李泳豪暗指李泳漢爆料勁不忿,大孖無奈回應!李家鼎處理家事心力交瘁

李泳豪暗指李泳漢爆料勁不忿,大孖無奈回應!李家鼎處理家事心力交瘁

娛樂新聞
By Jennifer on 08 Dec 2022
Digital Editor

施明喺家中跌倒受傷,情況嚴重需入ICU。細仔李泳豪接受訪問時發火暗指係孖生哥哥李泳漢爆料,更叫對方唔好講咁多嘢!而大孖李泳漢則平靜回應細佬,爸爸鼎爺亦力撐大仔,不過佢坦言自己得知前妻入院都徹夜難眠。

施明喺家中跌倒受傷,情況嚴重需入ICU。細仔李泳豪接受訪問時發火暗指係孖生哥哥李泳漢爆料Photo from TVB

施明受傷入院,李泳豪怒極暗指哥哥放料

現年71歲嘅施明日前喺屋企跌倒,由於頭部受傷情況緊急,現時留醫ICU。施明受傷消息傳出,外界指媽媽受傷後李泳豪仲同老婆一同出席活動,面色如常,又影合照放閃,似乎唔係太重視媽媽受傷呢件事,有唔少批評聲音。

現年71歲嘅施明日前喺屋企跌倒,由於頭部受傷情況緊急,現時留醫ICU。Photo from 李泳豪IG

媽媽受傷後李泳豪仲同老婆一同出席活動,面色如常被網民批評Photo from TVB

李泳豪與太太影合照放閃Photo from TVB

成為「眾矢之的」嘅李泳豪接受娛樂新聞台訪問時卻爆seed回應,更將矛頭直指孖生哥哥李泳漢,暗示佢就係爆料人。佢表示自己同爸爸鼎爺本身想低調處理,但有人放料畀傳媒知媽媽受傷嘅事令佢相當憤怒。

李泳豪接受娛樂新聞台訪問時卻爆seed回應,更將矛頭直指孖生哥哥李泳漢,暗示佢就係爆料人。Photo from 李泳豪IG

李泳豪表示自己同爸爸鼎爺本身想低調處理,但有人放料畀傳媒知媽媽受傷嘅事令佢相當憤怒。Photo from 李泳豪IG

李泳豪句句有骨

李泳豪指:「我同鼎爺不嬲都話家事呢啲嘢唔會講,但有人就咁講咗出嚟,之後就好多謠言滿天飛,所以有啲人真係唔好再講嘢。」被問到有無同哥哥聯絡,李泳豪表示:「我唔需要同佢聯絡,佢亦無同我聯絡,我能夠叫佢做嘅,就係唔好講咁多嘢!」

李泳豪表示:「我唔需要同佢聯絡,佢亦無同我聯絡,我能夠叫佢做嘅,就係唔好講咁多嘢!」Photo from TVB

李泳豪指:「我同鼎爺不嬲都話家事呢啲嘢唔會講,但有人就咁講咗出嚟。」Photo from 李泳豪IG

主持人問佢係咪即係哥哥爆料,李泳豪似有所指:「呢啲我相信觀眾明就會明㗎喇,其他人睇到都知咩事!我淨係想講佢唔女好講咁多嘢。」李泳豪亦解釋佢喺媽媽入院後如常出席活動因為佢係藝人,又一早應承咗人哋會出席,另外佢亦唔想外界知道媽媽受傷一事,所以一直表現到好似咩事都無咁。

主持人問佢係咪即係哥哥爆料,李泳豪似有所指:「呢啲我相信觀眾明就會明㗎喇,其他人睇到都知咩事!」Photo from TVB

李泳豪亦解釋佢喺媽媽入院後如常出席活動因為佢係藝人Photo from TVB

李家鼎為大孖李泳漢澄清

李泳豪公開質疑係哥哥放料,兄弟不和浮面。不過爸爸李家鼎就為大仔澄清指一定唔係阿漢講出去,力撐對方唔會咁做。對於李泳豪不滿哥哥鼎爺則指呢啲家事佢會處理。前妻入院後鼎爺亦相當擔心,佢坦言自己都4點先瞓。

李泳豪公開質疑係哥哥放料,兄弟不和浮面。不過爸爸李家鼎就為大仔澄清指一定唔係阿漢講出去,力撐對方唔會咁做。Photo from 李泳豪IG

前妻入院後鼎爺亦相當擔心,佢坦言自己都4點先瞓。Photo from 李泳豪IG

被細佬指責嘅李泳漢就表示鼎爺已為佢澄清並非佢爆料:「佢(李泳豪)仲要咁講我都無辦法。」佢指唔想兩兄弟隔空對話:「佢(李泳豪)鍾意點講就點講。」又指近日有好多傳媒搵佢,佢全部都無回應,現階段只想媽媽無事,其他嘢唔想再講。

被細佬指責嘅李泳漢就表示鼎爺已為佢澄清並非佢爆料:「佢(李泳豪)仲要咁講我都無辦法。」Photo from 李泳豪IG

李泳豪否認媽媽施明同太太不和

其實之前李泳豪婚禮,媽媽施明同哥哥李泳漢都無出席,當時就有指施明不滿新抱Agnes年紀大屬高齡產婦,但李泳豪就表示根本無婆媳不和,兩人相處無問題。

其實之前李泳豪婚禮,媽媽施明同哥哥李泳漢都無出席Photo from TVB

有指施明不滿新抱Agnes年紀大屬高齡產婦,但李泳豪就表示根本無婆媳不和Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

劉嘉玲關之琳合照挽手重歸於好!好姊妹曾因關之琳前夫反目5年?!

15 Aug 2022

廣告
廣告

劉嘉玲、關之琳兩人曾經係好朋友,但2015年傳出佢哋因富商陳泰銘而反目,一度斷絕來往。不過近年劉嘉玲、關之琳關係緩和唔少,兩人同場出席丁子高生日派對,更影下大合照,顯然早已破冰!

劉嘉玲、關之琳兩人曾經係好朋友Photo from 劉嘉玲 IG

2015年傳出關之琳與劉嘉玲因富商陳泰銘而反目,一度斷絕來往。Photo from 關之琳 IG

劉嘉玲、關之琳同場出席丁子高生日party

劉嘉玲有份參演嘅《明日戰記》喺內地上映,不過主演中只有古天樂出席宣傳活動,劉嘉玲現時身在香港,閒時不忘行山,生活相當寫意。

劉嘉玲有份參演嘅《明日戰記》喺內地上映Photo from 劉嘉玲 IG

佢近日出席丁子高42歲生日party,同場仲有港姐冠軍劉倩婷李丞責夫婦、上山詩鈉、顧紀筠等,仲有關之琳,劉嘉玲同關之琳罕有同場即時成為外間焦點!

劉嘉玲近日出席丁子高42歲生日partyPhoto from 丁子高 IG

劉嘉玲同關之琳罕有同場即時成為外間焦點!Photo from 丁子高 IG

罕有親密挽手盡顯友好關係

其實早前呂良偉夫婦舉辦嘅「牛仔很忙」派對兩人都有份出席,不過就未有一齊影大合照,而喺丁子高生日party上劉嘉玲同關之琳唔單止同場,大合照時劉嘉玲更搭住關之琳膊頭,右手又親密挽住對方手臂,感情應該好好!

早前呂良偉夫婦舉辦嘅「牛仔很忙」派對兩人都有份出席Photo from 呂良偉 微博

不過劉嘉玲就未有影大合照Photo from 呂良偉 微博

喺丁子高生日party上劉嘉玲同關之琳唔單止同場,大合照時劉嘉玲更搭住關之琳膊頭,右手又挽住對方手臂Photo from 丁子高 IG

因關之琳前夫陳泰銘,兩人反目5年?!

劉嘉玲與關之琳相識超過20年,向來份屬好閨蜜,但有傳因為因富商陳泰銘令一對好姊妹漸行漸遠。2015年關之琳公開宣佈已與陳泰銘離婚,雖然之前早有緋聞傳出但屢遭否認,因此關之琳突然自爆離婚即掀起網民熱議。

2015年關之琳公開宣佈已與陳泰銘離婚Photo from Sotheby's FB

劉嘉玲與關之琳隔空對話超有火藥味

喺關之琳自爆離婚前不久熱愛行山嘅劉嘉玲就同陳泰銘結伴行山,而關之琳對好友與前夫一齊行山十分介意,坦言佢哋都係成年人:「他們沒有想過其他人的感受。」但劉嘉玲聞言就表示根本唔知關之琳結婚同離婚,仲直言:「其實唔係咁best friend啦!」

關之琳對好友與前夫一齊行山十分介意,坦言佢哋都係成年人:「他們沒有想過其他人的感受。」Photo from 東森新聞

劉嘉玲表示根本唔知關之琳結婚同離婚Photo from 東森新聞

劉嘉玲直言:「其實唔係咁best friend啦!」Photo from 中天新聞

自此兩人正式反目,姊妹情不再。但同為活動常客嘅劉嘉玲同關之琳難免會同場出現,曾有傳媒問關之琳見到劉嘉玲會唔會覺得尷尬,關之琳即回應對方應該會尷尬啲,而劉嘉玲亦不甘示弱反擊指自己堂堂正正,根本唔需要避嫌。

同為活動常客嘅劉嘉玲同關之琳難免會同場出現,曾有傳媒問關之琳見到劉嘉玲會唔會覺得尷尬,關之琳即回應該對方會尷尬啲Photo from 關之琳 IG

2020年劉嘉玲公開破冰世紀大合照

正當外界以為佢哋會由好姊妹變陌路人時,2020年劉嘉玲突然喺IG post出與關之琳嘅世紀大合照,又於Story公開好友嘅獨照,兩人關係正式破冰,相信重拾往日閨蜜情只係時間問題。

2020年劉嘉玲突然喺IG post出與關之琳嘅世紀大合照Photo from 劉嘉玲 IG

劉嘉玲於Story公開好友嘅獨照Photo from 劉嘉玲 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel