公司年會抽中「與總經理單獨合影」特等獎，直呼「抽到了髒東西」！網民圍爐分享同類獎券。

By Wing Ws on 16 Jan 2023

Digital Content Writer

新年前夕，唔少公司都會舉辦Annual Dinner一類嘅聚會／聚餐，以提升公司士氣及建立員工之間嘅關係，當中，相信唔少人最期待嘅係抽獎環節，不過近日有網民喺社交平台分享自己年會抽中嘅「特等獎」竟然係「與總經理單獨合影」，令佢直呼抽到「污糟嘢」。帖文一出，即引起唔少網民和應，紛紛展示自己抽到令人匪夷所思嘅「特等獎」！

Photo from 《無法成為野獸的我們》劇照

日前，一名女子喺社交平台上分享一條影片，指佢喺公司年會中抽到「特等獎」，當佢打開抽獎嘅紙條一睇，發現獎品竟然係「與總經理單獨合影」，令女子崩潰直呼自己「年會抽獎抽到了髒東西」，而身邊嘅同事見到之後仲笑佢運氣好。

Photo from 微博

影片引起網民熱議，有唔少人表示同情：「晦氣」、「太髒了」、「這獎不要也罷」、「這算懲罰吧」；有人講笑咁話：「不是你好運氣，是其他同事好運氣」、「看來今年經濟真的差」、「希望這位小姐姐別因為這張照片在網上被大家吐槽而丟了工作」；亦有網民嘲笑指：「是明星老闆嗎」、「他們（上司）覺得這是恩賜」，有網民認為：「如果老板是馬云、馬化騰、劉強東、張一鳴的話，我還是可以接受的」。

Photo from 抖音

網民分享同類獎券

但原來有唔少網民都「同病相憐」，抽到同類嘅獎券，並紛紛圍爐分享自己喺年會抽中嘅中伏獎，有人抽到類似嘅「董事長簽名一張」、「單獨與董事長合影」、「與董事長聊天一小時」、「與CEO共進午餐一次」。

Photo from 微博

另外，亦有一啲看似實用嘅「遲到一小時」獎券，但獎券上就列明使用期限，仲要提前申請，亦有網民抽到「辦公室打掃券」、「帶薪休假一小時」、「年三十值班」等嘅獎。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

兩餸飯到會賀公司週年宴，800蚊6盤網民話好食過大餐廳

20 Dec 2022

兩餸飯係疫情期間嘅「窮人恩物」，價錢平民而且款式多又大份，為打工仔提供住家菜之餘又減輕銀包負擔，因而大受歡迎。但有網民發現臨近大時大節，居然有兩餸飯做到會供各大喜慶日子享用，更有網民於「兩餸飯關注組」出文指就連公司嘅週年宴都選擇用兩餸飯去取締以往常見嘅派對菜式，更指又抵又好食，引起網民熱烈討論。

Photo from Photo from 香港兩餸飯關注組@Facebook

兩餸飯做週年宴

近日就有網民於facebook 群組中分享自己公司嘅週年宴，指跟往常的壽司、Pizza、意粉有所不同，樓主所叫嘅都係日常嘅家常菜，有豬扒、西蘭花、糖醋排骨、咖哩雞、雞翼、肉餅等等，仲有4盒米粉2盒白飯，而且盒盒都份量十足加埋都只需要$800，好食過大餐廳咁話。

Photo from Photo from 香港兩餸飯關注組@Facebook

有唔少網民見到樓主分享之後都忍唔住留言：「好過叫埋d聖誕餐。。沙律。。串燒。。拼盤果d 又貴又唔夠食」、「其實食小菜都唔錯呀～」、「幾有創意丫，好過一圍圍」、「其實仲好，聖誕餐火雞凍盤（沙律，海蛰），湯，串燒飯麵都係咁上下野」、「天氣咁凍其實食呢啲幾開心好食又地道」，更有網民希望樓主可以分享地址，送佛送到西，不過其後樓主亦向網民表示，原來呢6盤食物係供20人食用嘅，有人就隨即表示覺得太少，如果喺屋企食個效果應該會比較適合。

Photo from Photo from 香港兩餸飯關注組

兩餸飯開到成行成市

疫情三年，堂食偶而會被禁止，於是兩餸飯因為「大件夾抵食」就借機掘起，而根據facebook群組「香港兩餸飯關注組」集各區市民資料，直至今年二月，全港已經有超過二百六十家兩餸飯店，其中油尖旺及深水埗最人流最密集，各佔三十二家，屬於全港之冠。

Photo from Photo from 香港兩餸飯關注組@Facebook

網民分享心得

有食兩餸飯12年經驗嘅網民更曾於「香港兩餸飯關注組」分享叫餸心得，聲稱點菜時餸菜可分為「可量化」和「不可量化」，可量化即雞搥雞翼豆腐蒸魚，有特定嘅數目，而不可量化就例如蕃茄炒蛋，粟米魚柳，蒸排骨等等。因為每一次份量都會唔同，建議大家一開頭聲稱食兩餸飯，而且兩樣都必須係不可量化的。當兩款餸已經塞滿飯盒後，你先同佢講「啊！我都係要多個餸啦」，大家就可以要可量化嘅餸菜，佢唔可以因為頭兩款餸嘅份量太多，而減少第三款餸嘅份量，簡單啲講即係硬食，店員點都要畀返足夠份量嘅第三個餸，咁樣一嚟你盒飯就會有「塞爆」嘅效果，但其實食兩餸飯都係基層小市民嘅日常小確幸，可以食到「好食夾大件」就已經可以開心一日，唔知大家又有咩睇法呢？