download HolidaySmart 假期日常 app
內地數學天才北京大學畢業做和尚!出家12年還俗成功搵到女朋友

內地數學天才北京大學畢業做和尚!出家12年還俗成功搵到女朋友

時事熱話
By Jennifer on 12 Dec 2022
Digital Editor

內地數學天才柳智宇曾獲奧數滿分,之後更保送北京大學數學系。不過呢位數學天才放棄美國麻省理工學院全額獎學金,大學畢業後就出家做和尚。出家12年佢宣佈還俗,更於近日公開戀情,成為熱話。

內地數學天才柳智宇曾獲奧數滿分,之後更保送北京大學數學系。Photo from 柳智宇微博

內地數學天材柳智宇奧數滿分保送入北京大學

1988年出生嘅柳智宇喺2005年、2006年均代表中國參加國際數學奧林匹克,更曾以滿分成績取得金牌,數學成績極佳嘅柳智宇之後獲保送到北京大學數學系,中學畢業後佢就入讀北大。

1988年出生嘅柳智宇喺2005年、2006年均代表中國參加國際數學奧林匹克,更曾以滿分成績取得金牌Photo from 微博

數學成績極佳嘅柳智宇之後獲保送到北京大學數學系,中學畢業後佢就入讀北大。Photo from 微博

能夠成功入讀名校北京大學可能係好多人嘅夢想,而柳智宇於2007年起就會喺課餘時間去寺廟做義工,又到處拜訪高僧,比起鑽研數學,柳智宇似乎更享受寺廟嘅生活。

柳智宇於2007年起就會喺課餘時間去寺廟做義工,又到處拜訪高僧Photo from 柳智宇微博

放棄麻省理工學院獎學金,柳智宇出家做和尚

不過佢喺學校嘅成績依然十分優秀,之後更獲得麻省理工學院嘅獎學金。但最終柳智宇放棄出國深造嘅機會,大學畢業後佢成為北京西山腳下嘅龍泉寺修行居士,到2010年柳智宇正式出家。

大學畢業後佢成為北京西山腳下嘅龍泉寺修行居士,到2010年柳智宇正式出家。Photo from 柳智宇微博

數學天才出家做和尚曾成為當年熱話,唔少人都大為惋惜,甚至連柳智宇父母都無法理解兒子嘅選擇。喺出家修行期間,柳智宇仲參與《南山律典校釋》出版工作,出家12年後,柳智宇於2022年初宣佈還俗。

出家12年後,柳智宇於2022年初宣佈還俗。Photo from 柳智宇微博

出家修行期間,柳智宇仲參與《南山律典校釋》出版工作Photo from 柳智宇微博

出家12年還俗後主張唔買車唔買樓,柳智宇主動降薪做心理咨詢

雖然回歸塵世,但柳智宇還俗當時就表示唔會買車買樓,亦無意結婚生仔,佢之後加入心理咨詢公司,有指當時老闆承諾以月薪3萬聘請佢,但柳智宇認為公司仍係創業初期,於是主動要求降薪至2萬。柳智宇嘅舉動令唔少人大為不解,但有人覺得佢剛「回到紅塵」,所以仲視錢財如糞土。

雖然回歸塵世,但柳智宇還俗當時就表示唔會買車買樓,亦無意結婚生仔Photo from 柳智宇微博

柳智宇之後加入心理咨詢公司Photo from 柳智宇微博

柳智宇認為公司仍係創業初期,於是主動要求降薪至2萬Photo from 柳智宇微博

柳智宇公開戀情,指女友係出家時認識

近日柳智宇公開佢嘅戀愛消息,佢表示自己還俗後有好多人關心佢嘅感情狀況,柳智宇透露女朋友亦係學佛嘅,兩人喺柳智宇出家期間相識,但當時大家無咩交流,直到柳智宇還俗後佢哋開始互相了解,之後柳智宇主動同女方表白:「我覺得你很好,你願不願意我們相處試試看。」

近日柳智宇公開佢嘅戀愛消息Photo from 柳智宇抖音

柳智宇透露女朋友亦係學佛嘅,兩人喺柳智宇出家期間相識Photo from 柳智宇微博

柳智宇表示兩人中女友比較多嘢講,自己比較靜,但佢大讚女友好識照顧人,目前兩人已經見過家長,更有結婚打算!之前佢曾指唔會生BB,不過拍咗拖,佢稱都要考慮女友嘅意願。

柳智宇表示兩人中女友比較多嘢講,自己比較靜,但佢大讚女友好識照顧人Photo from 柳智宇微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地和尚於抖音瘋狂Like5萬張美女照!網民笑稱:大師果然係男人!過往推崇靜心生活/大晒書法作品

4 May 2022

現今科技發達,差唔多個個人都會擁有一個社交平台嘅帳號,就連心無雜念嘅和尚都係「低頭族」~最近內地一位和尚「宣城師傅」就開設咗抖音帳號,但就被網民發現佢瘋狂「讚好」多達5萬張美女照片!

社交媒體當道!內地一名和尚最近都開咗抖音帳號~Photo from 《請別在病房裡誦經》劇照

內地和尚都開設抖音帳號

內地安徽宣城一名和尚「宣城師傅」最近開設咗抖音帳號,希望可以透過網上直播為大家帶來「平靜和平」~根據網上照片,「宣城師傅」經常都身穿袈裟,閱讀書本,喺繁忙嘅生活中都必須要靜心,並附上「#生活一半煙火一半清歡」、「#做大事要瀟灑一點」等,心境保持平和!

「宣城師傅」過往經常都會分享靜心悠閒嘅生活~Photo from 宣城師傅抖音

大晒書法作品及宣揚平靜生活

翻查「宣城師傅」嘅抖音帳號,只見佢偶然會大晒書法作品以及直播,仲上載咗幾張「對鏡自拍」嘅照片,十分搞笑~不過當大家睇到佢「讚好」過嘅post後,就即刻畫風突變!

佢仲會大晒書法作品以及自拍照,生活樸素Photo from 微博

卻被網民發現狂 like 5萬張美女照!

網民發現「宣城師傅」讚好接近5萬張美女照,當中包含各式各樣嘅服裝風格:學生妹、Cosplay、貼身短裙等,可以話係包羅萬有!睇嚟師傅鍾意嘅女仔類型都幾廣泛~

然而,「宣城師傅」就被網民發現瘋狂like美女照,仲足足有5萬張咁多!Photo from 微博

網民搞笑留言

唔少網民發現後,都紛紛湧入「宣城大師」嘅抖音帳號內留言「大師什麼都放下了,就是放不下抖音!」、「斷了情絲,卻斷不了黑絲」等留言;有男網民亦對此深表理解「大家都是男人,我們明白的」,非常爆笑~

網民發現後都融入大師嘅抖音帳號留言!Photo from 宣城師傅抖音

部份網民都表示深表同情,明白佢作為和尚依然難免會睇下女仔!Photo from 宣城師傅抖音

「宣城師傅」嚇到清空所有讚好貼文!

「宣城師傅」隨即清空like過嘅所有post「大師足足花了3個小時把讚取消掉」,而唔少網民仲假扮師傅,導致現時有多個假冒帳號,而抖音官方亦暫時屏蔽搜尋「宣城師傅」嘅功能!部份網民亦質疑今次事件可能係炒作,只係大師為咗提升大眾關注度。

暫時「宣城師傅」已經清空晒like過嘅照片!Photo from 微博

有唔少網民就搞怪咁假扮師傅Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel