download HolidaySmart 假期日常 app
KOL喺餐廳除衫露bra引熱議,被網民話好假,解釋「鬼影變幻球」原因。

KOL喺餐廳除衫露bra引熱議,被網民話好假,解釋「鬼影變幻球」原因。

生活熱話
By Wing Ws on 18 Jan 2023
Digital Content Writer

唔少女仔出街都會揀貼身、展示身材嘅衣着,不過有時身材太好、着得太性感都唔係個個都接受,甚至會引起爭議。有KOL於社交平台出post,貼出自己喺餐廳淨係着住件bra嘅相,而有關舉動喺連登引起討論,有網民仲話覺得佢似徐子珊!

SauSau喺Instagram貼出解開上衣、露胸罩的照片。Photo from Instagram @sausau_lsm

呢位名為「SauSau」嘅KOL日前喺Instagram貼出解開上衣、露胸罩的照片,並留言指:「頭先好大膽咁係餐廳度影左張好性感既相,希望無嚇親大家,因為生日,想做啲黐線啲嘅嘢」,又提到:「呢半年好努力咁樣健身同埋豐胸」,因此希望以特別方式留紀念。

有KOL貼出露bra相而引起討論。Photo from Instagram @sausau_lsm

露淨得個bra被批

帖文發布後,有網民以「有港女當眾係餐廳除衫露淨得個bra,算唔算係犯左公眾行為不檢??????」為題開post,並貼出SauSau於餐廳拍攝嘅照片及有關影片,表示唔理解點解要咁着,有人認為:「依家個個都露波,齋露已經無gymmick」、「其實想幫自己留個紀錄去沙灘咪得,係餐廳咁除衫法會唔會比人告㗎」,亦有人踩:「係咪得我覺得佢露得好cheap?」、「肉酸,毫無美感」,更有人留言指「恨上位」、「比人包」。

SauSau嘅IG上都有展示身材嘅衣着。Photo from Instagram @sausau_lsm

網民話似「後生大波version徐子珊」

同時有唔少網民力撐,認為「呢啲身形先正」、「大波就是正」,又大讚SauSau身型健康:「佢堅係有做gym唔係gym打卡果啲kol,Respect」、「見佢都好似成日做gym,成身都操得好勻循,淨係呢點都好抵讚,香港少有嘅肉地啱啱好類型」。更有網民話佢個樣似「後生大波ver(version) 徐子珊」、「正過徐子珊」。

網民話似「後生大波ver(version) 徐子珊」。Photo from 連登討論區

網民話似「後生大波ver(version) 徐子珊」。Photo from 徐子珊 微博

解釋「鬼影變幻球」原因

不過可能係身材太好,搞到被網民攻擊係「假波」、「夾出嚟」,而SauSau其後於IG story出post回應,並解釋「鬼影變幻球」原因:「其實女仔嘅胸真係會時大時細,包括我自己都係,主要都係關乎內分泌嘅原因」、「假如嗰段時間我瞓得比較差或者大壓力,我個胸部都一樣會縮,所以如果我要胸部keep住最佳狀態,喺生活上面都要做好平衡。」

SauSau出post回應網民。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

洗衫板、飛機場未算最mean?世界8大國家/地區超有創意A CUP名稱大公開!

12 Mar 2021

日本節目《世界くらべてみたら》邀請咗唔同國家、地區嘅人一齊交流意見,其中一集來自台灣嘅女生表示自己胸部好細令佢感到煩惱,於是就掀起在座唔同地區代表對於「平胸」稱呼嘅討論。

1. 日本

原來日本人叫平胸做「洗濯板」,意思即係洗衫板咁解,香港都有呢種叫法!

日本人叫平胸做「洗濯板」Photo from 淘寶

2. 中國

中國人會叫「小籠包」,中國代表又表不如果係大胸,就會叫「菜肉包」。而喺內地網民更會以「貧乳」、「旺仔小饅頭」表示「平胸」嘅意思~

中國人會叫「小籠包」

京東Photo from 京東

內地網民更會以「貧乳」、「旺仔小饅頭」表示「平胸」嘅意思Photo from 微博

微博Photo from 微博

3. 韓國

韓國代表表示佢哋會稱平胸為「懸崖之兩粒提子乾」!講到好鬼具體,連渡邊直美都直呼:「最惡!」,認為係最糟糕嘅叫法。

韓國代表表示佢哋會稱平胸為「懸崖之兩粒提子乾」Photo from 淘寶

4. 伊朗

除咗韓國人之外,原來保守嘅伊朗人都去到好盡!伊朗代表指佢哋會直接叫平胸做「暗瘡」,真係好mean!

5. 泰國

至於泰國就會稱做「液晶電視」,原因係舊式電視機會螢幕會有孤度,而液晶電視就係平面。

6. 意大利

意大利代表指意大利對於「平胸」並無專屬嘅稱呼,但對大胸會稱為「導彈」,喺香港好似都有類似叫法~

7. 台灣

嚟自台灣嘅女生就指台灣人習慣會叫「飛機場」,同香港一樣!

嚟自台灣嘅女生就指台灣人習慣會叫「飛機場」Photo from 香港國際機場

8. 香港

香港對「平胸」有好多唔同嘅叫法,「飛機場」、「洗衫板」都有人叫,另外網民表示依家仲會叫「iPad」,同「太平公主/長平公主」,叫法充滿創意!

香港對「平胸」有好多唔同嘅叫法Photo from 香港國際機場

ApplePhoto from Apple

長平公主Photo from TVB《帝女花》

連登Photo from 連登

連登Photo from 連登

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel