日本溫泉告急！過度開採致泉水耗盡，多間溫泉旅館因水源溫度不足結業

By Pat on 20 Jan 2023

Digital Editor

日本溫泉一直是遊客冬季遊日放鬆消閒的好去處，而溫泉是一種由地下自然湧出的泉水，泉水從地殼升上來的地下水經由地熱加熱而產生，而地殼上有很多地方偏佈地熱溫泉，但卻並不是每一個都適合被用來泡澡的，因為過熱的泉水若果浸泡有可能會導致皮膚燙傷或死亡。不過早前就有日本傳媒報導，近日日本全國陷入溫泉枯竭危機，多個地區的溫泉水量跟溫度都大幅下降，更有溫泉旅館因泉水不足而被迫歇業。

Photo from shutterstock

根據日本傳媒《日テレNEWS》報導，各地溫泉因過度開採而快速消耗地下水，造成日本泉源水位嚴重下降，除了水位跌落之外，就連泉水的溫度都大幅下降，除了「溫泉縣」大分縣之外，青森縣、長野縣和秋田縣等多區都有旅館因水源不足而被逼暫停營業，甚至有開業約350年的老店因此必需申請破產。

Photo from YouTube 截圖

泉水每分每秒都在減少

事實上，不只一間溫泉旅館正受泉水的溫度問題困擾，青森縣八戸市一間湯屋開業40年，負責人表示，泉源本來自地下一千公尺深，以機器每天抽取14萬公升的熱水溝入混合使用；但大約10年前，發現水井的水位每年下降，最終熱泉供應不了，旅館只好被迫停業。

Photo from YouTube 截圖

有見及此，日本環境省新修訂「溫泉資源保護規章」，在挖掘項目中，特別點出過度開採，並表示人們過度開採溫泉導致熱水量減少、溫度下降。雖然部分日本內陸地區被已政府劃分為保護區，並限制開採溫泉的挖掘工程，但仍然必須要注意泉水耗盡的跡象，要小心使用有限的資源。而在大量抽取與水源不足之下，日本溫泉告急。

Photo from shutterstock

除了旅客熱愛溫泉之外，其實當地不少居民都是溫泉旅館的常客，國家珍貴的資源正在一點一滴地流失，大家心中除了不捨還是不捨，要令到大自然給人類珍貴的資源復原，日本政府是時候多做些什麼去防止未來溫泉在日本消失了。

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本絕美河邊雪景溫泉街昭和時代木屋旅館《千與千尋》取景地

Nov 18, 2022

秋冬來臨，正係浸溫泉嘅季節，日本山形縣嘅銀山溫泉雪境靚到好似電影場景咁，超級浪漫！雖然可以即日來回，不過銀山溫泉最出名嘅就係入夜後嘅景色，所以強烈建議大家喺呢度嘅溫泉旅館住返晚！銀山川清澈嘅河水穿流其中，兩邊有3、4層樓高木屋旅館排成一排，氣氛寧靜，就好似入咗日本古代電影嘅拍攝場地咁。

Photo from shutterstock

根據日本國家旅遊局，呢度因為500年前發現咗銀礦，所以取名為「銀山」，銀山溫泉泉質係硫酸鹽溫泉，帶有少少鹹味。據講對皮膚割傷、燒傷、慢性皮膚病、慢性婦科病、動脈硬化等有唔錯嘅療效。

Photo from 銀山溫泉

銀山溫泉最出名嘅美景就係冬日大雪，地面上、屋頂上蓋上一層層白雪，配合古老嘅溫泉街，煤氣燈昏黃嘅光線映照著銀山川兩岸，夠晒夢幻。

Photo from shutterstock

Photo from 銀山溫泉

Photo from 銀山溫泉官網

而銀山川兩邊大正浪漫時期嘅溫泉旅館，同樣令人留連忘返。銀山溫泉依家已經係日本溫泉聖地之一，唔少人都想嚟呢個溫泉之鄉浸下溫泉。溫泉大街雖然唔長，但具歷史感嘅建築令人忍唔住駐足欣賞，呢度嘅溫泉旅館大部分都係喺大正到昭和初期興建而成。三四層樓純日式傳統的木製建築，散發出濃濃的時代感。當中最出名就係大正十年興建完成，獲日本政府納入指定文化財嘅「能登屋旅館」，據講仲係《千與千尋》入面油屋嘅原型！大家覺得似唔似？

Photo from shutterstock

Photo from 《千與千尋》

Photo from 銀山溫泉官網

Photo from 銀山溫泉

Photo from 銀山溫泉官網

而前往銀山溫泉嘅交通方面，日本國家旅遊局推薦乘坐JR山形新幹線從東京車站去到大石田車站（約3個鐘20分鐘），再搭巴士「銀山はながさ号」從大石田車站到銀山溫泉（約40分鐘）。喺東京出發到大石車站屬於「JR東日本PASS」嘅使用範圍，票價20000円（約1118港元），所以有買到Pass嘅話建議使用！除咗溫泉之外，仲有其他景點可以參觀，大街前面有個白銀公園，入面有散步小道，浸完溫泉之後可以去下散步，而公園入口處更有一個落差22米嘅白銀瀑布，可以喺度影相。另外銀山之前有銀礦，依家可以入內參觀，呢個銀礦叫「延澤銀礦坑」，行完全程大約需要30分鐘，可以喺度體驗下洞窟探險嘅樂趣。