download HolidaySmart 假期日常 app
馬航MH370失蹤客機新發現!尋獲飛機零件證實陰謀論係真相?!

馬航MH370失蹤客機新發現!尋獲飛機零件證實陰謀論係真相?!

時事熱話
By Jennifer on 16 Dec 2022
Digital Editor

馬來西亞航空MH370號班機於2014年離奇消失,機上239名機組人員以及乘客就此失蹤。事隔8年,有漁民尋獲疑似MH370飛機零件,或可證實飛機消失並非意外,更能印證其中一個「陰謀論」可能係事實?!

馬來西亞航空MH370號班機於2014年離奇消失Photo from National Geographic UK

2014年馬來西亞航空MH370號航班突然消失

2014年3月8日馬來西亞航空MH370號航班於凌晨零時41分喺吉隆坡國際機場起飛,前往北京。但起飛後不足一小時MH370航班就失去聯繫,機上239人至今仍然杳無音信。而客機宣佈失聯10個月後,馬來西亞民航局代表馬來西亞政府正式確認航班失事,機上239人由「失蹤」改為「全數罹難」。

起飛後不足一小時MH370航班就失去聯繫,機上239人至今仍然杳無音信。Photo from National Geographic TW

客機宣佈失聯10個月後,馬來西亞民航局代表馬來西亞政府正式確認航班失事Photo from TVB

馬航MH370失蹤事件疑點重重

不過MH370失事原因、失事海域等仍未有官方確認消息,加上飛機失事前後疑點重重,令MH370失蹤事件越發神秘。有指航班飛至馬來西亞同越南交接處時,機組人員突然關閉包括應答器在內嘅所有通訊設備,而喺失蹤前航班並未發出任何求救信號。不過機上嘅衛星通訊紀錄顯示航班一共向衛星發出8次通訊。

有指航班飛至馬來西亞同越南交接處時,機組人員突然關閉包括應答器在內嘅所有通訊設備Photo from National Geographic UK

飛機失事前後疑點重重Photo from National Geographic TW

尋獲疑飛機零件,推測起落架於出事一刻呈放下狀態

事隔8年馬航MH370失事原因依然不明,但喺12月12日英國工程師Richard Godfrey聯同Blaine Gibson發表一份報告,報告指出有馬達加斯加漁民於岸上執到疑似飛機「起落架艙門」嘅部分零件,懷疑馬航MH370失事係人為!

報告指出有馬達加斯加漁民於岸上執到疑似飛機「起落架艙門」嘅部分零件Photo from National Geographic TW

有關零件有4個由內向外、平行嘅切口,切口可能係飛機失事時受到巨大衝擊解體,由內到外穿透艙門而造成,推測飛機出事瞬間起落架係放低咗,喺飛機失事當時應該有至少一名飛行員操作飛機。

疑似「起落架艙門」嘅部分零件Photo from Daily Mail

推測飛機出事瞬間起落架係放低咗Photo from National Geographic TW

飛機失事當時應該有至少一名飛行員操作飛機Photo from National Geographic TW

馬航MH370失事或是人為

報告指出飛行員接受嘅培訓中,當飛機必須緊急迫降水面上時應盡量避免放起落架,因為起落架會增加飛機解體嘅風險,而且加速飛機下沉,令機上乘客逃生時間大大縮短,倖存者生還機會渺茫,因此馬航MH370航班失事極有可能係有人故意造成。

起落架會增加飛機解體嘅風險,而且加速飛機下沉,令機上乘客逃生時間大大縮短Photo from National Geographic TW

馬航MH370航班失事極有可能係有人故意造成。Photo from National Geographic

印證飛機失事係機長策劃嘅「陰謀論」係真相?!

MH370航班失事一直都傳出唔同嘅「陰謀論」,而機長Zaharie Ahmad Shah最為可疑,馬來西亞當局曾證實機長家中嘅飛行模擬器中曾模擬過疑似失事嘅路線,但機師用飛行模擬器應對突如其來嘅轉變一啲都唔出奇,唔足以認定機長係主謀。

機長Zaharie Ahmad Shah最為可疑Photo from TVB

馬來西亞當局曾證實機長家中嘅飛行模擬器中曾模擬過疑似失事嘅路線Photo from TVB

不過今次嘅報告就指出MH370機長及副機長都擁有豐富嘅駕駛經驗,唔應該連海上降落不應放起落架呢啲「常識」都唔知,報告更直指飛機失事係經驗豐嘅飛行員故意為之,目的係確保飛機失事後會以最快速度沉沒。不過報告亦表示飛機放低起落架亦有機會係機械故障,未必係關飛行員事。

報告更直指飛機失事係經驗豐嘅飛行員故意為之,目的係確保飛機失事後會以最快速度沉沒Photo from National Geographic TW

報告亦表示飛機放低起落架亦有機會係機械故障,未必係關飛行員事。Photo from National Geographic TW

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬航MH370失蹤客機發現新進展!事隔8年尋獲失事海域?曾盛傳有2大陰謀

25 Mar 2022

世界上有唔少不可思議嘅事件,當中有部分仲有可能成為不解之謎。馬來西亞航空MH370號班機於2014年離奇失蹤,機上239名機組人員以及乘客都未能尋獲,搜救期間甚至搵唔到任何飛機零件,非常奇怪!

馬來西亞航班MH370於2014年3月8日突然失聯,機上239人從此消失!Photo from MH370 global searching and rescue @FB

# 馬航MH370 於2014年離奇消失?!

2014年3月8日,馬來西亞航空MH370班機由吉隆坡飛往北京,而飛行途中卻突然與航空管制塔失去聯繫,有指飛機曾突然於超高空飛行、轉體300度可疑飛行動作等。據悉,當時嘅機師及副機師都擁有豐富嘅駕駛經驗,起飛前飛機亦通過所有安全測試。

MH370飛行大概1小時就突然失去聯絡!Photo from National Geographic TW @ YouTube

馬航MH370失聯後改變航行方向,行蹤可疑!Photo from Forbidden Files @ YouTube

# 當年多次搜尋都不見蹤影!

根據新聞資料顯示,每個飛機都有應答器,當輔助雷達發送訊息時會主動作出回應;但當時該航班上嘅應答器卻停止運作,令大家都認為係機組人員關閉咗機上嘅通訊設備!事件發生後,馬來西亞曾多次於失聯海域大幅搜尋,但都未有任何發現,最終當局認定全機人已經不幸罹難!

當時當局立刻派人大幅搜尋,但都未有問到任何有關航班嘅東西!Photo from National Geographic TW @ YouTube

2015年曾尋獲機身碎片,但因為太小而未能確認。Photo from National Geographic TW @ YouTube

# 事故發生後曾發現不明飛機?

然而,唔少人都認為事件似乎疑點重重,需要時間釐清實情。國際上規定若果有航機失蹤就必須立刻通報,然而當局卻喺失聯嘅6小時後先對外宣佈,有可能錯失救援良機;而事發4日後,馬來西亞上空曾偵測到不明飛機於馬來半島掠過,但又消失咗!

當時有關紀綠片,就指馬航MH370失聯後有可能航行咗7小時直到燃料耗盡!Photo from National Geographic TW @ YouTube

# 衛星系統顯示8次通訊紀錄

雖然MH370失聯時通訊設備已關上,不過機上嘅衛星通訊紀錄依然有保存。經翻查後發現,失聯當下衛星系統曾一度消失,不過3分鐘後再次連上,並搵到航班一共向衛星發出8次通訊,有2次係呼叫紀錄,但機組人員們都冇任何回覆!

翻查衛星紀錄,MH370曾發出8次訊號,但聯繫機組人員卻冇回覆!Photo from TVB

# 最新發展公開,推測到航班失事位置!

直到上年,英國工程師戈佛雷(Richard Godfrey)嘗試利用新晉科技追查MH370當日去向,認為航班大機會於南印度洋失事,呼籲各方加派人手徹底搜尋該海域!希望能夠儘快俾家屬們一個交代,還佢哋一個心願!

上年,英國工程師戈佛雷推測MH370客機殘骸可能流落於南印度洋!Photo from Sunrise news

認為只要徹底搜查將會好快搵到機身殘骸!Photo from National Geographic TW @ YouTube

# 馬航MH370陰謀論,引外界揣測!

MH370航班一直都傳出幕後有「陰謀論」,曾經有人提出最可疑嘅係機長Zaharie Ahmad Shah,但當局曾調查機長財政及通話紀錄都完全冇可疑,認為佢唔會因此而劫機!而失聯後嘅航線亦同佢過往訓練嘅有重疊,但機師本來就會模擬多條航行路線以應對突如其來嘅轉變。

 馬航MH370曾調查當日嘅機師,但並冇發現任何可疑地方。Photo from CNN news

# 有2位乘客用假身份登機?!

另外,當局後來發現機上有2位乘客係手持假護照登機,部分網民不禁猜測係咪同二人有重大關聯?!但經仔細調查後,發現佢哋都只係為咗尋求庇護先利用假身份,未有查到可疑。

其中有2位乘客用假護照登機,引起網民熱議!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel