download HolidaySmart 假期日常 app
過年見家長6大注意事項!衣着打扮/送禮/食飯/打麻雀/回應長輩有咩要小心?

過年見家長6大注意事項!衣着打扮/送禮/食飯/打麻雀/回應長輩有咩要小心?

生活熱話
By Wing Ws on 18 Jan 2023
Digital Content Writer

新年將至,相信不少人也正準備到另一半家中拜年,見家長給長輩留一個好印象固然重要,以下整理了衣着、送禮等注意事項,幫助大家事先作準備,在見面時可為自己爭取印象分,避免尷尬情況發生。

見家長給長輩留一個好印象非常重要。Photo from 《今生是第一次》劇照

1. 衣着打扮要得體

第一印象很重要!因此服裝過分暴露和誇張是不可取的,最好穿明亮親切的衣服,盡量避免灰沉的顏色,也可以選擇大眾接受的風格。而化妝則不要太濃重,一切以簡單乾淨為主,遮蓋了臉上的瑕疵便足夠,最適合的妝容是裸妝。

衣着打扮要避免過分暴露。Photo from 《社內相親》劇照

2. 禮貌是基本

與長輩見面,守時是美德!見面時要主動打招呼,如果在場還有其他親戚,可以叫Uncle、Auntie,或跟另一半稱呼,別忘了要經常說「唔該」、「多謝」。另外,去長輩家中拜年要避免說不吉利的說話,如「死」、「慘」等負面說話。

見面時要主動打招呼。Photo from 《愛.回家之開心速遞》劇照

3. 送禮以實用得體為準

拜年固然不能兩手空空,大家不妨先向另一半打探對方父母的喜好,如對方喜歡喝茶,可以送茶葉、茶具等,也可以觀察他在家中常用品牌,買相似或相同的品牌!當然,送長輩的禮物以實用得體為主,食物這類消耗品是必然不會出錯的,如高級水果禮盒、蛋捲、蝴蝶酥等也是不錯的選擇!

送長輩的禮物以實用得體為主。Photo from 《我要做model》劇照

4. 要盡力回答長輩問題

作為父母都希望子女找到好歸宿,因此難免會問到一些尖銳的問題,最重要的是冷靜並盡力回答對方的問題。而親戚們或許會好奇你們的相處,大家也不要嫌對方八卦,可以多說正面話題,避免一味投訴另一半。在談話過程中,大家可以多聆聽及展露微笑。

要冷靜並盡力回答長輩的問題。Photo from 《香港愛情故事》劇照

5. 注意餐桌禮儀

見家長免不了一同用餐,與長輩吃飯要注意餐桌禮儀,飛象過河、看手機也要避免!長輩們也許會為你多準備一些菜式,要是只吃一兩口便不吃,會浪費對方的心思。若是有食物敏感,可以禮貌說出原因,以免誤會。另外,大家可以在用餐前後,主動提出幫忙整理,吃飯其間主動夾菜。如果飯菜是由另一半的父母準備,則可以稱讚對方的廚藝,當然大家可以選一兩道菜讚賞,這樣會顯得比較真誠。

與長輩吃飯要注意餐桌禮儀。Photo from 《一起用餐吧》劇照

6. 打麻將最重要是牌品

所謂「人品好,牌品自然好」,作為新年的娛樂活動,打麻將能同時觀察對方的品性,因此與長輩打牌可以適度「放水」,也要注意言行,不要因為一副牌輸了長輩的好印象!

與長輩打牌可以適度「放水」。Photo from 《嚦咕嚦咕新年財》截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

細佬經常擅自帶女友回家! 港男列出4項難頂事例:瞓晒成張沙發/唔打招呼

16 Dec 2021

相信唔少感情穩定嘅情侶都一定經歷過「見家長」呢個過程,而唔少人都會努力為咗喺另一半嘅家人面前留下好印象,不過有位港男就似乎有截然不同嘅經歷喇!港男喺討論區大呻佢細佬帶同女友回家食飯,然而佢女友無禮貌嘅行為卻令佢非常嬲!

自從細佬拍拖後就經常帶女友回家,令港男一家非常苦惱!Photo from TVB

# 港男大呻細佬經常帶女友回家!

大家又有冇試過見另一半嘅家人呢?!日前,有位港男就表示自從細佬拍拖後,就經常擅自帶女友回家瞓覺,而女友亦經常出現喺佢哋屋企「一個月差唔多上咗嚟十幾日」。面對住突如其來嘅「屋企人」,佢哋一家人嘅日常生活都大受影響!

港男大呻細佬經常擅自帶女友回家,搞到佢哋好尷尬?!Photo from 連登討論區

# 細佬女友行為自私!

港男表示細佬女友完全當係自己屋企一樣,行為亦非常自私,經常都會「成個人瞓喺張梳發度」,令本身放工返屋企想輕鬆睇電視嘅樓主冇得坐!就算見到港男嘅家人都唔會打招呼,令非常生氣!

細佬女友經常都成個人瞓喺沙發上,行為非常無禮!Photo from TVB

# 完全當係自己屋企?!

除此之外,細佬女友仲經常上嚟瞓,自己使用完嘅碗碟都唔會洗,只係擺喺度等其他人洗,令港男表示「真係好難頂」!而所有家務都由港男嘅媽媽一手包辦,仲話細佬女友完全冇諗過要幫手!

細佬同女友兩人食完飯都絕對唔會洗碗!Photo from TVB

# 溝通後情況依然未有改善!

其中最過份嘅就係,有一次全家人都等細佬同佢女友開飯,不過女友居然當面嫌棄「啲餸唔啱食」,仲要求細佬落街陪佢食,令港男真係非常憤怒!即使家人同細佬傾過,但情況依然未有任何改善。眼見細佬二人即將放假,而女友到時仲會搬過嚟住,就令港男感到非常頭痛,詢問網友們有冇辦法可以解決問題。

細佬女友仲曾經當面向港男媽媽表示飯餸唔啱食!Photo from TVB

港男為此感到非常煩惱,仲知道咗細佬女友即將會搬過嚟長住......Photo from TVB

# 網民認為港男應該出面斥責細佬及其女友!

唔少網民都認為細佬同女友嘅行為非常過份,覺得港男應該出面斥責佢哋先能夠解決問題!加上女友嘅行為似乎唔太尊重港男嘅媽媽「委屈自己屋企人就一定唔得」,大部分網民都認為港男要幫媽媽發聲。

大部分網民都認為港男應該直接出面斥責細佬同女友嘅行為!Photo from 連登討論區

網民都認為見到家人受委屈係越過咗底線,覺得港男應該幫媽媽發聲!Photo from TVB

# 網民絞盡腦汁諗辦法!

有網民就覺得細佬女友嘅行為非常厚面皮,提議港男「要對付厚面皮嘅人就要比佢更加癲」。網民提出咗唔少異想天開嘅建議,包括「佢沖涼果時熄熱水爐」、「喺屋企淨係著孖煙通」等,認為對方應該會因此而知難而退!

有網民就幫港男諗好唔同嘅對策去對付細佬女友!Photo from 連登討論區

網民提議港男應該做出各種出其不意嘅行動,從而減少細佬女友去佢哋屋企嘅次數!Photo from TVB

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel