港男世界盃受訪衝出國際！被問應否搵香港女生做老婆，回答超爆笑

時事熱話

By Jennifer on 30 Dec 2022

Digital Editor

2022年卡塔爾世界盃已完滿結束，最近一位香港人夫接受外國網紅Alex Shults訪問竟獲逾5萬likes！佢身穿「香港勁揪」T裇，更爆笑呼籲主持人唔好喺香港搵老婆，令主持都忍唔住大笑，網友笑言佢根本「玩命」！

Photo from Alex Shults IG

TikTok網紅Alex Shults訪問港男掀熱議

今屆世界盃備受關注，話題度爆燈，決賽阿根廷對法國十分刺激，最終由阿根廷贏得冠軍，美斯成功圓夢帶領阿根廷奪大力神盃，「登基」做球王。除咗球場內比賽掀起熱議，球場外亦有唔少笑料。

Photo from FIFA IG

一位外國TikTok網紅Alex Shults就喺球場外訪問嚟自全球多國嘅球迷，其中一位嚟自香港嘅男士嘅訪問片段喺IG like數多逾5萬，遠超其他訪問片段，引起網民討論，到底點解咁受關注？！

Photo from Alex Shults IG

香港大叔著「香港勁揪」T裇

片中中年男士身穿「香港勁揪」紅色T裇，十分搶眼，Alex Shults首先問佢嚟自邊度，自稱「Yu」嘅男子表示佢係香港人，於是Alex Shults就問佢香港女生點樣，Yu就皺住眉咁話：「Hong Kong...OK la...not too bad」，但佢補充香港足球「not good at all」。

Photo from Alex Shults IG

嚴肅呼籲唔好搵香港女生做老婆引爆笑

之後Alex Shults又問佢自己去香港搵老婆好唔好，Yu即一臉嚴肅指：「No！」並叫Alex Shults望下企喺隔離嘅老婆，不過Alex Shults似乎get唔到，再問多次應唔應該去香港搵個合適嘅女生當妻子。

Photo from Alex Shults IG

Yu搖晒手叫佢唔好去：「Don't go then.」Yu認真嘅語氣加埋真摯嘅表情令Alex Shults忍唔住大爆笑！feel到佢絕對真心以「過來人」身份勸Alex Shults唔好揀香港女士！片段吸引過5萬likes同900個留言。

Photo from Alex Shults IG

Alex Shults於Caption中表示：「唔好去香港」，連欣宜、J.Arie都有留言，有網民表示要好好保護呢位uncle，指佢「豁出性命」提出建議、回答呢條「送命題」。有網友大讚大叔好幽默，豐富嘅表情已表達咗一切。

Photo from Alex Shults IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【世界盃2022】美斯捧盃照IG史上最多like！球王攬著神盃瞓！「背後男人」Meme圖瘋傳！

21 Dec 2022

卡塔爾世界盃2022已完美結束啦！阿根廷時隔36年重奪冠軍，球王美斯更終於圓夢，率領國家隊高舉大力神盃，掀起全球熱潮～終於可以摸到神盃的美斯，幾乎時刻盃不離手，就連瞓覺都要攬著！

Photo from IG@leomessi

·美斯太興奮攬著獎盃瞓

美斯帶領阿根廷勇奪世界盃冠軍，今次終於彌補2014年只能望著獎盃的遺憾，親手觸碰大力神盃啦！在頒獎禮上，仲未輪到領獎，美斯已經忍唔著摸一摸、錫一錫獎盃，難掩激動興奮的心情～對神盃愛不釋手的他，在阿根廷大軍回國的第一晚，更興奮到攬著獎盃瞓！美斯在IG分享自己攬著獎盃的甜蜜滿足模樣，仲有歎著最愛的瑪黛茶，獲得超過4,000萬個like！

Photo from IG@leomessi

之後，美斯再Po感性帖文，表示獎盃同樣屬於已故阿根廷球王馬勒當拿，與前輩共享榮譽！「由羅薩里奧球隊Grandoli開始，去到卡塔爾世界盃，我差不多度過了30年時間。這差不多30年的時間，足球帶給我太多快樂和悲傷，我一直想成為世界冠軍，從未停止發夢，即使我知道它可能永遠不會實現。」

Photo from IG@leomessi

「這個世界盃冠軍，同樣屬於那些以往未贏過獎盃的人，包括2014年巴西世界盃隊友，當年每個人都竭盡全力，我們係值得贏冠軍，即使算上那場可惡的決賽在內也好。」「這個獎盃，同樣屬於馬勒當拿，他應該會在天上為我們歡呼。還有那些一直支持我們的人，無論結果如何，他們一直存在。當然﹐我們要多謝今屆教練團隊，世界盃隊伍所有人，大家日以繼夜工作，讓我們美夢成真。」最後，美斯不忘直呼只要努力夢想可能會在某天成真！「旅程中肯定會有失敗，但只要繼續學習，不要被失望擊倒，總有一天成功會到來。我打從心底裡感謝大家，阿根廷繼續前進吧。」

·捧盃榮登IG史上最多like

阿根廷在世界盃封王後，美斯罕有地在IG接連出Po，可見球王非常開心！其中一張他捧著大力神盃的照片，並寫下自己的心聲「世界冠軍！好多次都夢到它，一直想要它卻得不到，這一刻，真係難以置信⋯」，並不忘感謝家人、支持和相信他們的人～五次代表阿根廷出戰世界盃的美斯，今次終於一圓夢想，堅持努力不懈的態度觸動了來自世界各地的人們，該帖文不但獲得IG史上最多like，至今更有超過6,500萬個like！

Photo from IG@leomessi

不過，最搞笑係原本的紀錄保持者竟然係一粒蛋，獲得超過5,600萬個like！究竟它有咩來頭？話說一個名為「世界紀錄蛋」（world_record_egg）的IG帳戶，於2019年1月貼出一粒蛋的照片，並寫道「一起來創造IG最多Like的世界紀錄吧！一起去擊敗現在由Kylie Jenner的世界紀錄（1,800萬）！我們會做到的。」估唔到這粒蛋展現驚人號召力，不但在10日內創下超過1,800萬的like，之後數字更瘋狂飆升！

Photo from IG@world_record_egg

·美斯老婆捧盃照「背後男人」Meme圖瘋傳！

球王除了球技了得，更係一名出晒名的愛妻號！美斯奪得冠軍後，親自為捧著大力神盃的老婆安東尼娜（Antonela Roccuzzo）揸機影相打卡，甜蜜溫馨的一幕成為場外一大美談～不過，同時有人影到站在安東尼娜背後的阿古路（Sergio Aguero）意外入鏡，面無表情、眼神死的模樣，疑似係「醋意大發」，照片在網上瘋傳，引起不少網民調侃「誰才是小三？」、「（阿古路心裡os）獎盃歸你（安東尼娜），美斯歸我！」、「阿古路唔想將美斯還給她。」，甚至稱他為球王「背後的男人」！

Photo from Twitter

話說阿古路與美斯識於微時，於2005年世青盃開始相識相知，至今係認識長達20年的好友。每次代表阿根廷國家隊出戰比賽，兩人都係室友，美斯更曾Po過對方的「床照」，感情十分深厚！阿古路上年更轉隊加入美斯一直效力的西甲豪門巴塞隆納，豈料美斯因合約問題轉投巴黎聖日耳門，而阿古路之後亦因心臟問題被迫提早退役。美斯在之後再無換過室友，選擇一個人瞓。而阿古路今次世界盃特別飛去卡塔爾為兄弟加油打氣，決賽前夕更獲邀加入陣營陪伴球員訓練，再次與美斯同房，重拾昔日甜蜜時刻～換上阿根廷19號球衣的阿古路不但在賽後讓美斯騎著自己高舉獎盃，更在IG對美斯神情告白「我愛你」。阿古路絕對係「球王背後的男人」，認證！

Photo from IG@Sergio Aguero

Photo from IG@leomessi

·阿根廷大軍凱旋歸國卻險生意外？！

阿根廷舉國同慶奪得世界盃冠軍，星期二不但全國放假一天，更舉辦勝利巡遊，迎接阿根廷大軍歸國！美斯與一眾球員等於凌晨抵達阿根廷首都布宜諾斯艾利斯，之後乘坐印有代表3次世界盃冠軍的3粒星及「世界冠軍」字樣的雙層開篷巴士遊行，接受民眾的歡呼。其中，美斯、柏利迪斯（Paredes）、迪保羅（De Paul）、迪馬利亞（Di Maria）和奧達文迪（Otamendi）坐在最高的車頂位置，但在經過一路段時，突然迎面而來的數條電纜線，差點被電纜勒頸！所幸有驚無險，他們即時反應彎腰閃避，但柏利迪斯戴著的Cap帽就因此掉落！該影片在網上瘋傳，不少網民都直言非常危險，更擔心如果電纜線漏電會造成嚴重意外～

Photo from Twitter

¡CUIDADO CON LOS CABLES MUCHACHOS! Insólito momento en la llegada de los campeones del mundo a Argentina.

Se le voló la gorra a Leandro Paredes. pic.twitter.com/mUfGmOTQdU

— ESPN Argentina (@ESPNArgentina) December 20, 2022