download HolidaySmart 假期日常 app
李嘉欣17年前訪問提大劉翻hit 稱大劉愛錫自己 曾行20層樓梯送外賣

李嘉欣17年前訪問提大劉翻hit 稱大劉愛錫自己 曾行20層樓梯送外賣

娛樂新聞
By jack on 04 Jan 2023
Digital Content Writer

71歲的富商劉鑾雄(大劉)日前開記者招待會回應與前女友呂麗君同遊皇室堡的事件,他否認舊情復熾,與女方劃清界線,期間他回應了多年來有關自己的都市傳聞,如「塞春卷」及包養女星等,更親解當年刊登The ONE廣告為李嘉欣賀壽的事件,而網民再翻出李嘉欣以前的訪問片,她自言當年與大劉拍拖,對方非常貼心,又試過行20多層樓梯為自己送上食物,網民指雙方口供好大出入,隨即引起熱論。

TVB《志雲飯局》Photo from TVB《志雲飯局》

外界盛傳商場取名The ONE是向李嘉欣示愛?

大劉是香港著名的超級富豪,他投資眼光敏銳,年少時成功狙擊多間上市公司獲利,有「股壇狙擊手」之稱,他個性豪氣大方,出名風流,更與多名女星傳過緋聞,包括蔡少芬、關之琳及李嘉欣等。其中他與李嘉欣的一段情最受大眾關注。

甘比 IGPhoto from 甘比 IG

2006年李嘉欣生日時,有神秘人於報紙頭版刊登「Happy Birthday Michele20.06.2006」,下款寫有「With Love, The One」,當年外界以為這是李嘉欣現任丈夫許晉亨所安排的,後來大劉卻表示廣告是自己花20萬刊登,而大劉旗下的尖沙咀商場The ONE的名字亦有傳與其舊愛李嘉欣有關,The ONE前身是東英大廈,於2002年被華置集團購入,其後於2005年重建改名為The ONE,意指「一生中最愛」,當年外界盛傳大劉透過商場向李嘉欣示愛。

李嘉欣 iGPhoto from 李嘉欣 iG

大劉親解The ONE名字之謎及澄清娛圈傳聞

日前的記招上,大劉提到旗下商場The ONE名字的由來,指商場的名字是其兒子劉鳴煒所改,他直言:「我本人,喺任何思想、任何環境下,都冇諗過一個名叫The ONE。」其後大劉自言英文水平麻麻,又暗指自己當年並非自願,而是受人所託才會刊登賀壽廣告:「有人想搵老襯,成個廣告版隊過嚟,叫我秘書去登廣告,咁我咪照幫手。」

劉嗚煒 FBPhoto from 劉嗚煒 FB

大劉直言今次開記招主要是想澄清多年以來關於自己的不實傳聞,他表示有很多冤鬱收在心底30多年,不想再被人造謠造非「包括女人或者蕭才子,話我躁狂症,又話我最愛係李嘉欣,The One...唉!」他續道:「好多嘢谷谷埋埋,又話我喺飛機鬧人又摑人兩巴﹑人哋喊我即刻攞張支票掟落人塊面,我隨身都唔袋支票,咩都有人作,啲人唔抵得我搵到少少錢,多幾個女朋友,把口喺人哋到,我可以大膽講,娛樂圈邊個真係人﹑真係鬼﹑真係魔,神就冇,鬼同魔就多,我做人都有道德底線,結果有人成功咗,The One搞掂咗,我戥佢開心,唔係咁易搵㗎﹗」

甘比 IGPhoto from 甘比 IG

網民翻出李嘉欣在志雲飯局提及大劉的片段

大劉日前的記招引起城中熱話,其後有網民翻出李嘉欣於2006年接受陳志雲《志雲飯局》訪問的片段,當中她談及與舊愛大劉的關係,她表示很信任大劉,因為男方對她很好,每當她不開心或遇到困難時,都會幫助及開解她,自言當時被對方的霸氣及細心吸引,期間陳志雲問到她收過最貼心的禮物是什麼?李嘉欣稱是一份食物,她表示當時屋企停電,大劉試過行20多層樓梯送食物給她,令她相當感動。李嘉欣表示二人談了一段很長時間的戀愛,後來因性格不合分手,又指大家即使分手後仍是很好的朋友。

TVB《志雲飯局》Photo from TVB《志雲飯局》

TVB《志雲飯局》Photo from TVB《志雲飯局》

期間又提到大劉刊登廣告為她賀壽,李嘉欣表示大劉愛惜她的心已昇華到另一個層次,表示自己最初不知道對方會刊登廣告,又稱大劉不想用全名,才會寫上「The One」,又指事件不存在「陰謀論」,直言這個廣告是單純好友的祝福,不是要惹怒某人或出風頭而刊登的。由於李嘉欣與大劉對刊登廣告事件各執一詞,引來不少網民揣測,有人認為事件全是女方自導自演:「好多女人一向都展示到自己好多人追架啦!扮矜貴呀!」有人則堅信是大劉示愛:「個廣告似係示愛多啲!The One the love 喎!」

蘋果日報Photo from 蘋果日報

TVB《志雲飯局》Photo from TVB《志雲飯局》

連登討論區Photo from 連登討論區

連登討論區Photo from 連登討論區

連登討論區Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

大劉開記招|澄清身家非全歸老婆甘比!罕談情史:唔抵得我多女朋友

3 Jan, 2023

劉鑾雄開記招再回應同呂麗君見面一事,佢似乎不吐不快,除咗澄清同呂麗君無復合外,更談及多年嚟被唔少人亂作佢嘅私生活,非常勞氣,雖然大劉表示自己身體欠佳,但就中氣十足,講足一個半小時,睇嚟佢都忍咗好耐!

劉鑾雄開記招再回應同呂麗君見面一事Photo from 劉秀盈IG

劉鑾雄開記招揭商場鬧人真相

現年71歲嘅劉鑾雄(大劉)早前喺銅鑼灣商場大鬧途人掀起熱議,同行嘅仲有舊愛呂麗君,大劉其後發聲名指佢同呂麗君絕非復合,估唔到發完聲明後大劉更召開記者招待會回應事件。

現年71歲嘅劉鑾雄(大劉)早前喺銅鑼灣商場大鬧途人掀起熱議Photo from YouTube

記招長達個半鐘,大劉解釋咗當時喺商場指鬧男子嘅前因後果,佢表示自己身體欠佳,而該男子踎喺柱旁,阻住咗條路,佢如果要經過或會出現問題,包括跌倒,可能會斷肋骨、甚至後腦落地會有生命危險。大劉稱佢出入都要扶住人行,仲話地下有錢佢依家都執唔到。

大劉表示自己身體欠佳,而該男子踎喺柱旁,阻住咗條路,佢如果要經過或會出現問題Photo from 甘比IG

大劉稱佢出入都要扶住咁行,仲話地下有錢佢依家都執唔到。Photo from YouTube

大劉又指當時商場有人無帶口罩,擔心會中新冠病毒,佢自言雖然打足五針,但因曾接受器官移植,食抗排斥藥令身體抵抗力變低唔少,只有常人嘅4成左右,一旦確診恐有性命之憂。大劉指自己唔係怕死,但佢同甘比啲仔女得4歲~14歲,坦言:「想長多幾年命睇住佢哋大。」

大劉又指當時商場有人無帶口罩,擔心會中新冠病毒Photo from 甘比IG

大劉罕談情史

大劉又提到自己嘅情史,佢表示曾經有好多女朋友,但嚟自娛樂圈嘅只佔少部分。大劉稱自己其實谷住道氣好耐,一直以嚟有唔少不實傳聞,佢指「塞春卷、乒乓波、網球」等傳聞都係作,大劉直言:「啲人唔抵得我搵到少少錢,多幾個女朋友」所以作嘢踩佢,大劉又指遲啲可能唔係話佢中意塞人,而係中意被人塞。

大劉又提到自己嘅情史,佢表示曾經有好多女朋友,但嚟自娛樂圈嘅只佔少部分。Photo from 甘比IG

大劉爆分身家:「寧願送咗出去」

記者會上大劉仲講到自己嘅家產將會如何分配。佢坦言身家唔係全部歸現任妻子甘比,亦包括呂麗君、寶詠琴啲仔女。大劉大讚大仔劉鳴煒就嚟43歲,除咗讀書叻,做得嘢,仲肯做好多善事,令佢非常開心。

記者會上大劉仲講到自己嘅家產將會如何分配Photo from 甘比IG

大劉大讚大仔劉鳴煒就嚟43歲,除咗讀書叻,做得嘢,仲肯做好多善事Photo from 劉鳴煒Facebook

大劉仲話同甘比結婚後同律師商量財產分配事宜,表示將來有爭執或打官司,寧願將身家全部派晒出去:「寧願送咗出去畀錯人」,大劉又表示唔方便評論舊愛呂麗君為人,宜言講足七七四十九日都講唔完,更揚言要紮營先講得晒。

大劉又表示唔方便評論舊愛呂麗君為人,宜言講足七七四十九日都講唔完,更揚言要紮營先講得晒。Photo from 呂麗君IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel