TVB「御用保安」陳勉良大爆拍戲不安經歷，為生計兼顧兩職，初入行對演員印象麻麻？

By Wing Ws on 21 Dec 2022

Digital Content Writer

陳勉良於演藝圈入行超過40年，做盡所有小角色，被指是TVB「御用保安」。近日他接受「香港演藝人協會」訪問時分享入行經歷，他坦言，為了生計需兼顧演員、畫畫工作，過程捱得辛苦，更指過往曾遇到一件不愉快拍攝經歷，令他感到不安。

Photo from YouTube @HKPAG 香港演藝人協會

初入行對演員印象麻麻

陳勉良年輕時已有參演話劇，但當時並不是很狂熱，直至20多歲時，家中沒有做生意，便出來打工，那時候有同學開臨時演員公司，請他幫忙。但陳勉良坦言自己不太想做，因當時一些男演員需化妝演戲，被形容為「搽脂蕩粉」，而對他們印象麻麻，但為了幫同學才勉強答應，亦因此入行，其後更成為特約演員。在兩度離開無綫後，1989年重返無綫便一直工作至今。

Photo from YouTube @HKPAG 香港演藝人協會

演藝生涯中最唔開心經歷

出演過無數小角色的陳勉良提到自己的一次難忘經歷：「年初三開工，喺中環做乞衣」，陳勉良表示：「對於我哋傳統少少嘅中國人，年初三就去做乞衣，仲要喺中環斜路位，人來人往，但都冇辦法」，心裏不安也得接受，又直言：「呢個安排都唔知有心定無意，唯一最唔安樂同最唔開心，就係嗰一日。」

Photo from YouTube @HKPAG 香港演藝人協會

被問到演員抽離角色的問題，他舉例指：「假如做個皇帝，唔通真係唔可以抽離？你試吓用支棍扑一扑自己，睇吓可唔可以抽離？（呢啲）口講㗎啫，冇可能嘅！」

Photo from YouTube @HKPAG 香港演藝人協會

為了生計要兼顧演員、畫畫工作

今年72歲的陳勉良，既是演員也是水墨畫畫家。他在學生時期會找一些畫集、教畫的書籍臨摹學習，後來才正式跟隨老師學畫。對國畫充滿熱誠的陳勉良曾報讀中文大學的校外課程，但報名兩年因人數不足仍無法開班，當時校方詢問他可否報讀其他課程，但被他回絕，並強調：「我淨係想學國畫。」

Photo from YouTube @HKPAG 香港演藝人協會

陳勉良的作品曾在1969年由香港美術博物館主辦的藝術展中展出，此後在香港、美國、澳洲及印尼也有其個人畫展舉行。但單憑自己的興趣固然無法維持生計，陳勉良表示自己有一些美術底子，算是半途出家，不是從正式學徒做起，因此一方面做特約演員，另一方面教畫，「就咁生存咗幾廿年」、「所以嗰陣時都捱得好辛苦」，但這份「瘋狂的興趣」令自己投入當中。他表示，要是只單憑一份工作生活會比較拮据，這也是「半被迫嘅情況下去做」。

Photo from YouTube @HKPAG 香港演藝人協會

陳勉良又提到他在幕後代畫畫時的難忘經歷，當時其中一位作畫人的作品較少：「我喺屋企搵到幾十本有關舊畫嘅書籍，搵咗兩晚先搵到，最後我都搵到有關祝枝山嘅畫作，用嚟做資料，畫喺扇上，畫咗八把扇。」

Photo from YouTube @HKPAG 香港演藝人協會

不後悔演員作為終身事業

問到他是否有退休的想法，陳勉良表示暫時未有，雖然退休後可繼續畫畫，但演戲令他在思考上不會停下：「演繹嘅工作都係有啲幫助」。雖然一開始入行不是出於興趣，但陳勉良表示，若人生可以重來的話仍會以演員為終身職業，他覺得演戲面對不同角色可帶來新刺激，需要動腦筋，因應對白、動態等思考角色狀況，跟靜下來畫畫又是另一番感受。

Photo from YouTube @HKPAG 香港演藝人協會

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

御用保安陳勉良實為國畫聖手曾到世界各地開畫展!

6 Mar 2019

陳勉良，可能大家聽個名未必知佢係邊個，但講到TVB御用看更/道友，相信大家都有啲印象！佢入行42年，做盡各種小角色，做得最多嘅一定係懶散、卸膊保安同「專業」道友。即使佢做親都係小角色，但每次都做得唯俏唯妙。做咗演員多年嘅佢，其實冇接受過正式嘅演藝訓練，但扮起嘢上嚟，真係唔會輸畀一班視帝！佢曾經拍劇扮道友，點知演得太入型入格，舉手投足都似模似樣，連啲鼻涕都交戲，搞到畀警察截查！

Photo from 《僱傭妻子》

然而，演戲只係佢其中一份工作，佢另一個身分係國畫大師！佢10歲開始畫畫，17歲跟隨名師習畫，兩年後就舉辦咗第一次嘅跟人畫展，功力有目共睹！畫畫59年嚟，曾經喺世界各地舉辦自己嘅畫展，例如美國紐約、新加坡、墨爾本、悉尼、印尼、廣州等，更係獲獎無數，衝出香港，揚威海外！視后米雪、御用嫲嫲李香琴，都係佢徒弟添～

Photo from 《陳勉良網上畫廊》

除咗演戲同畫畫，陳勉良好識寓工作於娛樂，將興趣變為職業。佢有時會幫劇集畫道具畫，例如《金裝四大才子》、《金枝玉葉》等，又會喺畫畫場面中擔任「替手」，喺鏡頭前寫書法或畫畫，幫補家計，補貼做「茄呢啡」嘅微薄薪金！佢接受傳媒訪問嘅時候表示，佢對呢兩份職業都充滿興趣同責任，所以如果佢知之後嗰日要拍劇，前一晚就唔會畫畫，擔心自己一畫就停唔到，影響第二日拍戲嘅狀態！