中國女團SHA48C位美少女竟是男人！真身現形，出道現場嚇親人！
近年內地流行偶像選秀節目，唔少偶像團體亦陸續出道。近日5人女子組合「SHA48」就宣佈出道，宣傳圖雖然P圖略為重手，但佢哋5位都係青春可人嘅美少女，點知出道公演現場照公開，C位成員真身卻嚇窒觀眾，原來竟是男兒身？！
Photo from SHA48微博
內地新女團「SHA48」出道
日本偶像團體AKB48影響力超大，雖然一代人氣成員都陸續畢業，但團體嘅知名度喺亞洲仍然相當高！中國內地亦有類似嘅組合SNH48，「四千年一遇美女」鞠婧禕亦係SNH48出身。上月一個名為「SHA48」嘅女子組合就宣佈出道，有心水清網友指「SHA48」與人氣女團SNH48並無關係，只係名字類似。
Photo from 鞠婧禕微博
5位成員年齡最大僅20歲，海報走青春美少女路線
「SHA48」有5位成員—鈴鐺、小綠、君君、小聆、魚魚，佢哋喺12月30日舉行公開演出，而且出道舞台係完全免費，觀眾可以喺演出場地領取入場券。宣傳海報上5位成員嘅個人照都有好勁嘅P圖痕跡，但根據官方所講幾位成員都係10幾歲，最年長嘅僅20歲，似乎係一班青春美少女。
Photo from SHA48微博
「C位」鈴鐺真身竟然係男生！舞台表演嚇窒觀眾
而公開演出後，SHA48即好快登上熱搜榜，然而上榜原因卻並非因為佢哋嘅表演，而係因為center（C位）鈴鐺嘅真人同宣傳海報完全不符，甚至連性別都係呃人，佢竟然係男兒身！
Photo from 抖音
從網民公開嘅現場相片中可見，本來係女團成員嘅鈴鐺，真身明顯唔係女生，佢骨架相當大，同其他成員有好大對比，即使係長頭髮亦難掩佢係男生嘅真相，不過鈴鐺睇落十分享受女團嘅身份，著上公主裙等舞台服飾表演，非常自信！
Photo from 微博
Photo from 微博
Photo from 微博
Photo from 微博
網友超崩潰，男兒身卻自稱係甜妹
唔少網友睇完SHA48嘅表演後大感崩潰：「我看不懂，但大受震撼」、「一下竟不知道怎麼表達這種無語」，隨後SHA48官方微博回應稱：「我們沒有在任何平台發表過我們是女團的聲明，也從來沒有以『女團』自稱，我們只是一個單純的地下偶像團體。」聲稱自己係「為愛發電」。
Photo from 微博
Photo from 微博
Photo from 微博
Photo from SHA48微博
不過根據鈴鐺本人嘅介紹，佢自稱係「甜妹」：「大家好我是SHA48的鈴鐺，特別愛吃辣，但是本人一點也不辣，是個甜妹哦！」而佢微博嘅照片同佢真人有極大嘅落差，相信佢都係中意P咗圖嘅自己。有網民爆料稱有男性朋友自爆組咗女團，佢本來以為只係投資，點知朋友自己出埋道！睇嚟鈴鐺係自資組女團，難怪可以做C位！
Photo from 鈴鐺微博
Photo from 鈴鐺微博
Photo from 鈴鐺微博
Photo from 鈴鐺微博
Photo from 鈴鐺微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
中國短跑女選手廖孟雪性別被質疑！大晒抱BB相展現母愛！網友：怎麼看都是男的
28 Jul 2021
東京奧運有唔少女性運動員備受關注，早年中國女子短跑運動員因為「粗曠」外型而被指係男兒身，連國家田徑隊都特登發微博澄清選手並非男性。其中一位被質疑嘅運動員廖孟雪就喺微博post出抱BB嘅相，大晒母愛！
Photo from 廖孟雪微博
中國之前舉辦嘅全國大學生運動會中，嚟自湖南嘅代表廖孟雪出戰100米短跑，更奪得銀牌。
Photo from 微博
其實廖孟雪曾加入中國國家隊，更係中國女子田徑隊中400米接力嘅隊員之一，當時佢同另一位隊友董曾歡因為中性化外型而被誤會係「男女混合接力隊」，惹嚟非議。
Photo from 微博
之後佢仍參與唔少田徑賽事，但每次出場都會被質疑真身係男性。甚至連中國國家田徑隊都喺微博發文澄清選手絕非男兒身，不過仍未能平息網友嘅質疑聲。
Photo from 微博
有唔少網友睇完廖孟雪嘅比賽後都難以接受佢係女性，有唔少人認為佢可能打太多激素，令男性特徵變強。
Photo from 微博
Photo from 微博
就算係私底下嘅打扮，廖孟雪都比較似係男生，雖然中意粉紅色，但佢平日嘅穿著風格都係走中性路線，佢喺微博同粉絲交流亦自稱為「大哥」。
Photo from 廖孟雪微博
Photo from 廖孟雪微博
Photo from 微博
廖孟雪喺微博公開咗抱住BB嘅相：「大家好，我叫『皮皮』，不要看我長的可愛就欺負我！！！！」，佢更親自喂BB食香蕉，盡顯母愛。
Photo from 廖孟雪微博
相中佢唔止著上粉紅色外套，仲留長頭髮，紥起小辮。不過有好多網民留言：「怎麼看都是男的」
Photo from 廖孟雪微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
