肥媽誤信朋友炒股輸5000萬經歷喪夫後寄情工作下月開騷銷情未如理想?

By jack on 13 Dec 2022

Digital Content Writer

肥媽（Maria Cordero）於2016年舉行《友誼長存30週年香港演唱會》後宣布退休，相隔6年，她決定復出重返紅館開騷。肥媽接受傳媒訪問自爆退休期間炒股輸掉接近5000萬，加上當時老公患病需要負擔龐大醫藥費，所以近年要密密工作賺錢，自言不敢再輕易說退休。

Photo from 肥媽 FB

經歷喪夫後寄情工作明年開紅館騷

肥媽在2016年舉行告別演唱會後，原本打算與老公享受退休生活，怎料老公於2017年確診患上末期肺腺癌，抗癌3年離世，經歷喪夫之痛，肥媽情緒一度不穩，不過堅強的她近年已漸漸走出陰霾，密密工作，主持不同飲食節目及登台表演，她更宣布明年重返紅館舞台，在1月27-28日農曆新年期間，連開兩場《2023肥媽面對面演唱會》，亦是繼Eason、MC後，明年第3人在紅館開騷，門票於本月頭開售，票價為880、580及280，不過早前有報道指肥媽演唱會門票銷情未如理想，至今仍大量有售。

Photo from ma-maria

Photo from mama_maria_cordero IG

誤信朋友輸掉4000多萬

日前肥媽接受傳媒訪問自爆，2016年舉行告別演唱會時，手持4、5千萬現金，加上有不少物業在手，認為是時候退休好好享受生活，其後有朋友介紹她投資一隻與電燈有關的香港科技股，該朋友更自信地向她說：「衰咗我賠返畀你」，肥媽相信朋友，一口氣投資5千萬，怎料該股票暴跌，肥媽表示當時正在拍攝飲食節目，看著該股票由8蚊急跌至8毫，再變8仙，心情忐忑，最後肥媽輸剩200萬賣出，而該股票則停了牌，那位朋友亦破產收場。當時肥媽老公更身患重病，醫藥費亦花了她數百萬元，所以只好繼續工作賺錢，肥媽明白到上天要她繼續工作，所以不會再輕易說退休了。

Photo from 《中年好聲音》

Photo from mama_maria_cordero IG

一早買樓上岸炒燶股票仍影響不大

雖然肥媽投資股票失利輸掉大筆金錢，不過她早年賺錢買下的物業都全部供滿，加上近年亦接下不少工作，所以生活穩定，沒有太大壓力。現年69歲的肥媽有8名子女，17個孫、2個曾孫，而且子女及孫兒都分別住在不同國家，如英國、美國、澳洲等，據指她早年已在海外各地買下不少物業，打算退休後與老公環遊世界及探孫，可惜事與願違，退休後老公不幸離世。肥媽透露已寫下遺囑，會將海外物業分給孫仔孫女。

Photo from 肥媽 FB

重返豪華沙巴別墅觸景傷情

近日肥媽在YouTube分享一段重遊位於馬來西亞沙巴別墅的影片，她表示過去3年受疫情影響，一直未能回去馬來西亞，如今重遊故地，別有一番感觸，她首先向觀眾介紹別墅內部環境，可見地方闊落，有一個超大客廳及開放式廚房，露台更設有一個小型泳池，令人羨慕。肥媽想起與老公周遊列國的日子，感觸落淚，概嘆以往有老公陪伴在身邊，老公離世後一個人生活不太習慣，不過亦感謝有觀眾一直支持她。

Photo from 肥媽 Maria Cordero YouTube

Text: HolidaySmart Editorial（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

肥媽自爆退休一個人搬返大陸住，力撐契仔陸浩明有才華唔怕冇job！網民：咁鍾意食淡水魚生，啱晒佢喇！

2 Mar 2021

早前正式以 TVB 高層身份回歸嘅曾志偉一回巢就即時全面整頓余詠珊及何哲圖嘅職務，而當年跟隨余詠珊過檔嘅藝人陸浩明、黃翠如、洪永城等亦有機會受到影響，近日就有傳陸浩明（6 號）有份主持嘅《後生仔傾吓偈》將會係繼《聲夢傳奇》後，另一個被嗌停嘅節目，個個人心惶惶。但 6 號除咗主持依個節目外，佢仲有同肥媽合作飲食節目《食平D》系列，仲因此上埋契成為「母子」。肥媽日前出席活動時就力撐契仔，更指自己唔擔心自己會受到影響。

喺活動中肥媽透露自己喺大陸已有 5 個物業揸手，並計劃退休後一個人自住，部份就送畀子孫。而喺 5 個單位中，其中一個 1000 呎嘅頂樓連天台單位肥媽就係留畀自己住嘅，將來退休後就可以喺天台種菜，但肥媽就講明唔會同子女一齊住︰「我不會和仔女住，相見好同住難。從前計劃退休後和老公去住，現在老公離開了，我會一個人去住」。

而被問到自曾志偉回巢後，即不斷改革綜藝及音樂節目，怕唔怕影響到自己時，佢更坦言自己只係煮飯，並不擔心變動會影響自己：「「我煮飯咋嘛 ﹗他回巢是好事。」佢仲大讚志偉回巢係好事嚟，指佢令無綫同四大唱片行破冰，令音樂節目上嘅歌單會更豐富，TVB 將來嘅發展會更好。

Photo from 鄭裕玲/IG

而提到契仔 6 號時被歸類為余詠珊黨，肥媽即力撐 6 號並指佢係自己嘅「黨羽」先啱：「佢點會係余詠珊嗰黨？應該冇分嘅，唔使擔心佢，有才華做嘢交到功課就得，志偉都係唯才是用，又唔係余詠珊出糧，係TVB出糧嘅。而家都好多亞視嘅人過去，煒哥（陳煒）都係亞視人，唔通又有『亞視黨』咩，TVB都係睇工作表現。」