download HolidaySmart 假期日常 app
蔡少芬舉家回流香港,否認上海買樓!於深圳遠眺元朗忍唔住喊

蔡少芬舉家回流香港,否認上海買樓!於深圳遠眺元朗忍唔住喊

娛樂新聞
By Jennifer on 13 Jan 2023
Digital Editor

蔡少芬近日全家返港,佢同老公張晉慶祝結婚15周年。因為疫情久未回港,蔡少芬就表示自己喺上海並無物業,更表示一直都好想返香港,佢指自己有一次喺深圳工作,離遠望到元朗,眼淚已經流出嚟。

蔡少芬近日全家返港,佢同老公張晉慶祝結婚15周年。Photo from 蔡少芬微博

蔡少芬與老公張晉慶祝結婚15周年

蔡少芬2008年1月與內地演員張晉結婚,婚後兩人育有2女1子。自從結婚後蔡少芬已甚少出演電視劇,但有同老公張晉一齊參加內地綜藝節目,張晉夫婦向來十分恩愛,一家人近年定居內地,但近日卻舉家回港。

蔡少芬2008年1月與內地演員張晉結婚,婚後兩人育有2女1子Photo from 蔡少芬微博

1月12日係張晉蔡少芬結婚15年嘅紀念日,兩人難得二人世界出門約會,從蔡少芬公開嘅合照可見佢哋去咗睇戲,又到尖沙咀海傍拍拖,非常浪漫。其實蔡少芬一家搬返香港已有一段時間,早於去年11月佢就喺微博晒出一家人出門享受家庭樂嘅相片,當時佢哋已經身在香港。

1月12日係張晉蔡少芬結婚15年嘅紀念日,兩人難得二人世界出門約會Photo from 蔡少芬微博

佢哋去咗睇戲Photo from 蔡少芬微博

又到尖沙咀海傍拍拖Photo from 蔡少芬微博

蔡少芬澄清上海並無物業,一直都係租樓住

而蔡少芬同張晉出席楊盼盼女兒婚禮時就有傳媒採訪佢哋,對於有指佢哋已將上海豪宅放租,蔡少芬就澄清指一家喺上海一直都係租樓住,並無物業揸手。因為疫情佢哋一家五口一直都無返香港,蔡少芬稱老公張晉喺內地有好多工作,佢哋唔想一家人分隔兩地,於是就暫時搬到上海居住。

蔡少芬就澄清指一家喺上海一直都係租樓住,並無物業揸手。Photo from 蔡少芬微博

於深圳遠眺香港感觸流淚

蔡少芬又表示自己非常掛住身處香港嘅屋企人,尤其係年紀漸大嘅爸爸。佢仲提到有一次去深圳工作就因為太想念香港而忍唔住喊咗出嚟,佢指工作嘅地方可以望到元朗:「嗰度就係元朗我屋企呀,點解我返唔到去!」咫尺天涯令佢一時感觸流下眼淚,最終同老公商量後決定回港。

蔡少芬提到有一次去深圳工作就因為太想念香港而忍唔住喊咗出嚟Photo from 蔡少芬微博

蔡少芬曾大讚內地生活好

兩個女兒都已經喺香港返學,又指自己日後或會來往中港兩地,以便陪伴北上工作嘅老公張晉。之前蔡少芬上內地訪談節目就表示內地生活方便,網購可以直送上門,出門又有共享單車、網約車等,非常便利實惠,激讚內地租活:「好得沒得再好了!」不過睇嚟都敵唔過佢對家人嘅思念。

張晉曾於上海為蔡少芬慶祝生日Photo from 蔡少芬微博

之前蔡少芬上內地訪談節目就表示內地生活方便Photo from 《送一百位女孩回家》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

蔡少芬張晉大女二女與父母一個餅印!一個似媽一個像爸!

21 Nov 2022

蔡少芬同老公張晉育有兩女一子,仔仔小名為「張魚蛋」,蔡少芬同仔女合照,張家大女二女曝光,同爸爸媽媽超似樣!仲要一個似張晉,一個似蔡少芬,引起網民熱議!

今年49歲嘅蔡少芬,同老公張晉育有兩女一子,其中大女張楚兒今年11歲、次女張信兒9歲、細仔張樂兒3歲。

蔡少芬同老公張晉育有兩女一子,其中大女張楚兒今年11歲、次女張信兒9歲、細仔張樂兒3歲。Photo from 蔡少芬微博

早前仔仔張樂兒3歲生日,媽媽蔡少芬同爸爸張晉齊齊為張樂兒慶祝。仔仔一歲時同兩位家姐合照,家姐們比壽星仔更搶眼,原來佢哋同爸爸媽媽簡直係餅印一樣~

早前仔仔張樂兒3歲生日,媽媽蔡少芬同爸爸張晉齊齊為張樂兒慶祝。Photo from 蔡少芬微博

兩位家姐同樣搶眼,原來佢哋同爸爸媽媽簡直係餅印一樣~Photo from 蔡少芬微博

二女張信兒(右一)似爸爸張晉,而大女張楚兒(右二)就似媽媽蔡少芬,連網民都表示:「旁邊是一個小蔡少芬抱著小張晉哈哈哈哈哈哈」

二女張信兒(右一)似爸爸張晉,而大女張楚兒(右二)就似媽媽蔡少芬Photo from 蔡少芬微博

網民都表示:「旁邊是一個小蔡少芬抱著小張晉哈哈哈哈哈哈」Photo from 蔡少芬微博

今年蔡少芬生日,一家五口再度合照,大家姐果然似媽咪蔡少芬,二家姐則比較似爸爸張晉,再掀熱議!

今年蔡少芬生日,一家五口再度合照Photo from 蔡少芬微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel