劉鑾雄與呂麗君見面期間大鬧路人！曾遇外籍男搞事大劉反應完全相反？！

時事熱話娛樂新聞

By Jennifer on 25 Dec 2022

Digital Editor

現年71歲嘅劉鑾雄（大劉）近年甚少公開露面，近日網上瘋傳佢中氣十足嘅鬧人片段，當時同行嘅疑似係前度呂麗君。大劉怒斥男子阻住人，引起熱議，有網民翻出過往新聞指大劉曾遇外籍男推保鏢，反應卻截然不同？！

Photo from YouTube @香港新聞突發時事合集

大劉與呂麗君分手後被影到同遊銅鑼灣？

大劉感情生活一向精采，舊愛呂麗君為佢誕下一女一子，不過兩人於2014年分手。與呂麗君分手後甘比就成為大劉身邊唯一紅顏知己，佢哋2016年結婚。大劉曾發聲明怒斥呂麗君，外界普遍認為大劉同呂麗君關係一般，估唔到近日兩人被拍到喺銅鑼灣行商場。

Photo from 甘比IG

大劉怒斥挨柱黑衫男，揚言趕佢走

最近網上有影片「大劉(劉鑾雄)責罵商場挨柱男」瘋傳，片段只有十幾秒，只見著上淺藍色衫嘅大劉喺保鏢陪同下現身銅鑼灣一個商場，佢以英語吩咐保鏢唔好畀黑衫男人入嚟，然後怒斥黑衫男，叫佢離開：「使唔使趕你呀？！」

Photo from YouTube @香港新聞突發時事合集

黑衫男子本身喺商場柱附近休息，被大劉指住嚟鬧即慢慢企起身，大劉越鬧越嬲，最後更怒將手指指向拍片者。片段就此結束，據提供影片嘅王太所講大劉突然責罵一個「挨住條柱」嘅男人，開頭細聲話：「佢阻住人行」，男子解釋自己有啲攰，但大劉更生氣，拍片者稱大劉：「第三句突然間失控大嗌同爆粗」，最終男人被大劉鬧完後就被商場保安拉走咗。

Photo from YouTube @香港新聞突發時事合集

大劉鬧人片掀熱議

影片曝光後引起熱議，同行女子被指係大劉舊愛呂麗君，網友估計兩人分手後仍有來往。網民指大劉中氣十足，身體狀況應該唔錯。大劉出言怒斥行人呢件事掀起關注，網民反應兩極。

Photo from YouTube @香港新聞突發時事合集

Photo from 呂麗君IG

網民翻舊聞指大劉曾遇外籍男搞事，反應大不同

有網民翻出2015年嘅新聞，當時大劉出門用餐時咁啱落雨，所以保鏢即為大劉一家擔遮，但可能人數比較多，而且擔遮範圍大，疑阻到一名外籍行人嘅去路，外籍男即不耐煩地推開保鏢並用英語斥保鏢。

Photo from LIHKG

而大劉似被外籍男嚇親，企埋一邊望住外籍男，據當時報道稱大劉「嚇呆唔敢郁」，與商場片中氣十足鬧人嘅表現大相逕庭，再次引起網民討論。

Photo from YouTube @香港新聞突發時事合集

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

呂麗君與大劉分手前曾收超過20億現金同禮物？現時居住於甘比名下豪宅物業

20 Jul 2021

現年44歲嘅呂麗君（現名呂姵霖）曾經同香港四大富商之一嘅劉鑾雄（大劉）有過一段情，但兩人於2014年正式分手。有傳，呂麗君分手時獲大劉贈送價值逾20億嘅資產，令佢瞬間變成「超級富婆」！

Photo from 呂麗君IG

呂麗君（現名呂姵霖）同相差26年嘅富商劉鑾雄（大劉）於2001年喺英國相遇，兩人隨即墮入愛河，並誕下一子一女。直到2016年，大劉發出聲明指自己同呂麗君於2014年時已經分手，仲提及到分手前已經贈予價值超過20億嘅現金同禮物，正式同呂麗君斷絕關係！

Photo from 呂麗君IG

Photo from 甘比IG

有傳呂麗君現時正在居住喺白加道31號A獨立屋，而呢間物業就係分手時大劉所贈送嘅禮物之一。不過，其實呢間豪宅係兩人仲一齊時，大劉借俾呂麗君父母居住，而分手後呂麗君就以租住形式住咗一年，並於2016年搬離住宅。現時該豪宅屬大劉所擁有，並由旗下公司Crown Castle持有。

Photo from 呂麗君IG

實際上，呂麗君而家正居住喺白建時道12號豪宅，而呢個豪宅並非呂麗君嘅物業，而係大劉太太甘比（陳凱韻）所擁有。不過，大劉為咗方便呂麗君照顧一對子女，而暫時俾佢哋暫住。

Photo from 甘比IG

Photo from 呂麗君IG

根據2016年嘅分手聲明，大劉並冇表示曾經贈送物業俾呂麗君！據知，傳媒所提及過嘅畢架山峰、禮頓山等物業都同大劉冇關連，而分手禮物亦從來冇包含遊艇。至於價值約9,000萬的中半山雅賓利大廈單位連車位，係大劉送俾囡囡劉秀盈嘅禮物，呂麗君只係以託管人身份暫時持有。

Photo from 呂姵霖基金會FB

Photo from 劉秀盈IG

雖然呂麗君同大劉分手多年，但佢嘅生活都依然多姿多彩㗎！而家嘅佢就好專注於發展自己嘅基金會，並且非常熱衷於做瑜珈。最近，佢就上載咗同肌肉型男一齊做雙人瑜珈嘅照片，令人不禁懷疑兩人嘅關係。

Photo from 呂麗君IG

而呂麗君同大劉所誕下嘅女兒劉秀盈（Zoe）而家已經18歲，仲非常有藝術天份，獲得英國皇家舞蹈學院所頒發嘅證書。大劉就曾經表示呂麗君因為不滿佢移情別戀甘比，教導兩個子女要討厭佢。不過，今年嘅父親節劉秀盈就喺IG上載同兒時同爸爸嘅合照，仲寫上「Happy Father and Daughter day.」唔知父女之間關係係咪已經變好咗呢？