download HolidaySmart 假期日常 app
兩餸飯到會賀公司週年宴,800蚊6盤 網民話好食過大餐廳

兩餸飯到會賀公司週年宴,800蚊6盤 網民話好食過大餐廳

生活熱話
By Pat on 20 Dec 2022
Digital Editor

兩餸飯係疫情期間嘅「窮人恩物」,價錢平民而且款式多又大份,為打工仔提供住家菜之餘又減輕銀包負擔,因而大受歡迎。但有網民發現臨近大時大節,居然有兩餸飯做到會供各大喜慶日子享用,更有網民於「兩餸飯關注組」出文指就連公司嘅週年宴都選擇用兩餸飯去取締以往常見嘅派對菜式,更指又抵又好食,引起網民熱烈討論。

有網民公司嘅週年宴就選擇用兩餸飯去取締以往常見嘅派對菜式Photo from Photo from 香港兩餸飯關注組@Facebook

兩餸飯做週年宴

近日就有網民於facebook 群組中分享自己公司嘅週年宴,指跟往常的壽司、Pizza、意粉有所不同,樓主所叫嘅都係日常嘅家常菜,有豬扒、西蘭花、糖醋排骨、咖哩雞、雞翼、肉餅等等,仲有4盒米粉2盒白飯,而且盒盒都份量十足加埋都只需要$800,好食過大餐廳咁話。

有網民於facebook 群組中分享自己公司嘅週年宴Photo from Photo from 香港兩餸飯關注組@Facebook

有網民於facebook 群組中分享自己公司嘅週年宴Photo from Photo from 香港兩餸飯關注組@Facebook

有網民於facebook 群組中分享自己公司嘅週年宴Photo from Photo from 香港兩餸飯關注組@Facebook

有唔少網民見到樓主分享之後都忍唔住留言:「好過叫埋d聖誕餐。。沙律。。串燒。。拼盤果d 又貴又唔夠食」、「其實食小菜都唔錯呀~」、「幾有創意丫,好過一圍圍」、「其實仲好,聖誕餐火雞 凍盤(沙律,海蛰),湯,串燒飯麵都係咁上下野」、「天氣咁凍其實食呢啲幾開心 好食又地道」,更有網民希望樓主可以分享地址,送佛送到西,不過其後樓主亦向網民表示,原來呢6盤食物係供20人食用嘅,有人就隨即表示覺得太少,如果喺屋企食個效果應該會比較適合。

有網民希望樓主可以分享埋地址Photo from Photo from 香港兩餸飯關注組

兩餸飯開到成行成市

疫情三年,堂食偶而會被禁止,於是兩餸飯因為「大件夾抵食」就借機掘起,而根據facebook群組「香港兩餸飯關注組」集各區市民資料,直至今年二月,全港已經有超過二百六十家兩餸飯店,其中油尖旺及深水埗最人流最密集,各佔三十二家,屬於全港之冠。

有唔少兩餸飯因為「大件夾抵食」借機掘起Photo from Photo from 香港兩餸飯關注組@Facebook

網民分享心得

有食兩餸飯12年經驗嘅網民更曾於「香港兩餸飯關注組」分享叫餸心得,聲稱點菜時餸菜可分為「可量化」和「不可量化」,可量化即雞搥雞翼豆腐蒸魚,有特定嘅數目,而不可量化就例如蕃茄炒蛋,粟米魚柳,蒸排骨等等。因為每一次份量都會唔同,建議大家一開頭聲稱食兩餸飯,而且兩樣都必須係不可量化的。當兩款餸已經塞滿飯盒後,你先同佢講「啊!我都係要多個餸啦」,大家就可以要可量化嘅餸菜,佢唔可以因為頭兩款餸嘅份量太多,而減少第三款餸嘅份量,簡單啲講即係硬食,店員點都要畀返足夠份量嘅第三個餸,咁樣一嚟你盒飯就會有「塞爆」嘅效果,但其實食兩餸飯都係基層小市民嘅日常小確幸,可以食到「好食夾大件」就已經可以開心一日,唔知大家又有咩睇法呢?

兩餸飯係基層小市民嘅日常兩餸飯都係基層小市民嘅日常小確幸Photo from Photo from 香港兩餸飯關注組@Facebook

款式種類非常多Photo from Photo from 香港兩餸飯關注組@Facebook

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【東張西望】主持訪問兩餸飯老闆,一句質問被指不尊重!網友:問得好寸

Jan 19, 2022

TVB東張西望》一向都關注唔少社會問題,近日播出一集資深時事節目主持林映輝訪問喺疫市下大排長龍嘅兩餸飯老闆,不過因為一句被指無禮貌!另一方面佢同事吳幸美就出言怒斥伯伯做不雅行為,獲讚勇敢!

TVB《東張西望》一向都關注唔少社會問題Photo from TVB

《東張西望》採訪疫市長龍兩餸飯店

由於疫情有反彈跡象,政府宣佈將禁堂食,唔少食肆都轉為做外賣生意。主力報道社會問題嘅《東張西望》近日亦有採訪部分食肆。

政府宣佈將禁堂食,唔少食肆都轉為做外賣生意。主力報道社會問題嘅《東張西望》近日亦有採訪部分食肆。Photo from TVB

其中一間位於彌敦道嘅兩餸飯店逆市大排長龍,主持林映輝隨即訪問排隊嘅市民呢間兩餸飯有咩咁吸引,唔少食客指夠鑊氣、有住家飯味道。

其中一間位於彌敦道嘅兩餸飯店逆市大排長龍Photo from TVB

主持林映輝訪問排隊嘅市民呢間兩餸飯有咩咁吸引,唔少食客指夠鑊氣、有住家飯味道。Photo from TVB

主持林映輝「質問」兩餸飯老闆

之後主持又訪問兩餸飯店老闆吳偉權,老闆曾開過11間酒樓,佢轉行做兩餸飯生意,舖頭日日大排長龍,老闆表示一日要炒一百多盤餸。

兩餸飯店老闆吳偉權曾開過11間酒樓,佢轉行做兩餸飯生意,舖頭日日大排長龍Photo from TVB

佢一路炒餸一路話:「睇我手瓜起腱就知啦!」被問到有咩拿手,佢自信回答:「全部都拿手!經我手出品就OK㗎啦!」佢稱大鑊嘢要當小菜炒,要夠力不停拋鑊,因為佢哋唔係用鑊鏟。

被問到有咩拿手,老闆自信回答:「全部都拿手!經我手出品就OK㗎啦!」佢稱大鑊嘢要當小菜炒,要夠力不停拋鑊Photo from TVB

但林映輝就反問:「其他大廚都得㗎啦!你有咩優勝過人嘅地方呀?」老闆表示唔係咁容易,好多人都做唔到,要由朝炒到晚炒足一百盤餸:「唔係吹水,好多人炒唔到。」

林映輝就反問:「其他大廚都得㗎啦!你有咩優勝過人嘅地方呀?」Photo from TVB

老闆表示唔係咁容易,好多人都做唔到,要由朝炒到晚炒足一百盤餸Photo from TVB

網友斥主持唔尊重人,林映輝係資深時事節目主持

有網友不滿主持語氣,指佢「問得好寸」:「呢個記者少少常識都欠奉」、「唔識尊重人、無禮貌」,網民指要拋十幾公斤嘅鑊真係唔係咁容易,老闆話唔係人人做到係好合理。

有網友不滿主持語氣,指佢「問得好寸」Photo from TVB

網友:「呢個記者少少常識都欠奉」Photo from TVB

現年58歲嘅林映輝加入TVB逾30年,由1990年起做過《城市追擊》、《全線大搜查》、《娛樂直播》、《東張西望》,絕對係時事節目資深主持。

現年58歲嘅林映輝加入TVB逾30年,由1990年起做過《城市追擊》、《全線大搜查》、《娛樂直播》、《東張西望》Photo from TVB

吳幸美阻怪叔叔做不雅行為獲激讚

雖然林映輝被網民狠批,但佢同事吳幸美就因為勇敢出頭,阻止怪叔叔喺幼稚園門外做不雅行為,更質問佢:「知唔知自己犯法?」,獲網友大讚!

吳幸美阻止怪叔叔喺幼稚園門外做不雅行為,更質問佢:「知唔知自己犯法?」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《東張西望》陳彥行被騙簽3千萬保險!爆喊指3年內過千萬積蓄蒸發!

28 Dec 2021

TVB《東張西望》經常會報道騙案等市民提高警覺,最近陳彥行以「苦主」身份受訪,哭訴佢同75歲媽媽被銀行理財主管呃簽保單,結果過千萬積蓄盡失!佢更忍唔住爆喊稱有生之年一定要討回公道。

TVB《東張西望》經常會報道騙案等市民提高警覺,最近陳彥行以「苦主」身份受訪,哭訴佢同75歲媽媽被銀行理財主管呃簽保單

陳彥行上《東張西望》哭訴受騙

現年45歲嘅陳彥行曾為TVB藝人,出演經典喜劇《皆大歡喜》「金日」一角而為人熟悉。佢近日現身節目《東張西望》哭訴受騙令積蓄無晒!

現年45歲嘅陳彥行曾為TVB藝人,出演經典喜劇《皆大歡喜》「金日」一角而為人熟悉

銀行理財主管佘先生安排計劃,陳彥行與媽媽開聯名戶口

陳彥行指佢75歲嘅媽媽喺2018年結識咗一位銀行理財主管佘先生,之後更十分熟絡,一星期有3、4日上佢媽媽屋企食飯,有時更會帶埋老婆去。而陳彥行媽媽亦非常信任對方:「我聽我媽媽對佢係有讚無彈,係百分之二百嘅信任。」

陳彥行指佢75歲嘅媽媽喺2018年結識咗一位銀行理財主管佘先生

陳彥行媽媽亦非常信任對方:「我聽我媽媽對佢係有讚無彈,係百分之二百嘅信任。」

陳彥行媽媽亦開始將銀行戶口交畀佘先生管理,之後佘先生更主動提議幫陳媽媽搞一個「計劃」,但陳媽媽年齡不允許,佘先生又提議陳媽媽搵屋企人開聯名戶口投資,令到佢可以做到呢個「計劃」。

陳彥行媽媽亦開始將銀行戶口交畀佘先生管理,之後佘先生更主動提議幫陳媽媽搞一個「計劃」

陳彥行以為佘先生已同媽媽商量好,未了解清楚條款即簽文件

於是陳彥行就同媽媽開戶口,但同時佢並不清楚所謂嘅「計劃」到底係咩,佘先生亦從未解釋過。陳彥行表示同媽媽去銀行辦手續時簽咗好多份文件,但當時不以為意,無睇清楚條款細項:「我認為佢已經同我媽媽傾好晒、解釋清楚,我嘅角色只係落去簽個名。」

陳彥行表示同媽媽去銀行辦手續時簽咗好多份文件,但當時不以為意,無睇清楚條款細項

陳彥行稱佢一向同媽媽財政獨立,所以聯名戶口都只係掛名,佢從未過問戶口入咗幾多錢,但佘先生有時都會發訊息叫佢落分行簽名、做手續,每次佘生先都未有提及要簽咩文件,反而就指「陳太(陳彥行媽媽)同你提過啦可?」,令陳彥行誤以為佢已經同媽媽講過。

佘先生有時都會發訊息叫陳彥行落分行簽名、做手續

而且落到分行簽名時,佘先生及同事辦事十分有「效率」,只會揭到要簽名嗰頁,有部分文件要簽落電子器財,更無畀佢睇清楚到底係咩文件就要佢簽名。結果到2021年5月27日,佘先生就同陳彥行及佢媽媽表示會離職,令佢哋大為驚訝。

落到分行簽名時,佘先生及同事辦事十分有「效率」,只會揭到要簽名嗰頁

有部分文件要簽落電子器財,更無畀佢睇清楚到底係咩文件就要佢簽名。

2年後陳媽媽發現戶口過千萬資金幾乎全蒸發

點知陳媽媽翌日去查看銀行戶口狀況發現出事!陳彥行:「我媽媽差啲暈咗喺銀行,見度入邊啲資金差唔多都蒸發晒。」,陳彥行亦即刻WhatsApp佘先生,希望佢交待事實。

陳彥行:「我媽媽差啲暈咗喺銀行,見度入邊啲資金差唔多都蒸發晒。」

陳彥行亦即刻WhatsApp佘先生,希望佢交待事實。

佘先生之後唔知係咪「良心發現」,有上到陳媽媽屋企道歉,錄音中佘先生透露戶口千幾萬資金只剩返保險,親友問佢份保險供晒未,佘先生指未供完,只係一半多啲,親友表示:「即係仲要畀錢啦!」親友又稱:「我阿姨(陳媽媽)仲要攞多1,500萬出嚟?每張一百萬,有五張(保單),仲要供三年,咁係咪仲要1,500萬?」

佘先生之後唔知係咪「良心發現」,有上到陳媽媽屋企道歉

錄音中佘先生透露戶口千幾萬資金只剩返保險

親友又稱:「我阿姨(陳媽媽)仲要攞多1,500萬出嚟?每張一百萬,有五張(保單),仲要供三年,咁係咪仲要1,500萬?」

佘先生道歉,陳彥行稱計劃總共要供3,000萬!

佘先生:「我知道陳太其實對我好好,我都想用任何方法幫你哋完成申索,但都係同大家講多次對唔住,我都知呢樣嘢好煩,真係對唔住。」後來陳彥行指佢向銀行追查先了解個「計劃」係咩回事,有6份保單,佢總共要供3,000萬,依家6份保單有5份已經失效。

佘先生:「我知道陳太其實對我好好,我都想用任何方法幫你哋完成申索,但都係同大家講多次對唔住,我都知呢樣嘢好煩,真係對唔住。」

後來陳彥行指佢向銀行追查先了解個「計劃」係咩回事,有6份保單,佢總共要供3,000萬

6份保單有5份已經失效。

陳彥行指佢睇返啲啲財務分析表終於知發生咩事:「原來佢想製造個假象,畀人覺得我係一個千萬富翁。」,佢更忍唔住爆喊:「喺我有生之年,都會討返呢個公道。」

陳彥行指佢睇返啲啲財務分析表終於知發生咩事:「原來佢想製造個假象,畀人覺得我係一個千萬富翁。」

陳彥行忍唔住爆喊:「喺我有生之年,都會討返呢個公道。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel