余文樂潮牌MADNESS疑結業？內地網民力數4宗罪：趕緊關了吧
余文樂近年與妻兒定居台灣，減少幕前演出並主力打理旗下潮牌「MADNESS」，佢曾經喺個人YouTube頻道介紹品牌理念。不過日前有內地網民發現MADNESS內地嘅網上商店下架，有傳其北京三里屯實體店亦將租約期滿！
Photo from MADNESS官網
余文樂近年主力經營品牌MADNESS
現年41歲嘅余文樂入行超過20年，不過佢曾表示出道第二年已萌生退出娛樂圈嘅想法，更坦言自己唔係要賺好多錢、發明星夢嘅人。余文樂同台灣皮帶大王千金王棠雲結婚後就長居台灣，一對子女都係喺台灣讀書。
Photo from 余文樂IG
長居台灣嘅余文樂近年已減少出演影視作品，主力打理佢於2014年創立嘅服裝品牌MADNESS。余文樂稱佢創立品牌而非為賺錢，只係因為興趣。MADNESS一開始係以網購為主要銷售途徑，但2016年10月品牌於北京三里屯開設實體店。
Photo from Inside Out YouTube
余文樂潮牌MADNESS內地網店停運，品牌疑結業網民力數4宗罪
不過近日有內地網民發現MADNESS天貓旗艦店近日宣佈停止運營，更有傳北京三里屯旗艦店將於租約期滿後結業。編輯翻查發現MADNESS官網仍然正常運營，不過實體店卻不復昔日大排長龍嘅風光。
Photo from 微博
Photo from MADNESS官網
Photo from 微博
MADNESS天貓旗艦店終止經營掀起內地網民熱議，有唔少人都表示早已預想到，更紛紛指出品牌嘅不足之處，基本上包括以下4點：
Photo from Inside Out YouTube
1. 質素參差
唔少內地網友指曾經買過品牌嘅衣服，但到手後「質量太差」。余文樂指其品牌服飾並非由同一間工廠製作，有啲係日本工廠、有啲係內地工廠。而內地網民就認為喺內地發售嘅服飾同日產線「根本沒法比」。
Photo from 小紅書
Photo from Inside Out YouTube
2. 價錢貴
有人認為MADNESS嘅定價太高。不過余文樂就曾經喺個人YouTube頻道中稱部分服飾人工製作，因此成本會上升。但有網民就表示MADNESS嘅質量亦唔算好好，性價比相對較低。
Photo from 小紅書
Photo from Inside Out YouTube
3. 款式與其他街頭品牌相似
內地網民指MADNESS設計與WTAPS、Neighborhood的日本品牌相似，更嘲余文樂為「打版仔」。而余文樂就曾表示佢喺品牌服飾設計上加咗好多外人根本唔會在意嘅細節，例如喺牛仔褲內用紅線縫合，只因該牛仔褲係周年版產品，余文樂坦言用紅線成本會增加約一倍，但外人就覺得同普通褲無分別。
Photo from 小紅書
Photo from Inside Out YouTube
4. 遲遲不發貨
有網友指曾經喺網店買過一年衫但一直等咗兩個星期都未發貨，問客戶服務人員就次次都話聽日發貨，令佢一怒之下退款！
Photo from 小紅書
Photo from Inside Out YouTube
余文樂曾呻每年都想放棄MADNESS
雖然網上旗艦店即將停止運營，但有內地傳媒就詢問咗MADNESS門市嘅工作人員，對方表示MADNESS天貓旗艦店停運後，主要以官網同實體店為主，又指實體店正常運營，暫時未收到停業通知。其實余文樂曾經喺YouTube頻道中提到經營個人品牌非常辛苦，自己每一年都想放棄繼續經營呢個品牌。
Photo from MADNESS官網
Photo from Inside Out YouTube
Photo from Inside Out YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
40歲余文樂做掌上壓體力不支驚現滿頭白髮？盤點4大昔日高顏值男神
27 Apr 2022
Photo from 余文樂 IG
移居台灣搞個人潮牌、NFT
余文樂現年40歲，結婚後佢移居台灣，近年減少出演電影、電視劇，集中精力發展個人潮牌，又致力開拓NFT，屢破紀錄勁賺過億！
Photo from 余文樂 IG
40歲余文樂做掌上壓體力不支驚現白頭髮
雖然無影視作品，但余文樂仍然不時做gym，早年更擁有臂肌、腹肌，身型操到勁fit。日前佢喺IG Story就公開做掌上壓嘅片段，不過可能因為佢將大部分時間放喺家庭同潮牌事業上，做掌上壓明顯體力不支，只做咗幾下就谷到滿面通紅。
Photo from 余文樂 IG
Photo from 余文樂 IG
而且唔知係咪燈光問題，余文樂頭上更有唔少白頭髮，令人唏噓。男神早生華髮，又開始留鬚，余文樂成個人顯得十分成熟。除咗余文樂之外仲有部分男明星近年狀態與昔日帥氣形象大相逕庭。
Photo from 余文樂 IG
陳冠希大晒魚尾紋
Edison同余文樂一樣近年主力搞個人品牌同照顧家庭，似乎未有心機保養自己，比起出道初期嘅混血靚仔look，陳冠希魚尾紋清晰可見，整個人憔悴不少。
Photo from 《頭文字D》
Photo from 陳冠希 IG
吳彥祖髮線後移
吳彥祖同樣係好多人心目中嘅男神，不過近年佢被多次影到髮線後移，似有中年禿頭危機，加上鬚根未剃，成個人顯得非常滄桑。
Photo from 吳彥祖 微博
Photo from 吳彥祖 IG
彭于晏長髮鬚根look
余文樂嘅好兄弟彭于晏現年同樣係40歲，之前佢曾留長髮，加上滿臉鬍鬚，同以往嘅男神樣相差甚遠，不過男神始終係男神，底子超好嘅彭于晏剪去長髮後顏值即刻回復巔峰。
Photo from 余文樂 IG
Photo from 彭于晏 IG
Photo from 彭于晏 IG
馮德倫白鬚造型撞樣曾俊華？
當年馮德倫同吳彥祖一齊出演《美少年之戀》，一頭長髮係另一類型嘅美男子，不過近年佢留白鬚造型大晒歲月痕跡，同以往有好大差距！
Photo from 馮德倫 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
