吳卓羲回味五小生TVB拍劇時光 5人現況逐個睇事業發展最好竟然係佢？

By jack on 05 Jan 2023

Digital Content Writer

吳卓羲、林峯、黃宗澤、馬國明及陳鍵鋒曾被稱為TVB五小生，各人年紀相若，擁有帥氣的外表，亦於千禧年代拍過許多經典TVB劇集，是不少80、90後的集體回憶。近日吳卓羲接受內地媒體訪問，提到同為TVB出身的五小生，他直言5人很小機會可以聚首，又表示希望能齊集5人開拍一個綜藝節目，不少網民都表示相當期待！

Photo from 騰訊娛樂微博

不介意被觀眾定型為「衝動警察」

由吳卓羲、黃宗澤及王浩信主演的劇集《廉政狙擊．黑幕》近日在內地熱播，收視口碑皆不錯。近日吳卓羲接受內地媒體訪問，提到多年來被觀眾定型為「衝動警察」，他直言：「不是我問題，是劇本來的，導演叫他這樣演，他們怎樣覺得我都無所謂，作為一個演員，就必須演好這個劇本」而今次他在《廉政狙擊．黑幕》亦一改以往形象，出演一個亦正亦邪的律師，演技備受讚賞，他表示演這個角色挺好玩的，因為內心戲較多，發揮空間亦較大，他又坦言將來想挑戰演不能說話，靠身體語言表達自己的角色。
Photo from 《飛虎 3 壯志英雄》

與黃宗澤合作回味TVB拍劇時光

提到新劇《廉政狙擊．黑幕》，原來吳卓羲與黃宗澤（Bosco）已是第9次合作，吳卓羲笑指得知要再與對方拍檔，第一時間反應是：「還來？」其後他解釋道：「我覺得觀眾喜歡看，不是跟黃宗澤，就是林峯、馬國明或三哥（苗僑偉），我們都是這種配搭吧！」他續指：「我覺得其實9次無所謂，更希望會有19次！」他坦言與Bosco已是老拍檔了，合作起來默契十足，表示二人TVB同期出道，一起經歷了很多，埋位拍劇前亦有說不完的話題，如回味在TVB拍劇的時光。
Photo from 吳卓羲 IG

Photo from 騰訊娛樂微博

吳卓羲想TVB五小生聚首拍綜藝節目

其後記者問到吳卓羲期待五小生再聚首嗎？他坦言成數不大，但自己非常渴望與其餘4人合作拍節目：「希望我們有機會五個人可以再合作，但是可能基本上沒有什麼可能，不管是拍電影也好，電視劇也好。但是我相信，總有一天我們可以找一個綜藝節目，就是我們幾個人來，好像《大灣仔的夜2》一樣，也挺期待的。」

Photo from 吳卓羲微博

TVB五小生現時發展去向續個睇

吳卓羲

吳卓羲於2015年與TVB解約，其後開始北上發展，去年他憑《披荊斬棘2》在內地人氣急升，其凍齡帥氣的外貌，加上幽默可愛的性格，深得粉絲喜愛，近年他不但登上多個雜誌封面，更同期參與了3個內地綜藝節目，發展不俗。
Photo from 吳卓羲 IG

黃宗澤

黃宗澤於2017年約滿離開TVB後，同樣轉戰內地發展，出演了多套劇集及綜藝節目，不過成績未如理想，近年他開始回娘家TVB拍劇，先接拍了《法證先鋒V》，其後又出演了，邵氏與內地合力製作的《飛虎3壯志英雄》及《廉政狙擊·黑幕》，同時他亦有接拍電影及內地綜藝，工作不斷，吸金力驚人。
Photo from 黃宗澤 IG

馬國明

馬國明是五小生中唯一留在TVB發展的人，他亦成功捱出頭，於2020年成功奪得視帝寶座，是5位小生當中唯一一個獲得視帝的人。近年他亦主力留在香港拍劇，今年元旦他更宣布求婚成功，與拍拖兩年的湯洛雯正式訂婚。

Photo from 馬國明 IG

林峯

林峯2014年離開TVB往外闖，其後拍過不少電影，近年則轉戰內地發展，去年他參加內地綜藝節目《披荊斬棘2》引起熱話，繼而獲邀出演更多內地節目，亦有接拍電影及劇集，去年更重返樂壇推出歌曲，繼續歌影視三棲發展，可算是5位當中發展最好的一個。
Photo from 林峯 IG

陳鍵鋒

陳鍵鋒是五小生中最早離開TVB的人，他於2010年約滿離巢後轉戰內地發展，參演了《美人心計》、《封神英雄榜》等大熱劇集，深受內地觀眾歡迎，不過2019年他患上先天性腦遺傳病，隨即退出娛樂圈休養，據指他近年轉行做潛水教練，不過甚少再於幕前亮相。

Photo from 陳鍵鋒 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

吳卓羲爆林峯貪靚最愛照鏡被封為「鏡子怪」背後原因令觀眾好感大增

8 Sep, 2022

內地節目《披荊斬棘2》初開播已經人氣爆燈，仲有唔少揭露咁多位哥哥私下生活嘅相關內容，最近一集吳卓羲（Ron）就大爆林峯超愛照鏡？而任賢齊就發現吳卓羲戴水晶鏈求姻緣！

Photo from 《打卡練歌房》截圖

披荊斬棘相關節目同樣大熱

《披荊斬棘2》除咗舞台表演令人期待，觀眾對哥哥私下生活都好有興趣，所以相關衍生嘅節目都非常受歡迎，例如《打卡練歌房》就係邀請各位哥哥黎練歌房，除咗揭露哥哥的底下嘅面貌，亦會挑戰唔同項目取得「音符」，各位哥哥都為解鎖福利施展渾身解數！

Photo from 《披荊斬棘2》截圖

吳卓羲戴水晶求姻緣

今集內容延續上星期，吳卓羲、林峯、任賢齊、張峻寧繼續在「打卡練歌房」玩遊戲傾偈，Ron拗手瓜輕鬆嬴哂三人，不過就比任賢齊發現佢手上戴住水晶手鏈，任賢齊問係咪求姻緣嘅水晶，吳卓羲都大方答係。

Photo from 《打卡練歌房》截圖

近年與菊梓喬傳緋聞

吳卓羲入行至今緋聞多多，更有「花旦殺手」稱號，而近年就同女歌手菊梓喬（Hana）傳出緋聞，有指男方帶家人一齊捧Hana場睇表演，而女方更多次出入男方屋企，不過Hana就回應話「唔係去搵佢」，亦避談吳卓羲參加《披荊斬棘2》，似乎想對感情事保持低調。

Photo from IG@hana_kuk

溫兆倫最多嘢講！

後來4人談及32位藝人入面邊個「最話癆」，佢地4個都一致同意係溫兆倫，任賢齊更直言佢好多嘢講，不過唔係好快好密咁講，而係語速慢、聲音小，眾人仲開始模仿佢講野。而張峻寧更笑言有次大家係宿舍一齊同溫兆倫傾偈，可能佢講野有啲慢又細聲，大家都睇準契機出去，但佢醒覺得太遲，想離開個陣同溫兆倫對到眼，結果只好乖乖地坐低聽佢講嘢，非常搞笑。

Photo from 《打卡練歌房》截圖

網民惜溫兆倫被淘汰

不過公演後要係最低人氣組別中淘汰人氣最低嘅兩位哥哥，溫兆倫係32位哥哥入面人氣排名31，成為第一個被淘汰嘅香港藝人。佢自己表示無唔捨得，自己已經留低咗美好嘅回憶，相信咁多位哥哥都未必再有機會聽大師兄溫兆倫講嘢啦。唔少內地網民就到溫兆倫微博表示不捨，希望有機會可以令溫兆倫返場。

Photo from 《披荊斬棘2》截圖

林峯貪靚最愛照鏡

而Ron就爆林峯最鍾意照鏡，稱佢為「鏡子怪」，更話：「鏡子就是他的人生！」佢話貪靚無問題，不過林峯就算經過商場電梯，都會捉緊一瞬間時間側身照鏡，仲即場演示林峯嘅動作，場面搞笑。佢亦透露同林峯拍《大唐雙龍傳》時，自己去咗化妝同整頭套，後來搞掂返黎見到林峯仲係到照緊鏡無郁過！林峯急解釋：「我在戲我在練戲，我在練這個表情要怎麼做好嗎！」更表示因為拍戲時無化妝師跟場，所以自己用盡一切會反射到樣嘅物體照鏡，有時拍戲會有餐桌，通常都會有餐刀，自己就會用扁刀當鏡照黎照去！

Photo from 《打卡練歌房》截圖

林峯為節目做功課

其實首次公演中幾位哥哥係房入面閒聊，提到大家對參加類似節目都無經驗，唔太知遊戲規則而困惑，林峯就認真表示要睇第一季節目嘅內容，更指要留意上一季哥哥真人騷部分，直言舞台只係節目嘅一半，觀眾對真人騷先更加感興趣。而節目中明顯睇到Ron相對活躍，而林峯未如Ron一樣放得開同有綜藝感，多數比較靜同一本正經。