【開工吉日2023】兔年開工吉日攻略一覽！4大開工吉日吉時+辦公室催運秘訣！附收工吉日貼士！
【開工吉日吉時2023】踏入全新一年，打工仔如果想今年工作順利、升職加薪、增強財運，梗係要揀返個吉日吉時開工大吉喇！但開工吉日放緊假點算好？原來都有化解方法！2023兔年開工開市吉日吉時攻略，一覽4大開工吉日、辦公室催運秘訣，仲有埋收工吉日同貼士～
Photo from IG@李施嬅
#開工吉日：首選特大吉
·正月初六
| 吉日 | 吉時 | 相沖生肖 |
| 1月27日（星期五） | 7am～9am（辰時） | 兔 |
| 11am～1pm（午時） |
·正月十一
| 吉日 | 吉時 | 相沖生肖 |
| 2月1日（星期三） | 7am～9am（辰時） | 猴 |
| 9am～11am（巳時） |
#開工吉日：次選大吉
·正月初九
| 吉日 | 吉時 | 相沖生肖 |
| 1月30日（星期一） | 7am～9am（辰時） | 馬 |
| 9am～11am（巳時） |
·正月十二
| 吉日 | 吉時 | 相沖生肖 |
| 2月2日（星期四） | 9am～11am（巳時） | 雞 |
| 11am～1pm（午時） |
#開工催運秘訣
·揀對不相沖吉日
每年都有幾個新年開工吉日選擇，仲有首選和次選之分。如果想來年工作順利，大家可留意開工吉日是否和自己的生肖相沖，只要不相沖就萬事大吉，否則最好另揀一個吉日才正式開工啦！
·象征式開工儀式
如果開工吉日當天仍然放緊假或在周末假日點算好？打工仔可以在吉日吉時向老闆同事問候送上祝福，或回公司、在家中打開電腦，稍微整理一下文件、打打字、檢查和回覆email，唔需要做足整日，象徵式在吉日當天已開工大吉～
Photo from 《氣象廳的人們：社內戀愛殘酷史篇》
·穿新衫開工
新年穿新衫有辭舊迎新之意，第一天開工梗係都要穿著整齊乾淨的新衫！即使在屋企象徵式開工，吉日當天都要穿上乾淨的新衫，千萬不要貪一時方便穿睡衣開工，可能達不到應有的開運效果！
Photo from IG@胡杏兒
·碌柚水清衰氣
即使收工前已整理乾淨，但正式開工前最好再清理一次。可先用碌柚葉加清水，將自己的辦公桌和抽屜等抹乾淨，寓意洗走上年的衰氣霉氣，開工大吉，順順利利！另外，檯面一定要隨時保持乾淨，不要有遮擋物，寓意前途無量，沒有任何的阻礙。
·「聚財百家錢」增強財運
除了揀對吉日吉時開工，如果想增強財運，在收到開工利是或大客戶的分紅之後，可將部分現金放入利是封，再加入少少茶葉和白米，藏在夾萬或屋企的隱蔽之處。此方法叫做「聚財百家錢」，透過聚集財氣暢旺的人所給予的金錢，沾染富有之人的旺氣，來提升自己的財運，加強自己的聚財能力。
Photo from 《愛回家之開心速遞》截圖
·檯面擺放吉祥盆栽
開工時可以在檯面擺放吉祥盆栽，寓意吉祥如意，仲可以增添財運，全新一年順風順水！
Photo from 《愛回家之開心速遞》截圖
·忌飲齋啡/食銀杏
很多人都習慣開工前先沖一杯咖啡提下神，不過農曆新年開工當日切記絕對不要飲齋啡和食銀杏，以免整年工作都徒勞無功，食白果！
·「南方」催旺事業運
2023兔年的「官祿位」，即事業位置在「南方」。如果想提升自己的事業運，可在南方擺放一個「白水晶龍」或「一帆風順木帆船」，便可工作順順利利！另外，南方位置切勿擺放大葉或泥種植物，以免工作容易出現問題甚至招來是非小人。
Photo from 《愛回家之開心速遞》截圖
·「東南方」是非位
今年的「是非位」在東南方！如果不想是非口角纏身，可以擺放紅色或粉紅色的物件來化解，另外黑曜石水晶亦有所幫助！不過，要注意這個方向千萬不要擺放水中植物或魚缸！
#收工催運貼士
·揀對收工吉日
很多人都十分重視開工吉日，但其實收工的日子亦十分重要，一樣需要避開相沖生肖來揀吉日，有助大大增強工作運勢！
| 收工吉日 | 相沖生肖 |
| 1月12日（星期四） | 鼠 |
| 1月15日（星期日） | 兔 |
| 1月17日（星期二） | 蛇 |
| 1月20日（星期五） | 猴 |
| 1月21日（星期六） | 蛇 |
·抽屜放一封利是
相信好多人都唔知道辦公桌的抽屜其實都有風水！抽屜相等於辦公桌的「暗財庫」，收工前可將一封裝有錢的利是封擺放抽屜，可提升自己的財運！至於金額視乎個人而定，但切記利是封需要放滿一年，不能隨意拿出來。
Photo from Presslogic
·清理辦公桌
除咗屋企，準備收工過年之前記得辦公室亦需要大掃除，尤其係自己的辦公桌！收工前將辦公桌清理乾淨，寓意將過去一年不好的衰運通通清除，迎接全新的一年！
·辦公桌擺柑
收工當天，可在辦公桌檯面擺柑，寓意新一年會大「吉」大利，工作順順利利，在柑底下再放一封利是封，更可加強運氣！
Photo from Pinterest
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
