍地都咁溫暖！怕地板凍嘅話，加埋地毯就更加Perfect啦！

Photo from 百老滙

#萌爆又功能十足家電～蝸居必備！

同系列嘅實用家電亦非常吸引又可愛，令家中每個角落都被Miffy包圍～好似一共有2色選擇嘅Miffy儲物箱，可以擺入各式各樣嘅雜物，整齊空間Easy Get！

Photo from 百老滙

而Miffy限定版LUVA PUREAIR FIT空氣清新機同DM無線充電風扇都唔可以錯過～2款機身都印有Miffy可愛圖案～空氣清新機經過美國FDA認證，可自動按空氣品質調教最合適模式～而風扇則設有6段風速，收納容易，貼心考慮到香港小蝸居嘅需要～

Photo from 百老滙

#令Miffy粉絲愛不釋手嘅幻彩餐具～儀式感滿分！

對於餐桌用品有儀式感要求嘅忠粉，包保令你驚喜萬分～整套幻彩玻璃餐具就好似極光燈一樣，轉動嗰陣，幻彩倒影投射出星空印花，輕鬆營造一場光影盛會～仲要整套餐有幻彩玻璃碗碟及玻璃瓶、雙層幻彩玻璃杯等等，絕對滿足到唔同需要！

Photo from 百老滙

熱愛手沖咖啡嘅你，必選金屬手沖咖啡套裝等Miffy陪伴你左右～呢個夢幻咖啡壺真係超有質感！既然有靚到爆嘅手沖咖啡Set，當然唔少得靚咖啡啦！

Photo from 百老滙

百老滙亦聯乘本地精品咖啡品牌Cupping Room，為大家送上多款居家咖啡選擇！由新鮮烘焙咖啡豆，至滴漏咖啡包、咖啡及茶膠囊等等都有～即日起至2023年3月21日，喺百老滙選購指定牌子及型號嘅產品，仲免費送你指定「Cupping Room」咖啡禮品?～想要就要快手啦！數量有限㗎！

Photo from 百老滙

#喺浴室都享受到夢幻極光～

想心愛嘅Miffy蹤影處處，仲可以考慮換領全套幻彩浴室系列令空間整齊俐落之餘，又夢幻感十足。各款收納單品同樣擁有幻彩效果，滿足大家嘅少女心！用嚟擺放化妝棉、飾物、護膚品都非常適合㗎！

Photo from 百老滙

#Fashion Walk Miffy可愛打卡位＋玩遊戲換限量Miffy精美吊飾！

想親親Miffy，仲可以去埋銅鑼灣Fashion Walk地下中庭及百德新街嘅大型Miffy聖誕裝置，以流星同雲嘅元素配合幻彩光影主題～全長50米嘅北歐聖誕走廊，木製拱門以及2米高聖誕樹都勁適合打卡！記得玩埋「Star Catching捕捉流星小遊戲」，同用會場限定版Miffy Facebook、Instagram拍攝濾鏡同Miffy合照留念並上傳同好友分享，再到鄰近百老滙（恒隆中心分店）完成簡單小任務後，仲可以免費換限量「Make A Wish With Miffy」精美吊飾～

詳情：https://bit.ly/3guGn4z

Photo from 百老滙