潮流文化愛好者必知!滙豐元宇宙藝術館同大家齊齊藝想大開~楊學德/黃炳/飛天豬作品率先登場~嶄新數碼視角超驚喜!

潮流文化愛好者必知!滙豐元宇宙藝術館同大家齊齊藝想大開~楊學德/黃炳/飛天豬作品率先登場~嶄新數碼視角超驚喜!

生活熱話
By Twinky Chan on 14 Dec 2022
Project Editor

元宇宙、NTF熱潮席捲全球,更衍生出唔同虛擬遊戲及體驗等創新產業!若然藝術文化遇上元宇宙,又會擦出點樣嘅火花呢?一向全力推動數碼化並支持本地藝術創作嘅滙豐最近推出元宇宙藝術館,擁抱「藝想大開」嘅理念,以嶄新數碼視角為大家打開香港藝術與文化之門!整個元宇宙藝術館由入口設計到展廊外形設計都科技感十足,彷如走進多重宇宙!當中最矚目莫過於本地3大知名藝術家:楊學德、黃炳、飛天豬率先登場,更大玩新數碼科技技術~一眾潮流文化愛好者,點可以錯過呢?即刻睇埋落去啦~

 

#Open to Art~不能錯過嘅沉浸式網上體驗

滙豐一直深明藝術同文化能為大家嘅生活賦予正能量,繼早前喺尖沙咀聯同數碼媒體創作者Henry Chu,設立大型戶外廣告,等大家可以用最新嘅裸眼3D技術欣賞草間彌生嘅招牌南瓜作品,再度帶嚟新鮮嘅虛擬藝術展覽,以沉浸式網上體驗, 令大眾擁抱滙豐 #OpenToArt 嘅理念,同時突顯藝術嘅包容性?

 

而一走入藝術與科技結合嘅元宇宙藝術館,即時見到時代感十足嘅Main Hub,日與夜都會呈現唔同效果,咁大家就不受時地限制都可以欣賞到唔同本地作品啦!

整個元宇宙藝術館由入口設計到展廊外形設計都科技感十足,彷如走進多重宇宙Photo from HSBC

 

#一次過睇哂楊學德+黃炳+飛天豬作品~讓畫作跳出畫框

元宇宙藝術館其中一個亮點,非支持本地創作嘅「本地藝術家展館」莫屬~而第一階段,率先邀請到3位香港知名本地藝術家飛天豬、黃炳以及楊學德,展出佢哋9幅標誌性作品俾大家盡情發掘~

本地藝術家展館 ,打頭陣有本地3大知名藝術家作品,包括有飛天豬(上)、黃炳(右下)以及楊學德(左下)!Photo from HSBC

而最特別嘅係採用嶄新數碼技術再配合科技,令2D平面畫作跳出畫框,演變成充滿立體感,活潑又可以郁動嘅互動裝置!仲要每個作品所演繹嘅形態都唔一樣~好似行近插畫家飛天豬Flyingpig嘅作品,畫中嘅物品會跳出嚟包圍住你;走近充滿濃濃香港味道嘅楊學德畫作,畫中嘅一物一樹好似動畫一樣生動起嚟!呢種多媒體與以往平面畫作交替嘅體驗真係充滿驚喜,大家唔好錯過呀!

採用嶄新數碼技術,令2D平面畫作跳出畫框,充滿立體感!Photo from HSBC

 

#穿梭1000個超得意Avatar

喺充滿科技感嘅元宇宙,一個虛擬化身(Avatar)絕對係少不了!喺HSBC Gallery,可以一次過睇到滙豐較早前創作嘅1000個超得意又有型嘅Avatar,而穿梭之中,部分Avatar會由2D演變成3D投射,你仲可以同佢哋喺虛擬世界互動?

HSBC Gallery會展出1000個得意又有型嘅Avatar~Photo from HSBC

 

#自訂獨特Avatar漫遊元宇宙藝術館~

若然你想自建屬於自己嘅Avatar虛擬人物漫遊元宇宙藝術館一樣無問題!大家可以喺設定頁內見到自訂個人Avatars選項,由髮型、服裝配件等可以選擇,保證大家一定整到一個Mini Me~大家仲可以同你哋好友喺藝術館內互動,真係好好玩!

大家可以自建屬於自己嘅Avatar~Photo from HSBC

由髮型、服飾等可以自訂個人選擇~)Photo from HSBC

 

咁新鮮又驚喜嘅體驗,仲唔快啲去漫遊元宇宙藝術館:http://grp.hsbc/MetaverseGallery-HolidaySmart

 

Text: HolidaySmart editorial
Photo source: HSBC
Featured for: HSBC 

 

*本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel