【即Check個人化年度回顧，對比你同其他人嘅消費List～睇吓自己啲錢使咗去邊！】

By Chavi Lee on 30 Dec 2022

Project Editor

嚟到年尾，相信唔少人都被各大App嘅年度回顧洗版！最近其中一個令小編睇到眼都凸嘅回顧～就係HSBC嘅2022年度個人消費回顧，當中嘅28-34歲滙豐客戶，平均1個月使5萬幾蚊！！作為同年齡層嘅小編真係超驚嚇⋯⋯月入都未有咁多呀！（崩潰）唔通真係好似某討論區所講嘅Fresh Grad搵50k係基本？30歲前係咪點都100K喇？！

咁令人震驚嘅數據喺邊度睇返嚟？就係最近小編Email收到嘅HSBC 2022年度個人消費回顧，可以睇到由HSBC嘅大數據分析而來，我哋自己嘅消費習慣，例如使得最多喺邊間餐廳，玩同買得最多係邊間舖等總結。除咗眼都凸嘅每月平均消費，仲可以睇得到其他有趣數據例如節日最受歡迎時尚品牌、娛樂、飲食等各大類別嘅排名。各位好奇寶寶成日八卦想知人地去開邊度使錢，就可以去睇吓啦～以下就等小編分享吓2022嘅節日品牌排名榜先！

Photo from HSBC

# 年輕人節日最喜愛3大品牌排名榜

【1】時尚品牌第一名：Chanel

第二、三名為Hermès、Louis Vuitton。依3個品牌嘅貨品／手袋等每件都價值不菲，最近仲有唔少討論區話見Fresh Grad第一日返工就著到全身名牌超搶眼，唔知你身邊又有冇見過一個年紀好細嘅人著起全身名牌呢？

【2】娛樂第一名：瑰麗酒店Rosewood Hotels

Staycation一字相信係依幾年最流行嘅字眼，之前冇得去旅行大家無論生日、節日、紀念日，甚至乎一放假就去酒店Staycation～所以瑰麗酒店成為娛樂品牌第一名都唔意外！隨後分別為迪士尼Disneyland及富豪酒店Regal Hotels。唔知開關後嘅2023年，依個排行榜會唔會大轉變呢？

【3】飲食第一名：牛角日本燒肉專門店Gyu-kaku Yakiniku

每次去牛角都大排長龍，週末去拎飛等位隨時要等幾十個號碼先食得到！第二、三名則為Pizza Hut（必勝客）及McDonald's（麥當勞）。

想知自己2022年消費習慣、喺邊一間餐廳消費得最多、喺邊到買野買得最多？快啲Check Email睇吓收唔收到啦！

# 體驗個人化消費分析：掌握理財習慣～

Photo from HSBC

小編睇完消費回顧，都係時候諗吓下年啲錢點先可以用得好啲～小編前排都試用緊佢地App嘅「個人預算」，發現比起之前Down過嘅唔同管理支出App方便易用得多，唔使每次用完錢都要自己Mark。佢會自動追蹤消費，提供開支分析及理財剖析，全方位了解自己平日嘅使費，又快又清楚咁睇到自己邊度使凸咗，理財目標就更易達成啦！