SLAM DUNK睇到喊被細11年女友嘲幼稚，青春回憶被狂貶，40歲大叔終提分手！

By Wing Ws on 26 Jan 2023

Digital Content Writer

90年代發行嘅《男兒當入樽》(SLAM DUNK)相信係唔少人心目中嘅經典神作，亦係好多大人嘅回憶！即使事隔26年，電影版《THE FIRST SLAM DUNK》嘅推出仍然賣座，睇到一眾粉絲熱血沸騰，更直言自己嘅青春返晒嚟！不過近日，一位自稱年過40歲嘅網民發帖指，同細自己11年嘅女友睇完電影版SLAM DUNK後，呢套充滿回憶嘅動漫竟遭對方狂貶，更因為自己睇到爆喊而被嘲「幼稚」，令樓主感到失望，終於忍唔住提出分手。

Photo from 《她的神話》劇照

SLAM DUNK睇到喊被嘲幼稚

一名自稱年過40歲嘅網民於Facebook群組「匿名公社」以「因為灌籃高手我提分手了」為標題發文，指自己帶同小11年嘅女友去睇SLAM DUNK電影版，但女友由一開始訂票就唔太開心，入戲院嘅時候亦表現冷漠。相反，對於自己鍾意嘅作品，樓主非常投入，「全程都很興奮」，睇到激動情節會緊張到屏住呼吸，成場一直忍住淚水，「直到擊掌時才忍不住哭了出來」。但見到大自己11年嘅男朋友有咁嘅反應，女友不但喺中途「發出嘖嘖嘖的聲音」，完場嘅時候仲話樓主幼稚，又指「這麼無聊的籃球電影居然一堆人跑來看」，更笑樓主居然會睇到喊。

Photo from FB@MedialinkFilms羚邦映畫

「對年過40的大叔非常重要」

樓主表示，呢件事「對年過40的大叔來說非常的重要」，又指自己喺初中嘅時候接觸呢部漫畫，因此受影響參加高中嘅籃球社。樓主原本仲安慰自己，可能女朋友仲後生，所以唔理解自己「對年輕回憶的那種悸動」。但女友之後越講越過分，仲開始貶低樓主嘅人格，令樓主終於忍唔住提出分手。

Photo from S MANGA集英社

分手獲網民支持

有關帖文引起網民熱議，唔少網民支持樓主做法，認為「花場電影票的錢，看清一個人，不是很棒嗎」、「再怎樣都要尊重對方的個人愛好」；有人則指出，兩人都唔尊重對方，認為女友「不喜歡可以直接說不用在那邊自哎自怨」，又批評樓主「為啥要帶不能理解的人去看她看不懂的東西？這不是強迫別人接受嗎？」，有人就認為樓主唔應該帶女朋友去睇：「帶女友不如帶跟你同回憶的朋友去」；另有同好網民留言直斥：「貶低人格我可以接受，但攻擊灌籃高手不可原諒」、「侮辱你沒關係，但侮辱井上雄彥創作!分分分吧」。

Photo from 爆料公社

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

30首歷代級經典日本動漫神曲！新世紀福音戰士／鬼滅之刃／進擊的巨人

22 Jan 2021

唔少人嘅童年甚至青春、人生，都有日本動漫陪住佢哋過，你最鍾意嘅日本動漫歌曲又係邊首？日本朝日電視台就搞咗個選舉，同 13 萬國民一齊選出佢哋覺得最鍾意、經典嘅動漫歌曲到底係邊首！

第十位：《炎炎消防隊》「Inferno」
2020 年 7 月，《炎炎消防隊》嘅漫畫已經發行超過 1000 萬冊！故事背景講述人體會自然起火，然後變「焰人」作亂，而從小就崇拜英雄嘅主角加入咗非一般嘅消防隊，決定解開「焰人」嘅謎團！《Inferno》由 Mrs. GREEN APPLE 主唱，明快嘅節拍，加上容易令人共嗚嘅歌詞，難怪受到咁多人嘅愛戴！

Photo from 炎炎消防隊

第九位：《涼宮春日的憂鬱》「Godknows…」
《涼宮春日的憂鬱》作為日本極經典嘅校園喜劇，亂序播放嘅方式引起網民一時熱話，上榜並不令人意外。《Godknows...》由涼宮春日嘅聲優平野綾親自主唱，喺劇中亦曾經實際演唱過，亦被收錄至插曲合集當中，喺國民心中留有深刻嘅印象。

Photo from 涼宮春日的憂鬱

第八位：《城市獵人》「Get Wild」
《城市獵人》係漫畫家北條司嘅作品，1985 年至 1991 年喺《週刊少年Jump》度連載。故事講述主角作為槍法一流嘅「城市獵人」，同拍檔一齊擊敗處於城市入面嘅壞人。《Get Wild》由 TM NETWORK 主唱，歌詞同節奏都好入腦，令人不禁一聽再聽～

Photo from 城市獵人

第七位：《進擊的巨人》「紅蓮的弓矢」
《進擊的巨人》作為近年嘅熱門動漫，破格嘅題材同埋峰迴路轉嘅劇情，吸引咗極多嘅粉絲。故事背景係一個充滿巨人嘅世界，而可以成為巨人嘅主角要去逐步解開世界背後謎團。當年第一季吸引咗極多觀眾，加上作為主題曲嘅《紅蓮的弓矢》非常熱血，令佢成為好多人嘅愛曲！

Photo from 進擊的巨人

第六位：《科學超電磁砲》「only my railgun」
《科學超電磁砲》由 2007 年起於《月刊Comic電擊大王》連載至今，廣受國內外粉絲嘅歡迎。故事講述虛構城市「學園都市」內嘅學生會用唔同嘅方式得到超能力，而主角係市內七位超能力者之一，擁有操縱電擊嘅能力。《only my railgun》有住容易令人深深記住嘅旋律，喺唔少人心中都佔有一席！

Photo from 科學超電磁砲

第五位：《TOUCH》「TOUCH」
《TOUCH》係漫畫家安達充嘅體育代表作品之一，喺 1980 年代連載，係當時一套家傳戶曉嘅作品！故事用棒球同愛情作為主軸，加上親情、友誼等等嘅要素推動劇情，鼓勵咗當時嘅年青人要為自己嘅理想而努力向上。《TOUCH》由岩崎良美演唱，歌曲充滿住舊日情懷，加上饒有特色嘅前奏，令唔少人都對佢留下印象。

Photo from TOUCH

第四位：《數碼暴龍》「Butter-Fly」
《數碼暴龍》喺 1999 年啟播，絕對係後生一代嘅集體回憶！故事以「數碼世界」作為主舞台，講述以八神太一為主嘅一班小學生，喺異世界同數碼暴龍一齊生存、成長嘅故事。不過好可惜，憑住《Butter-Fly》依首歌展開歌唱生涯嘅和田光司 2003 年時發現患上咗鼻咽癌，曾兩度因病停止活動，最後不敵病魔，2016 年與世長辭。

Photo from 數碼暴龍

第三位：《太空奇艦》「太空奇艦」
《太空奇艦》係 1970 年代嘅作品，開啟咗科幻動畫嘅先河，擁有同《高達》、《新世紀福音戰士》同等嘅崇高地位！故事背景係地球被其他星球攻擊，地球衛軍為咗清除地球嘅上嘅放射能，將大和號戰艦改造成宇宙戰艦，踏上宇宙之旅。《太空奇艦》由佐佐木功嘅低沉聲線，加上氣勢十足嘅交響配樂，非常有戰爭嘅感覺。

Photo from 太空奇艦

第二位：《鬼滅之刃》「紅蓮華」
《鬼滅之刃》作為近期受到觀眾極熱烈喜愛嘅作品，喺第二位終於見到佢嘅身影！故事講述主角有一日發現屋企被鬼王滅門，只係留低咗一個變咗做鬼嘅妹妹，所以決意加入「鬼殺隊」報仇嘅故事。主唱 LiSA 係睇咗《鬼滅之刃》之後親自為佢填詞，所以同劇情環環相扣，加上富有日本風情嘅音色，成為咗唔少人心目中嘅神曲。

Photo from LiSA - Gurenge (紅蓮華) : THE FIRST TAKE

第一位：《新世紀福音戰士》「殘酷天使的行動綱領」
《新世紀福音戰士》喺宗教、哲學、心理學甚至生物學上都有伏線，加上故事、戰鬥同人物嘅呈現亦極其細膩，因此被好多人視為日本最偉大嘅動畫之一。故事講述主角忽然被神秘組織招募去駕駛「EVA」，並同使徒展開戰鬥。主題曲《殘酷天使的行動綱領》亦跟隔隨動畫熱度成為人人都聽過嘅名曲，奠下今次調查第一名寶座嘅基礎。

Photo from 新世紀福音戰士

唔知頭十首入面有冇你心目中嘅經典呢？其實今次嘅調查係總共出咗頭 30 首嘅名單，快啲睇下入面有冇邊首係你鍾意㗎啦！

第十一位：《海螺小姐》「海螺小姐」
第十二位：《美少女戰士》「月光傳說」
第十三位：《歌之☆王子殿下♪ 真愛1000%》「真愛1000%」
第十四位：《男兒當入樽》「直到世界的盡頭」
第十五位：《化物語》「你不知道的故事」
第十六位：《劇場版銀河鐵道 999》「銀河鐵道 999」
第十七位：《龍珠Z》「CHA-LA HEAD-CHA-LA」
第十八位：《Love Live!》「Snow halation」
第十九位：《小飛俠阿童木》「小飛俠阿童木」
第二十位：《銀魂》「陰天」
第二十一位：《TIGER & BUNNY》「描繪著獵戶座」
第二十二位：《櫻桃小丸子》「大家來跳舞」
第二十三位：《魔法少女小圓》「Connect」
第二十四位：《機動戰士再起風雲》「向水之星傾注我愛」
第二十五位：《雷朋三世》「雷朋三世的主題」
第二十六位：《鐵甲萬能俠》「鐵甲萬能俠」
第二十七位：《鋼之鍊金術師》「RAY OF LIGHT」
第二十八位：《劇場版刀劍神域》「Catch the Moment」
第二十九位：《黑色五葉草》「Stories」
第三十位：《涼宮春日的憂鬱》「晴天愉快」