download HolidaySmart 假期日常 app
囝囝高燒至39度 醫生拒絕援助,港媽臨危不亂用M巾當退熱貼散熱

囝囝高燒至39度 醫生拒絕援助,港媽臨危不亂用M巾當退熱貼散熱

生活熱話
By Pat on 05 Jan 2023
Digital Editor

人在異地,很多東西都未必準備充足,特別當身體出現問題時,日常用的藥物都無辦法即時提供,真的會令人十分沮喪,尤其是子女身體不適時,為人父母的更加會不知所措。近日英國就有一名港媽,於Facebook群組「英國香港人生活交流區」發文,指兒子已經發高燒至39度持續不退,不過身處英國的她遲遲未能找到由香港帶去的退熱貼,當地亦不流行此物品,大部分藥房都未有發售,情急之下她將衛生巾當退熱貼用,發現效果奇好,因而希望推薦給在地的居英父母。

人在外地父母都特別緊張Photo from 《BB來了》劇照

臨危不亂令兒子退燒

據該名媽媽透露,自己早已移居英國,而且英國人大多選擇只靠藥物去痊愈,絕少會去看醫生,而她的兒子持續發高燒至39度,足足打電話超過一小時零十分鐘先聯絡到醫生,但醫生一聽到兒子的情況後,就指除非病情有所惡化,又或是連續3日不退燒方再找他們醫治。樓主聽後感到無助,突發其想到可以用女性每月的衛生用品代替「俾我諗到用衛生巾濕水放落冰箱」,更表示「竟然好用過軟性冰墊,唔會太凍,又唔會有倒汗水,直接敷落額頭,黐落頸度,可以不停循環再用。」

港媽指用衛生巾當退熱貼效果奇佳Photo from 「英國香港人生活交流區」

樓主又指出,以往在香港求醫,若果持續不退燒,兒科醫生會驗尿抽血落藥,並很小心地跟進病患情況,如今人在異地萬大事都只可以「靠佢阿媽我」,最後樓主趕於當地超級市場晚上8點關門前,成功購買止痛及退燒藥,兒子食藥加上冰敷後終於退燒。

小朋友發高燒可大可小Photo from Shutterstock

樓主表示衛生巾濕水放落冰箱,唔會太凍,又唔會有倒汗水,直接敷落額頭,黐落頸度,可以不停循環再用Photo from Shutterstock

網友大讚聰明

帖文一出,不少網友都大讚港媽臨危不亂,是個「有創意,能變通的媽媽」、又稱「咁都俾你諗到」、更有網友指「護墊貼落口罩加水卷住放入冰箱,攞返出嚟打開後勾住耳仔,就可以不用手按住」,亦有網友指出,小朋友發燒時不應以冰敷的方式急速降溫,「物理解溫可以令患者舒緩,但冰敷反而會令皮膚表面血管過度收縮,難於散熱,用室溫或者微涼嘅水就夠。」

小朋友有事最心痛莫過於家長Photo from Shutterstock

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地藥房免費派退燒藥被搶光 圍觀民眾無幫手仲反問老闆攞藥

Dec 26, 2022

疫症使人瘋狂!繼香港市民早前盲搶藥物抗疫之後,內地疫情持續升溫,各地民眾都爭先搶購囤積藥物自保,近日內地就瘋傳一條影片,黑龍江牡丹江市一間藥房老闆好心免費派發藥物,未料反應太過熱烈,引起廣泛關注。有民眾更加蜂擁而至,漠視規矩直接到店狂搶藥物,其餘民眾目睹藥物被搶,不旦沒有幫忙反而圍倒老闆要求繼續派發,令藥房老闆大感心寒。

黑龍江牡丹江市一間藥房老闆好心免費派發藥物,未料民眾竟漠視規矩直接到店狂搶藥物Photo from 微博影片截圖

根據內地媒體報導,內地雖然逐步放寬,但疫情依然嚴重,市民為求自保都四處奔走為求一盒藥物,黑龍江牡丹江市一間藥房老闆有見及此不忍民眾四處奔走,於聖誕前夕上周三(21日)決定免費派發退燒藥物給予民眾,未料一名沒有素質的市民大手搶奪一堆藥物,老闆大驚,但其餘目睹事發一切的人群卻未有多加阻攔,反而因沒有領到藥物而要求老闆繼續派發,老闆面臨如此局面因而崩潰大叫:「我給你們啥啊?我拿命給你們嗎?」

老闆面臨如此局面因而崩潰大叫:「我給你們啥啊?我拿命給你們嗎?」Photo from 說好的5872@微博影片截圖

一名沒有素質的市民大手搶奪一堆藥物Photo from 說好的5872@微博影片截圖

自掏三萬元為民眾提供藥物

而據悉,該藥房老闆早於之前亦曾派發過口罩、酒精等防疫物資,而今次事件發生前已經連續三日每天早上10點到11點免費發放,每天約有200-300人排隊領藥,而且該批退燒藥物更是老闆親自掏荷包為大家購入的,價值3萬元人民幣。藥房老闆在評論區更表示「孩子發燒著急的可以早上8點就到店裡領取,不用排隊。」絕對是有良心有人情味的大好人。

內地網民都為老闆感到不忿Photo from 說好的5872@微博影片截圖

老闆事後感到心寒暫停派發藥物

而於事件發生後,老闆再對當地記者表示對於藥物被搶後無人出手相助,甚至繼續索領藥物,令他十分心寒,目前已經暫停免費送藥,而網民們見過影片後,都對藥店老闆的遭遇深表同情和憤怒,紛紛留言事件「最可怕的是,沒有一個有勇氣的人去阻止」「就不該免費送,這些人真的不值得」「老闆不要心寒,你的善良會被大家記住的」。而北京必奕律師事務所律師李國蓓表示,雖然是免費發放的藥物,藥品全部或大部分搶走,有可能受到治安處罰,因為發放人對發放的對象和數量是有目的性地安排的,而犯罪者則違背了發放人的意志,所以金額較大的仍可能涉嫌搶奪罪。

網民們都對藥店老闆的遭遇深表同情和憤怒Photo from 微博影片截圖

網民們都對藥店老闆的遭遇深表同情和憤怒Photo from 微博影片截圖

網民們都對藥店老闆的遭遇深表同情和憤怒Photo from 微博影片截圖

網民們都對藥店老闆的遭遇深表同情和憤怒Photo from 微博影片截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地富貴網紅家底雄厚 身家過億 被踢爆年齡/富二代背景全造假

Dec 25, 2022

內地 網紅「痞幼」憑著精緻嘅樣貌、姣好嘅身材成功爆紅,再加上佢非常熱愛騎重型電單車,所以被稱為「重機女神」!不過,最近就有網民翻出佢以前嘅照片,表示佢嘅樣貌、身家背景等全部都係假嘅,引起網民熱議!

因熱愛騎重型電單車 而爆紅!Photo from 痞幼微博

#因為熱愛重型電單車而出名

內地網紅「痞幼」因為樣貌甜美、身材火辣而非常受網民歡迎,微博足足有127萬人追蹤佢!而平時就好鍾意騎重型電單車嘅佢,原來已經喺重型電單車打滾咗7年咁多,並且經常同網民分享佢嘅玩車日常。

因甜美外表 被稱為「重機女神」~Photo from 痞幼微博

玩重機7年!Photo from 痞幼微博

#網民發現家底雄厚 身家估計逾幾億

早前,「痞幼」就被網民踢爆其實佢家世顯赫,雖然而家只係得23歲,但就已經喺北京擁有一棟價值約$3千萬人民幣(約港幣$3,600萬)嘅豪宅、於海南島三亞擁有8棟別墅!再加上收藏嘅重型電單車數量亦十分多,包括有:BMW S1000RR、KAWASAKI新款等,全部都價值不菲,只係係電單車加埋就已經價值幾百萬蚊,生活非常奢華~

痞幼被爆家底雄厚?!Photo from 痞幼微博

生活超豪華~Photo from 痞幼微博

#網民翻出舊照片!

人紅就自然是非多!最近就有網民翻出「痞幼」剛剛加入網紅行列時候嘅照片,認為佢而家嘅樣貌變得非常唔同,五官睇落變得更加立體精緻,同以前嘅照片形成強烈嘅對比,惹來整容嫌疑!而佢就曾經試過上載自己小時候嘅照片,力證自己係「純天然美女」!

網民認為「痞幼」外表轉變大!Photo from 微博

以前五官冇咁精緻!Photo from 微博

堅持自己現在樣貌同以前一模一樣!Photo from 微博

有部份網民就直指,其實「痞幼」一直以來上載嘅照片都經過修圖同美顏濾鏡嘅修飾,並公開佢唔小心將自己真面目曝光嘅影片!影片中所見,穿著華麗古裝伴隨音樂跳舞,不過就疑似因為舞蹈動作太大,導致美顏濾鏡未能及時偵測到佢嘅面孔,導致平時睇落非常V嘅臉好似變得比較圓潤,令網民不禁懷疑平時佢完美無瑕嘅外表可能係靠後製?!

消失的V面?!Photo from 痞幼抖音

#年齡、家庭背景都係假?!

而網民就開始越爆越多料,表示「痞幼」一直以來對外所講嘅年齡、家庭背景等都係假嘅,引起網民熱烈討論!據悉,「痞幼」一直都對於佢自己嘅年齡同出生地方有唔同嘅講法,佢一直都聲稱今年23歲並且出生喺韓國;不過佢就曾經講過自己其實1995年於內地出生,推算之下而家應該係26歲。

所有對外講嘅嘢都係假嘅?!Photo from 痞幼微博

說法比一 令網民存疑!Photo from 痞幼微博

佢又曾經透露自己喺2014年大學畢業,出post感嘆「大學時光為何如此讓我懷念」,除非佢曾經跳級讀大學,否則佢而家嘅年齡有可能將近30歲!

年齡可能已經接近30歲 並非自稱嘅23歲?!Photo from 痞幼微博

#為爆紅而做噱頭?

家庭背景方面,「痞幼」就曾經對外聲稱價值$3千萬人民幣嘅豪宅係佢媽媽送贈俾佢,不過網民就踢爆佢口中嘅「媽媽」實際上係佢「姑姑」!講法一時一樣嘅佢,令唔少網民都開始質疑佢顯赫嘅背景可能都只係當時為咗噱頭而形造出來!

曾拍片表示豪宅由媽媽贈送Photo from 痞幼抖音

然而媽媽卻係姑姑?!Photo from 微博

#網民反應大不同

一連串嘅爆料令「痞幼」瞬間成為內地網民嘅熱話,而網民們嘅反應非常兩極:支持「痞幼」就認為唔可以單憑呢啲嘢就抹殺佢一直以來嘅努力,留言「很心疼她」等鼓勵字句;相反部分網民就認為欺騙大眾並唔正確,仲因為支持佢嘅網民人數都算多,認為佢好有可能花錢買「粉絲」!

好多支持痞幼嘅網民都喺微博發文鼓勵佢!Photo from 微博

有網民質疑佢買粉絲 幫自己挽回形象!Photo from 痞幼微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅直播期間不慎關掉美顏濾鏡 網民爆曾整容/被富二代王思聰追求4年

13 Aug , 2021

唔少網紅喺開直播嘅時候都會用濾鏡,務求將自己最靚嘅一面展示俾大眾。最近,內地知名網紅孫一寧開直播嘅時候,唔小心將美顏濾鏡關咗,真實面貌令網民感到驚訝,有網民仲大爆其實佢曾經整容?!

微博Photo from 微博

科技日新月異,大家影相嘅時候都可以輕易利用濾鏡去令自己變得更加上鏡。日前,內地知名網紅孫一寧就於網路直播嘅時候,唔小心關掉美顏濾鏡,令自己嘅「真面目」完全曝光,引發熱議!

微博Photo from 微博

氣質清純嘅孫一寧因為仙氣美貌,而被內地網民形容為頂級網紅,仲一度被封為「足以艷壓演藝圈」嘅美女,成功吸引大量粉絲追蹤!日前,佢喺抖音開直播嘅時候,就不慎關掉美顏濾鏡。只見本來受到高強度打光嘅佢,因為關濾鏡而瞬間令畫面變暗,而佢嘅真面目就顯露喺大家面前。

孫一寧抖音Photo from 孫一寧抖音

孫一寧抖音Photo from 孫一寧抖音

其實關掉濾鏡後嘅佢並唔算有太大嘅分別,不過就睇落比較憔悴,反而變得更加真實!而喺濾鏡消失嘅瞬間,孫一寧都顯得有啲驚慌失措,但都立刻調整好繼續直播。

微博Photo from 微博

微博Photo from 微博

其實以前就曾經有內地網民大爆孫一寧曾經整容,並表示自己當時佢哋同一日於整容醫院做手術,聲稱佢鼻子同眼睛都有整過!由照片中所見,素顏嘅孫一寧其實都五官清秀,不過相對地比較平凡,眼袋比較明顯,容貌亦好似比真實年齡年長,同大家而家所形容嘅「美若天仙」有所差別。

微博Photo from 微博

微博Photo from 微博

而孫一寧最近亦引起咗唔少風波,據悉有「千億富少」之稱的王思聰被爆瘋狂追求孫一寧,苦戀足足4年。孫一寧仲將兩人私下嘅對話曝光,表示王思聰經常纏繞以及騷擾佢,事件引起網民熱議,佢亦因此而人氣急升!

微博Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel