download HolidaySmart 假期日常 app
港女食Omakase埋單$2028呻中伏,不滿食材廉價有魚蛋蘿白、賣相參差

港女食Omakase埋單$2028呻中伏,不滿食材廉價有魚蛋蘿白、賣相參差

時事熱話
By Jennifer on 16 Dec 2022
Digital Editor

近年香港唔少日式餐廳都有做Omakase,雖然價錢偏貴,但仍十分受歡迎!最近有網友喺網上分享佢去食Omakase,2位埋單$2028,但食材卻相當普通,佢質疑根本唔值呢個價錢,掀起熱議。網民紛紛表示其實賣相都好一般!

近年香港唔少日式餐廳都有做Omakase,雖然價錢偏貴,但仍十分受歡迎!Photo from 劇照

蔡瀾曾指Omakase「搵笨」?!

蔡瀾曾表示Omakase「當所有客人是笨蛋」,一度引起網民共鳴,不過都仲有好多港人會食Omakase。Omakase主打由廚師發辦,一般Omakase嘅份量唔算多,但食材多數都十分矜貴,因此價錢亦唔便宜。

一般Omakase嘅份量唔算多,但食材多數都十分矜貴,因此價錢亦唔便宜。Photo from 劇照

網民食Omakase呻中伏:食材廉價+賣相參差

近日有網民喺Facebook群組「飲食黑店大全(全港食店質素關注組)」發文,佢表示去咗食串燒omakase,收$888每位,其實呢個價錢喺Omakase十分正常,但食材卻令事主非常不滿。

有網民喺Facebook群組「飲食黑店大全(全港食店質素關注組)」發文,佢表示去咗食串燒omakase,收$888每位Photo from Facebook群組「飲食黑店大全(全港食店質素關注組)」

事主發帖稱:「完全無水準之餘,食材全部唔係上等食材,伏中之伏」,從佢公開嘅相片嚟睇,呢餐有疑似串燒鯖魚、雞翼等,但的確唔見有咩矜貴食材,其中仲有蘿蔔魚蛋、烚蛋加釀冬菇等「平民菜式」,隨即引起網友熱議。

疑似串燒鯖魚Photo from Facebook群組「飲食黑店大全(全港食店質素關注組)」

雞翼Photo from Facebook群組「飲食黑店大全(全港食店質素關注組)」

蘿蔔魚蛋Photo from Facebook群組「飲食黑店大全(全港食店質素關注組)」

烚蛋加釀冬菇?!Photo from Facebook群組「飲食黑店大全(全港食店質素關注組)」

除咗菜式夠「貼地」之外,網民亦指唔少菜式賣相十分一般,白子、蜆、蠔等感覺唔新鮮,仲有一碟疑似係「咖喱魚蛋」嘅菜式,甜品係紅豆牛奶布丁加燒菠蘿,事主表示:「埋單$2028/兩位,我究竟食咗啲乜?」、「全程加埋甜品total 12樣嘢,$200/位都唔值。吃了個教訓」

白子賣相一般Photo from Facebook群組「飲食黑店大全(全港食店質素關注組)」

蜆?!Photo from Facebook群組「飲食黑店大全(全港食店質素關注組)」

蠔嘅伴碟十分隨意Photo from Facebook群組「飲食黑店大全(全港食店質素關注組)」

甜品係紅豆牛奶布丁加燒菠蘿Photo from Facebook群組「飲食黑店大全(全港食店質素關注組)」

網民:200蚊放題仲好餸

唔少網友同情事主:「食200蚊放題都好餸過依到」、「去日本,厨師當你係貴客,在香港,厨師當你係羊牯」,有網民發現事主仲叫多咗礦泉水,收費$68,直言「好貴」!有網友認為Omakase應提供埋飲品:「另外一個亮點係咪嗰支礦泉水,人頭成九百幾連水都冇杯?」事主則回覆稱佢食飯習慣叫返支sparkling water,同餐廳無關。

唔少網友同情事主:「食200蚊放題都好餸過依到」Photo from Facebook群組「飲食黑店大全(全港食店質素關注組)」

有網民發現事主仲叫多咗礦泉水,收費$68,直言「好貴」Photo from Facebook群組「飲食黑店大全(全港食店質素關注組)」

似咖喱魚蛋Photo from Facebook群組「飲食黑店大全(全港食店質素關注組)」

事主表示佢睇到有關餐廳喺食評App有唔少好評先至book,翻睇資料餐廳好評同差評比例為「397:5」,咁多好評難怪事主會選擇呢間餐廳,佢亦指自己今次「吃了個教訓」。

事主表示佢睇到有關餐廳喺食評App有唔少好評先至bookPhoto from Facebook群組「飲食黑店大全(全港食店質素關注組)」

翻睇資料餐廳好評同差評比例為「397:5」Photo from 劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

上海餐廳推出「中式Omakase」!人均$2,500+份量少被批離地?網民反應兩極!

9 Mar 2022

近年,香港開設咗唔少日式Omakase嘅餐廳,不過價錢就偏貴,所以唔少人都講笑咁形容佢為「有錢人飯堂」~最近,一間位於上海嘅餐廳就創新推出「中菜Omakase」,唔單止價錢離地,而且份量亦離奇地少,惹怒一眾網民!

上海餐廳亦推出中餐Omakase,卻被狠批價錢、食物份量離地!Photo from 日劇《深夜食堂》

# 日式Omakase意思

相信大家都一定聽過「Omakase」,而呢個字係源於日文「おまかせ」亦即係代表信任;言下之意就係客人將選擇食物嘅主導權交俾廚師,由對方發辦利用擁有嘅食材炮製美味料理!大部分嘅日本Omakase餐廳都會以時令嘅魚生為賣點,份量唔算多,但食材絕對夠矜貴,係日本料理中比較昂貴嘅一類。

Omakase源於日本,亦稱為「廚師發辦」!Photo from 日劇《黑心居酒屋》

# 上海餐廳推出昂貴「中餐版Omakase」!

近日,位於上海嘅餐廳「頭灶」就推出全新主打嘅「中餐日作」,將上海菜同日本嘅「廚師發辦」混合埋一齊。據悉,暫時餐廳只提供晚餐,每日都只會接待10位食客,而且仲需要提前至少3至4個月預訂套餐;價錢亦當然非常「可觀」:2,000人民幣一位(約港幣2,500),另有加一服務費,令唔少網民都表示十分期待!

上海餐廳「頭灶」就推「中餐Omakase」;圖為廚師分配麻婆豆腐嘅照片!Photo from 微博

# 遭大量食客狠批?!

然而,有唔少曾經到訪過嘅食客就喺網上大吐苦水,批評食物份量、菜色等,指菜單上雖然有足足16道菜式,但就一定食唔飽!根據內地食評網站嘅評論,廚師煮完一道菜後,會先繞場一周,跟住再將食物分配俾在場嘅10位食客,網民講笑咁話「10個人分一道菜」、「餵狗式上菜法」等。

有嘗試呢個套餐嘅食客批評餐廳份量少、環境差!Photo from 大眾點評網站

曾到訪嘅食客都表示廚師每一次上菜前都會繞場一周,圖為脆皮雞上菜前模樣!Photo from 微博

# 食物份量極少,10個人分一道菜!

網民們狠批每道菜嘅份量都極少:「脆皮雞」就得一塊肉、「糯米飯」兩啖就食晒、「蔥爆龍蝦球」只有兩細舊等,質疑餐廳只係以Omakase作為噱頭,將套餐嘅價錢推高「呃錢」!

成隻脆皮雞只係分到一舊肉?!Photo from 微博

糯米飯大概兩啖就食完Photo from 微博

蔥爆龍蝦球嘅份量都唔多Photo from 微博

# 餐廳規矩多!

有食客仲表示餐廳為咗營造「高級餐廳」嘅氛圍,規矩非常多,唔允許發問或者大聲說話等,令在場嘅客人就算好餓都唔敢出聲「場面氣氛超壓抑」!

食客仲話餐廳規矩多多,唔允許客人周圍摸、發問等!Photo from 韓劇《HUSH》

# 內地網民反應兩極!

食客嘅評論瞬間令餐廳嘅菜式成為熱話,部份網民都批評餐廳嘅行為過分,「剩下的食材去那兒了?」、「吃完也寂寞」等,而且提供嘅食物都係超普遍嘅菜色,包括:麻婆豆腐、韮菜炒豬肉等,確實唔符合如此昂貴嘅價錢!

網民批評餐廳份量超少,好奇剩餘咁多嘅食材去咗邊?!Photo from 微博

# 部份網民大撐餐廳有創意!

相反,有網民就表示支持餐廳嘅創意,仲反駁「日本料理可以這麼貴,為什麼中餐不可以」;一方面覺得願意光顧餐廳嘅客人本身就知道價錢貴份量少,選擇呢類型嘅餐廳都只係為環境以及品味!

部份網民大讚餐廳有創意,極力支持中餐!Photo from 微博

網民認為Omakase本身就係有錢人先去,加上佢哋自己選擇光顧餐廳,唔應該批評?!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel