苟芸慧與陸漢洋復合？！屢傳婚變疑生B現分歧，富貴老公終成功箍煲

娛樂新聞

By Jennifer on 20 Jan 2023

Digital Editor

苟芸慧與「錫礦大王」陸佑後人兼賽車手陸漢洋於2018年結婚，2021年有傳兩人因生B計劃產生分歧，更指苟芸慧已搬離貝沙灣愛巢！婚變消息滿天飛但苟芸慧與陸漢洋都未有正面回應過，但近日有指陸漢洋落力箍煲，終成功氹返苟芸慧！

Photo from 苟芸慧IG

苟芸慧與陸漢洋疑因生B產生分歧傳婚變

現年39歲嘅苟芸慧係參選國際中華小姐奪得冠軍後入行，2018年苟芸慧與陸漢洋結婚，婚後苟芸慧工作量大減，過少奶奶生活，閒時high tea、整下甜品咁，又不時同老公大晒恩愛，夫妻感情十分甜蜜。

Photo from 苟芸慧IG

不過到2021年時就傳出苟芸慧想生BB但老公卻暫未有生育計劃，令兩人出現意見分歧，其實喺婚前苟芸慧就曾指自己中意小朋友，但暫時唔考慮生仔住，因為老公想享受下二人世界先。除咗未能就生B計劃達成共識外，又有指苟芸慧有感丈夫一心打理生意，冷落自己而感到不滿，令兩人婚姻亮起紅燈。

Photo from 苟芸慧IG

更有傳苟芸慧搬離二人貝沙灣愛巢，獨自租屋住，令婚變之說更加似層層！苟芸慧喺IG發文指：「該捐的捐了，該送的送了，該斷的斷了。」又試過喺FB出post：「一些你以為一直會在的人和事突然像泡沫一樣消失了。朋友們約起來吧！很掛念你們。」似乎有所暗示。

Photo from 苟芸慧IG

Photo from 苟芸慧Facebook

Photo from 苟芸慧IG

陸漢洋落力箍煲成功氹回苟芸慧

婚變傳足兩年，近日有報道稱陸漢洋落力箍煲，終於成功氹返苟芸慧！雖然一直以嚟兩人都未有回應過婚姻是否出現問題，但喺呢兩年間，即使婚變傳聞越傳越烈，陸漢洋一直選用同一張婚照作為社交網站頭像，而苟芸慧出post佢都會畀like。有指陸漢洋為老婆做司機車出車入，兩人近日常結伴出現。

Photo from 苟芸慧IG

Photo from 陸漢洋IG

苟芸慧曾多次大讚陸漢洋浪漫

其實喺婚前苟芸慧已經多次大讚陸漢洋非常體貼浪漫，第一年拍拖因為分隔兩地，陸漢洋竟買咗一粒星，寓意將星星送畀苟芸慧，星星經緯度包含「9」字，代表即使Long D，只要望上天空睇星就好似見到對方咁。苟芸慧更指陸漢洋會記住佢嘅月事時間，預先買好藥同衛生巾畀佢。

Photo from 苟芸慧IG

而陸漢洋籌備婚禮都花咗好多心機，不但先後去加拿大、法國、韓國等地影婚紗相，更親自搵苟芸慧爸爸、細佬同喺加拿大認識超過20年嘅舊同學為未婚妻送上驚喜，當日苟芸慧以為只係影婚紗相，點知原來係正式婚禮，婚禮上苟芸慧更同接近10年無見嘅親朋戚友相聚，對老公一片心意大為感動。

Photo from 苟芸慧Facebook

Photo from 苟芸慧IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【苟芸慧婚變】疑生B計劃現分歧已搬離貝沙灣愛巢「該斷的斷了」IG早有暗示？

16 Jun 2021

37歲前華姐冠軍苟芸慧與「錫礦大王」陸佑後人兼賽車手陸漢洋於2018年結婚，婚後嘅苟姑娘成為少奶奶，減少幕前工作，不時同老公曬恩愛。不過，日前突然傳出二人有婚變危機。有指，苟芸慧不滿老公唔想生仔，亦無法忍受老公冷待，致二人無法達成共識。據悉，苟芸慧現已搬離貝沙灣愛巢。佢早前亦喺社交平台語帶雙關：「該斷的斷了」，似是早有暗示。