download HolidaySmart 假期日常 app
港男嫌女友肥偷落瀉藥幫佢瘦身? 返到公司一直肚屙 網民建議:分手+報警

港男嫌女友肥偷落瀉藥幫佢瘦身? 返到公司一直肚屙 網民建議:分手+報警

生活熱話
By jack on 16 Jan 2023
Digital Content Writer

在社會主流的審美觀下,大部分人對女性外形都傾向以瘦為美,不過這並不是唯一審美標準,更不應將這套想法強加到他人身上。最近有港女發文稱男友嫌棄她身形肥胖,竟在她的食物偷落瀉藥,貼文一出即引起熱議,網民一面倒批評男友行為過份,建議港女盡早分手。

《非常律师禹英禑》Photo from 《非常律师禹英禑》

迷上KPOP女生突然想女友瘦身?

近日一名港女在Dcard討論區發文,題目為「佢嫌我肥 偷喺我啲嘢食到落瀉藥」事主稱與男友拍拖一段時間,期間都沒有聽過男友嫌棄她身形肥胖,直至最近男友迷上KPOP女生,而KPOP大多數IDOL都身形苗條,男友的想法亦漸漸受到影響,更直接開聲表明想事主變瘦一點。事主聽了男友意見後,決心作出改變,她自言有努力瘦身,每日都會做gym,更有控制飲食,但成果卻不太顯著,導致男友經常抱怨,認為她瘦得太慢。

Blackpink IGPhoto from Blackpink IG

在牛奶偷落瀉藥幫女友減肥?

事主表示每朝起床習慣喝一杯奶,她自言平日喝奶都不會肚痛,可是某個早上她喝完奶去上班,回到公司肚子突然感到劇痛,然後一直腹瀉,她把事情告訴男友,怎料對方竟回應:「估唔到隻藥咁勁 你每日咁柯會瘦得快好多」事主感到不解,問男友到底發生什麼事?男友直言:「冇啊,瀉藥嚟,諗住幫你減下肥。港女得知後大感慣怒,發文力斥男友無知,又指瀉藥根本不能排去體內脂肪,對男友的落藥行為感到震驚。

《我吃了那男孩一整年的早餐》Photo from 《我吃了那男孩一整年的早餐》

網民批男友行為過份勸事主盡快分手

事件曝光即引起熱議,網民紛紛留言批評男友行為過份,完全無法接受「落藥已經好痴線」、「下!咁樣做遲啲會唔會落埋毒藥?」、「有病架痴線?」有人更指出男友該行為已屬違法「其實咁樣係你唔知情嘅情況下落藥係犯法嫁喎!」、「完全係犯罪 咁唔通佢想你喺佢面前消失就會落毒藥畀你食駁你病死?」許多人認為其男友相當可怕,建議事主盡早分手,避免惹上嚴重的麻煩「咁痴線真係要分手!」、「分手啦痴線 癲起上嚟真係唔知知會做啲咩!」同時更有人認為事主應報警處理,令其男友明白事件的嚴重性「你需要做嘅喺分手+報警,呢種人唔搞大啲件事 唔會明白件事有幾嚴重」、「唔止分手,應該報警拉佢啦!」

《當男戈戀愛時》Photo from 《當男戈戀愛時》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

欣宜後悔曾減肥100磅,曾唔進食致暈倒!自爆人生最瘦時期磅數

7 May, 2022

鄭欣宜(Joyce)唱歌事業發展順暢,佢近年決心唔再消脂做返自己,欣宜上廿四味嘅YouTube直播時提及佢曾減肥100磅,但反而更唔滿意,仲試過因為唔食嘢而跪低。

鄭欣宜(Joyce)唱歌事業發展順暢,佢近年決心唔再消脂做返自己Photo from 欣宜 IG

欣宜奪叱咤女歌手兩大獎項,紅館開個唱反應熱烈

欣宜出道以嚟面對過唔少風雨,其中佢最常因為外型而被網民討論,不過佢喺2013年就喺Facebook發文表示宣佈唔會再減肥,決心做自己。

欣宜出道以嚟面對過唔少風雨Photo from 欣宜 IG

近年欣宜喺樂壇發展順利,更一舉奪得叱咤樂壇頒獎禮「女歌手金獎」同「我最喜愛女歌手」,實力備受認可。佢宣佈開紅館演唱會,反應熱烈,加場又加位。

近年欣宜喺樂壇發展順利,更一舉奪得叱咤樂壇頒獎禮「女歌手金獎」同「我最喜愛女歌手」Photo from 《2021年度叱咤樂壇流行榜頒獎典禮》

減肥後皮膚鬆弛

不過欣宜有依家嘅成績一啲都唔簡單,佢上廿四味嘅YouTube直播時提到自己早年嘅減肥辛酸史,欣宜指佢去纖體公司但因為香港好少有人咁大磅數減到咁細,所以纖體公司都無同佢講要佢做好心理準備。

欣宜上廿四味嘅YouTube直播時提到自己早年嘅減肥辛酸史Photo from 24/7TALK

欣宜一心諗住減完就會擁有自己夢寐以求嘅身型,但纖體公司無話佢知減完可能大髀內側、手臂、肚都會有鬆嘅皮,所以欣宜減完反而更加唔中意自己嘅身型。

纖體公司無話佢知減完可能大髀內側、手臂、肚都會有鬆嘅皮,所以欣宜減完反而更加唔中意自己嘅身型。Photo from 欣宜 IG

媽媽肥姐支持欣宜減磅

欣宜表示細個將自信同身型掛鉤,又夢想結婚生仔、中意玩極限運動,所以當時16歲嘅佢就決定減肥,佢更同媽媽肥姐傾電話同佢講呢個想法,肥姐都好支持佢,但就叫佢唔可以中途放棄。

欣宜表示細個將自信同身型掛鉤,又夢想結婚生仔、中意玩極限運動,所以當時16歲嘅佢就決定減肥

欣宜同媽媽肥姐傾電話同佢講呢個想法,肥姐都好支持佢,但就叫佢唔可以中途放棄。

減100磅變人生最瘦139磅

佢一度從230磅體重減到139磅:「人生最瘦係139磅,當時瘦咗100磅。」但減咗十年,佢到26歲終於決定唔再減磅。

欣宜一度從230磅體重減到139磅:「人生最瘦係139磅,當時瘦咗100磅。」Photo from 欣宜 IG

欣宜曾因斷食暈倒

欣宜又表示為纖體公司擔任代言人嘅佢壓力好大,為咗盡快有效果,佢曾經斷食但呢個方法影響佢嘅健康,搞到日日頭暈,最終一次出席活動時一落車就休克雙膝跪地,唔只整損咗膝頭哥,仲搞到借返嚟嘅名牌高踭鞋爛咗,要佢出錢買返。

欣宜又表示為纖體公司擔任代言人嘅佢壓力好大,為咗盡快有效果,佢曾經斷食Photo from 欣宜 IG

最終欣宜一次出席活動時一落車就休克雙膝跪地,唔只整損咗膝頭哥,仲搞到借返嚟嘅名牌高踭鞋爛咗,要佢出錢買返。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

欣宜35歲繼承沈殿霞肥姐6千萬遺產 戶口曾剩$26 以往受情困一度想離港!

20 Aug 2021

藝人鄭欣宜於2008年經歷媽媽沈殿霞(肥姐)離世,外界以為當時21歲嘅佢能立即接收遺產,但其實經規定下佢要到35歲後才可動用媽媽遺產。即係話,現年34歲嘅欣宜喺唔過一年後便能繼承全部遺產。

鄭欣宜 IGPhoto from 鄭欣宜 IG

沈殿霞(肥姐)於2008年二月離世,佢生前留下6千萬港元遺產。由於當時年僅21歲嘅欣宜受規定約束下要到35歲以後先能夠動用遺產,所以在此之前,佢只可以每月從中提領2萬港元作生活費。

康熙來了Photo from 康熙來了

然而,受香港物價及環境影響下,其生活費並不夠用,所以肥姐離世後,欣宜稱佢戶口一度窮到只剩26港元。即使係咁,佢仍無向爸爸鄭少秋求助。

Youtube影片截圖Photo from Youtube影片截圖

34歲欣宜喺本地娛樂圈發展多年成績不錯,於今年5月發表單曲《先哭為敬》反應不俗,於多個音樂排行榜名列前茅,成為5台冠軍歌,其後與Serrini合唱歌曲嘅「尾班車Version」亦獲得熱烈反應。

鄭欣宜 IGPhoto from 鄭欣宜 IG

雖然欣宜現時發展順利,但其實佢於事業初期都曾被感情問題影響,甚至一度萌生離開香港念頭!佢早前拍片上自家YouTube頻道,大談新歌錄音及分享多年嘅愛情觀變化,指自己自18歲開始拍拖,此後便害怕單身。

Joyce 鄭欣宜 YoutubePhoto from Joyce 鄭欣宜 Youtube

Joyce 鄭欣宜 YoutubePhoto from Joyce 鄭欣宜 Youtube

佢表示害怕單身可能因為當初從外國回港時無咩朋友,就覺得有男朋友陪伴就會無咁驚。佢透露,有一次單身時間達4年,當時感到絕望,覺得喺香港唔會搵到一個懂欣賞自己嘅伴侶。

Joyce 鄭欣宜 YoutubePhoto from Joyce 鄭欣宜 Youtube

當時佢傷心到直頭覺得要離開香港,又指:「雖然娛樂事業好重要,但其實對我好重要嘅另一樣嘢,亦都係希望有一日搵到啱嘅對象生小朋友,我好想好想製造一個家庭,我成日許願都好focus on希望個天俾一個好嘅伴侶我。」

Joyce 鄭欣宜 YoutubePhoto from Joyce 鄭欣宜 Youtube

Joyce 鄭欣宜 YoutubePhoto from Joyce 鄭欣宜 Youtube

不過,欣宜透露想法於去年年頭同前度分手後有改變:「我更加希望自己幸福快樂,我發現我唔鍾意熱鬧,原來我係好唔鍾意出街,我依家先發現自己係好需要一個人嘅時間。」

Joyce 鄭欣宜 YoutubePhoto from Joyce 鄭欣宜 Youtube

佢同時指,自己向來畀人開朗外向印象,但其實佢係內向及害羞。佢希望充實行程,成為最好版本嘅自己,同時又不要為休息感內疚:「咁先對得住未來男朋友、老公或者小朋友。如果你需要一個伴侶來完整自己,你自己必須做更多功課,你要先自己完整自己。」

鄭欣宜 IGPhoto from 鄭欣宜 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel